ସେନାବାହିନୀର ସମସ୍ତ ଯବାନଙ୍କୁ ଫେସ୍‌ବୁକ୍‌ ଓ ଇନ୍‌ଷ୍ଟାଗ୍ରାମ୍‌ ସମେତ ୮୯ଟି ଆପ୍‌ ଡିଲିଟ୍‌ କରିବାକୁ କଡ଼ା ନିର୍ଦ୍ଦେଶ

ଭାରତୀୟ ସେନାବାହିନୀରେ କାର୍ଯ୍ୟରତ ସମସ୍ତ ଯବାନ ଓ ଅଧିକାରୀଙ୍କୁ ୮୯ଟି ଆପ୍‌ ଡିଲିଟ୍‌ କରିବାକୁ ବିଭାଗ ତରଫରୁ କଡ଼ା ନିର୍ଦ୍ଦେଶ ଦିଆଯାଇଛି। ଏହି ଆପ୍‌ଗୁଡ଼ିକ ମଧ୍ୟରେ ଫେସ୍‌ବୁକ୍‌ ଓ ଇନ୍‌ଷ୍ଟାଗ୍ରାମ୍‌ ଭଳି ସୋସିଆଲ ମିଡିଆ ଆପ୍‌ ରହିଛି। ଜୁଲାଇ ୧୫ ସୁଦ୍ଧା ସମସ୍ତ ସେନାବାହିନୀର ସଦସ୍ୟ ଯେଭଳି ଏହି ଆପ୍‌ଗୁଡ଼ିକୁ ଫୋନ୍‌ରୁ ଡିଲିଟ୍‌ କରିଦେଇଥିବେ ସେ ନେଇ ସେନା ତରଫରୁ କଡ଼ା ନିର୍ଦ୍ଦେଶ ରହିଛି।

ରିପୋର୍ଟ ମୁତାବକ ଏହି ଆପ୍‌ଗୁଡ଼ିକ ସୁରକ୍ଷା ପ୍ରତି ବିପଦ ସୃଷ୍ଟି କରିବା ସହ ଗୁରୁତ୍ୱପୂର୍ଣ୍ଣ ତଥ୍ୟ ଲିକ୍‌ କରୁଥିବା ଅଭିଯୋଗ ହୋଇଛି। ଏଣୁ ଯୁଦ୍ଧକାଳୀନ ଭିତ୍ତିରେ ଏସବୁ ଆପ୍‌କୁ ଡିଲିଟ୍‌ କରିବାକୁ ସେନା ପକ୍ଷରୁ ନିର୍ଦ୍ଦେଶ ଦିଆଯାଇଛି। ଯେଉଁମାନେ ଏହି ନିୟମକୁ ପାଳନ ନ କରିବେ ତାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେନା ବାହିନୀ ତରଫରୁ ଚେତାବନୀ ଦିଆଯାଇଛି। ଏହି ୮୯ଟି ଆପ୍‌ ମଧ୍ୟରେ ଚୀନ୍‌ର ୫୯ଟି ଆପ୍‌ ରହିଛି।

Facebook, Instagram, TikTok: Army asks personnel to remove 89 apps ...

ସେନାର ଜଣେ ଅଧିକାରୀ କହିଛନ୍ତି ପାକିସ୍ତାନ ଓ ଚୀନ୍‌ର ଗୁଇନ୍ଦା ସଂସ୍ଥା ଅନ୍‌ଲାଇନ୍‌ରେ ଭାରତୀୟ ଯବାନଙ୍କୁ ଟାର୍ଗେଟ୍‌ କରୁଛନ୍ତି। ଏଭଳି ମାମଲା କ୍ରମାଗତ ଭାବେ ବଢ଼ୁଥିବାରୁ ସେନାବାହିନୀ ତରଫରୁ ଏଭଳି ପଦକ୍ଷେପ ଗ୍ରହଣ କରାଯାଇଛି। ସୂଚନାଯୋଗ୍ୟ ଯେ ପୂର୍ବରୁ ଅଫିସିଆଲ କାମ ପାଇଁ ସେନାବାହିନୀର ଯବାନଙ୍କୁ ହ୍ଵାଟ୍ସଆପ୍‌ ବ୍ୟବହାର କରିବାକୁ ମନା କରାଯାଇଥିଲା।

Leave A Reply

Your email address will not be published.