Sabuthi Sabubele Hata Muthare Khabar

କରୋନା ସହ ଲଢ଼ିବାକୁ ସହାୟତାର ହାତ ବଢ଼ାଇଲେ ମଲ୍ଲଯୋଦ୍ଧା ବଜରଙ୍ଗ ପୁନିଆ, ଦାନ କଲେ ୬ ମାସର ଦରମା

ଭାରତର ଶ୍ରେଷ୍ଠ ମଲ୍ଲଯୋଦ୍ଧା ତଥା ଏସିଆନ ସ୍ୱର୍ଣ୍ଣପଦକ ବିଜେତା ବଜରଙ୍ଗ ପୁନିଆ କରୋନା ଭାଇରସ ସହ ଲଢ଼ିବା ପାଇଁ ସରକାରଙ୍କୁ ସାହାଯ୍ୟ କରିବାକୁ ନିଷ୍ପତ୍ତି ନେଇଛନ୍ତି। ୨୬ ବର୍ଷୀୟ ମଲ୍ଲଯୋଦ୍ଧା ହରିୟାଣା କରୋନା ରିଲିଫ ଫଣ୍ଡକୁ ନିଜ ୬ ମାସର ଦରମା ଦାନ କରିଛନ୍ତି। ଏ ନେଇ ପୁନିଆ ନିଜେ ସୂଚନା ଦେଇଛନ୍ତି।


ପୁନିଆ ନିଜ ଟ୍ୱିଟର ହ୍ୟାଣ୍ଡେଲରେ ଏ ନେଇ ସୂଚନା ଦେଇ କହିଛନ୍ତି ଯେ ” ମୁଁ ବଜରଙ୍ଗ ପୁନିଆ ନିଜ ୬ ମାସର ଦରମା ହରିୟାଣା କରୋନା ରିଲିଫ ଫଣ୍ଡରେ ସାହାଯ୍ୟ କରିବାକୁ ସମର୍ପଣ କରିଛି। ଜୟ ହିନ୍ଦ ଜୟ ଭାରତ”।


ତେବେ କରୋନା ପାଇଁ ଆର୍ଥିକ ସହାୟତା ଯୋଗାଇବାରେ ପୁନିଆ ପ୍ରଥମ ଖେଳାଳି। ଏ ପର୍ଯ୍ୟନ୍ତ ଅନ୍ୟ କୌଣସି ଖେଳାଳି କରୋନା ପାଇଁ ସାହାଯ୍ୟର ହାତ ବଢ଼ାଇ ନାହାନ୍ତି। ପୁନିଆଙ୍କ ଏହି ସହଯୋଗ ପାଇଁ ସୋସିଆଲ ମିଡିଆ ୟୁଜରଙ୍କ ସମେତ କ୍ରୀଡ଼ା ମନ୍ତ୍ରୀ ମଧ୍ୟ ପ୍ରଶଂସା କରିଥିବା ଦେଖିବାକୁ ମିଳିଛି।

Leave A Reply

Your email address will not be published.