Odisha News
.

ମାଓ ପୋଷ୍ଟର : ଭାରତୀୟ କମ୍ୟୁନିଷ୍ଟ ପାର୍ଟି ପକ୍ଷରୁ ୨୪ଘଣ୍ଟିଆ ଓଡ଼ିଶା ବନ୍ଦ ଡାକରା

ଭୁବନେଶ୍ବର: ଭାରତୀୟ କମ୍ୟୁନିଷ୍ଟ ପାର୍ଟି ଓଡିଶା ରାଜ୍ୟ କମିଟି ପକ୍ଷରୁ ଆଜି ୨୪ଘଣ୍ଟିଆ ଓଡ଼ିଶା ବନ୍ଦ ଡାକରା ଦିଆଯାଇଛି। ବନ୍ଦ ଡାକରାକୁ ସଫଳ କରିବା ପାଇଁ କନ୍ଧମାଳ, ନବରଙ୍ଗପୁର ଓ ନୂଆପଡ଼ା ଜିଲ୍ଲାର ବିଭିନ୍ନ ସ୍ଥାନରେ ମାଓ ପୋଷ୍ଟର ଲଗାଯାଇଛି। ବିସ୍ଥାପନ, ଜଳ-ଜମି-ଜଙ୍ଗଲ, ଅପରେସନ ଗ୍ରୀନ୍‌ହଣ୍ଟକୁ ବିରୋଧ ଓ ନିରୀହ ଜନତାଙ୍କ ଉପରେ ପୋଲିସ ଦମନ ଆଦିକୁ ବିରୋଧ କରି ଏହି ବନ୍ଦ ଡାକରା ଦିଆଯାଇଛି। ବାଲିଗୁଡ଼ା ପଟାଙ୍ଗି ବରାଡ଼ିକ୍ଲିଉ ଗାଁ ଓ ଗୋଛାପଡ଼ା ଥାନା ନମ୍ବରବାଲିଠାରେ ମାଓ ପୋଷ୍ଟର ଲାଗିଛି। ଏହାସହ ମାଓବାଦୀମାନେ ଗଛ ପକାଇ ରାସ୍ତା ଅବରୋଧ କରିଛନ୍ତି।

ଫଳରେ ଦାରିଙ୍ଗବାଡିରୁ କ. ନୂଆଗାଁକୁ ଗାଡି ଚଳାଚଳ ବନ୍ଦ ରହିଛି। ନବରଙ୍ଗପୁର ରାଇଘର ସଦର ମହକୁମାରେ ମଧ୍ୟ ମାଓପୋଷ୍ଟର । ରାଇଘର ଜଗନ୍ନାଥ ମନ୍ଦିର ନିକଟରେ ଲାଗିଛି ପୋଷ୍ଟର। ବନ୍ଦକୁ ସମର୍ଥନ ପାଇଁ ଅଡିଓ ଟେପ୍ ଜରିଆରେ ବଲାଙ୍ଗିର ବରଗଡ଼ ମହାସମୁନ୍ଦ ଡିଭିଜନ ପକ୍ଷରୁ ଆହ୍ଵାନ୍ ଦିଆଯାଇଛି। ବନ୍ଦ ଡାକରାକୁ ଦୃଷ୍ଟିରେ ରଖି ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି।

Leave A Reply

Your email address will not be published.