ନାମାଙ୍କନ ପତ୍ର ଦାଖଲ ପରେ ଉଷ୍ଣ ହେଉଛି ନିର୍ବାଚନୀ ମାହୋଲ। ନିର୍ବାଚନୀ ରଣାଙ୍ଗନକୁ ପ୍ରଚାରରେ ବାହାରିଲେଣି ପ୍ରାର୍ଥୀ। ତେବେ ଲୋକଙ୍କ ସମସ୍ୟା ଦୂର କରିବା ପାଇଁ ପ୍ରତିଶ୍ରୁତି ଦେଉଛନ୍ତି ବିଭିନ୍ନ ଦଳର ପ୍ରାର୍ଥୀ। କେଉଁ ମୁଦ୍ଦା ନିର୍ବାଚନୀ ବୈତରଣୀ ପାର କରାଇବ ଏବେ ତା ଉପରେ ନଜର ।
ତାପମାତ୍ରା ବୃଦ୍ଧି ସହ ଉଷ୍ଣ ହୋଇଛି ନିର୍ବାଚନୀ ବାତାବରଣ। ପ୍ରଥମ ୨ଟି ପର୍ୟ୍ୟାୟ ପାଇଁ ସରିଛି ନାମାଙ୍କନ ଦାଖଲ। ନିର୍ବାଚନୀ ରଣାଙ୍ଗନକୁ ପ୍ରଚାରରେ ବାହାରିଲେ ନେତା। ପ୍ରଥମ ୨ଟି ପର୍ୟ୍ୟାୟର ୯ଟି ଲୋକସଭା ଓ ୬୩ଟି ବିଧାନସଭା ଆସନ ପାଇଁ ପାଗ ଭିଡୁଛି ପ୍ରଚାର। ମାଲକାନଗିରିରେ ପ୍ରବଳ ଖରା ସତ୍ତ୍ୱେ ତିନି ପ୍ରମୁଖ ଦଳର ପ୍ରାର୍ଥୀ ଘରକୁ ଘର ବୁଲି ପ୍ରଚାର ଆରମ୍ଭ କରିଛନ୍ତି। ଭୋଟରଙ୍କୁ ଆକୃଷ୍ଟ କରି ନିର୍ବାଚନୀ ଏଜେଣ୍ଡା ହୋଇଛି ପ୍ରସ୍ତୁତ। ମାଲକାନଗିରି ବିଧାନସଭା ଆସନ ପାଇଁ ତିନି ଦଳର ପ୍ରାର୍ଥୀଙ୍କ ସହ ନବରଙ୍ଗପୁର ଲୋକସଭା ଆସନର ବିଜେପି ପ୍ରାର୍ଥୀ ବଳଭଦ୍ର ମାଝି ଲୋକଙ୍କ ସହ ମିଶି ପ୍ରଚାର ଜୋରଦାର କରିଛନ୍ତି।
ପାରଳାଖେମୁଣ୍ଡିରେ ମଧ୍ୟ ଜୋର ଧରିଲାଣି ପ୍ରଚାର। ପାରଳା ରାଜବାଟୀରୁ ପ୍ରଚାର ପାଇଁ ରାଜଜେମା ତଥା ବିଜେଡି ପ୍ରାର୍ଥୀ କଲ୍ୟାଣୀ ଗଜପତି ଆଜି ପ୍ରଚାର ଆରମ୍ଭ କରିଛନ୍ତି। ଲୋକଙ୍କ ସମସ୍ୟାକୁ ଶୁଣି ତାକୁ ଦୂର କରିବା ପ୍ରାଥମିକତା ରହିବ ବୋଲି ସବୁ ପ୍ରାର୍ଥୀ ଜୋର ଦେଇଛନ୍ତି।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଜେପୁରରୁ ପ୍ରାର୍ଥୀପତ୍ର ଦାଖଲ କରିବା ପରେ ପ୍ରଚାର ମାହୋଲ ହୋଇଛି ସରଗରମ। ବରଗଡ଼ ଲୋକସଭା ପାଇଁ ବିଜେଡି ପ୍ରାର୍ଥୀ ପ୍ରସନ୍ନ ଆଚାର୍ୟ୍ୟ ଓ ବିଧାନସଭା ପ୍ରାର୍ଥୀ ଦେବେଶ ଆଚାର୍ୟ୍ୟ ଜୋରସୋରରେ ପ୍ରଚାର ଆାରମ୍ଭ କରିଛନ୍ତି। ସେହିପରି ଅନ୍ୟ ଦୁଇ ପ୍ରମୁଖ ଦଳ ବିଜେପି ଓ କଂଗ୍ରେସ ମଧ୍ୟ ଭୋଟରଙ୍କୁ ଆକୃଷ୍ଟ କରିବାକୁ ଚଳାଇଛନ୍ତି ପ୍ରୟାସ। ସବୁ ଅଞ୍ଚଳରେ ସମସ୍ୟା ରହିଛି ଅନେକ। ତେବେ ଅଭିଜ୍ଞ ନେତା ଓ ଅଞ୍ଚଳର ସମସ୍ୟା ଦୂର କରିବାକୁ ସକ୍ଷମ ପ୍ରାର୍ଥୀ ପ୍ରଥମ ପ୍ରସନ୍ଦ ବୋଲି କୁହନ୍ତି ଭୋଟରମାନେ। ସମ୍ବଲପୁର ଲୋକସଭା ଆସନରେ ବିଜେପି ପ୍ରାର୍ଥୀ ନିତେଶ ଗଙ୍ଗଦେବ ଆରମ୍ଭ କରିଛନ୍ତି ପ୍ରଚାର।
ନିର୍ବାଚନୀ ପ୍ରଚାରରେ ପଛରେ ପଡ଼ିନି କଳାହାଣ୍ଡି। ବିଜେପିର ଲୋକସଭା ପ୍ରାର୍ଥୀ ବସନ୍ତ ପଣ୍ଡା ବିଭିନ୍ନ ସ୍ଥାନରେ ନିଜର ପ୍ରଚାର ଅଭିଯାନ ଆରମ୍ଭ କରିଛନ୍ତି। ଦଳ ବିଜୟ ଲାଭ କଲେ ବେକାରୀ, ଦାଦନ, ଚାଷୀ ସମସ୍ୟାର ସମାଧାନ ହେବ ବୋଲି ସେ ପ୍ରତିଶ୍ରୁତି ଦେଇ ଭୋଟ ଭିକ୍ଷା କରିଛନ୍ତି। ସେହିପରି କଣ୍ଟାବାଞ୍ଝି ଆସନରେ ମଧ୍ୟରେ ତିନି ପ୍ରମୁଖ ଦଳର ନେତା ନିର୍ବାଚନ ପାଇଁ ଅଣ୍ଟା ଭିଡ଼ିଛନ୍ତି। ବିଜେଡି ମୁଖ୍ୟମନ୍ତ୍ରୀଙ୍କ ସ୍ୱଚ୍ଛ ଓ ନିର୍ମଳ ଭାବମୂର୍ତ୍ତିକୁ ପାଥେୟ କରି ପ୍ରଚାର କରୁଥିବା ବେଳେ କଂଗ୍ରେସ ଚାଷୀ ସମସ୍ୟାକୁ ନେଇ ଲୋକଙ୍କ ପାଖକୁ ଯାଉଛି। ତୃତୀୟ ପର୍ୟ୍ୟାୟରେ ଏପ୍ରିଲ ୨୩ରେ ନିର୍ବାଚନ ହେବାକୁ ଥିବା ବେଳେ ରଣପୁର ବିଧାନସଭା ପାଇଁ ବିଜେପି ପ୍ରାର୍ଥୀ ସୁରମା ପାଢୀ କିନ୍ତୁ ପ୍ରଚାର ଆରମ୍ଭ କରି ଦେଇଛନ୍ତି।
ରାଜ୍ୟରେ ଏପ୍ରିଲ ୧୧ରେ ହେବ ପ୍ରଥମ ପର୍ୟ୍ୟାୟ ଭୋଟ ଗ୍ରହଣ ଓ ଏପ୍ରିଲ ୧୮ରେ ହେବ ୨ୟ ପର୍ୟ୍ୟାୟ। ନିର୍ବାଚନରେ ସଫଳତା ନେଇ ଆରମ୍ଭ ହୋଇଗଲାଣି ପ୍ରଚାରର କଡ଼ା ଟକ୍କର। ତେବେ କେଉଁ ମୁଦ୍ଦା ନିର୍ବାଚନୀ ବୈତରଣୀକୁ ପାର କରାଇବ ତାହା ଉପରେ ଏବେ ସମସ୍ତଙ୍କ ନଜର।
ରେଢାଖୋଲ(କେନ୍ୟୁଜ): ଘର ଭିତରେ ମୃତଦେହ। ଉଦ୍ଧାର ହେଲା କନିଷ୍ଠ କିରାଣିଙ୍କ ମୃତଦେହ । ମୃତକ ରେଢାଖୋଲ ନାକଟିଦେଉଳ ତହସିଲ କାର୍ଯ୍ୟାଳୟରେ…
ରାଉରକେଲା(କେନ୍ୟୁଜ): ଚୋରମାନେ ଘର, ଦୋକାନ, ବଜାର ଓ ମନ୍ଦିରରୁ ଚୋରି କରୁଥିବା ତ ଆପଣମାନେ ଜାଣିଥିବେ । କିନ୍ତୁ ଚୋରମାନେ…
ଭଞ୍ଜନଗର(କେନ୍ୟୁଜ): ଓଡ଼ିଶାର ଗଣ ପର୍ବ ରଜ । ଏଥିପାଇଁ ଉତ୍ସବ ମୁଖର ଗାଆଁଠୁ ସହର । ବସୁଧା, ପ୍ରକୃତି ମାତାଙ୍କୁ…
ନୂଆଦିଲ୍ଲୀ:ଚସ୍ପତି ପଦକୁ ନେଇ ତେଜିଲା ବିବାଦ। ଆସନ୍ତା ୨୪ ତାରିଖରୁ ଆରମ୍ଭ ହୋଇ ଜୁଲାଇ ୩ ତାରିଖ ପର୍ଯ୍ୟନ୍ତ ଚାଲିବ…
ଜଳେଶ୍ୱର (କେନ୍ୟୁଜ): ନିଜର ବିବାହ ଉତ୍ସବକୁ ସ୍ମରଣୀୟ କରିବା ପାଇଁ ଆଜିର ଯୁବପିଢୀ ଭିନ୍ନ ଭିନ୍ନ ଢଙ୍ଗରେ ଏହାକୁ ପାଳନ…
କେନ୍ୟୁଜ (ବ୍ୟୁରୋ) : ବିଭାଗ ବଣ୍ଟନ ସରିଛି । ଏବେ ଦାୟିତ୍ୱ ନେବା ପରେ ମନ୍ତ୍ରୀମାନଙ୍କ ଆଗରେ ରହିବ ଅନେକ ଚ୍ୟାଲେଞ୍ଜ…