ବଜାଜ ପଲ୍ସର 220 F ର ନୂଆ ମଡେଲ ଖୁବ ଶୀଘ୍ର ଭାରତୀୟ ବଜାରରେ ଲଞ୍ଚ ହେବାକୁ ଯାଉଛି । ଏହି ମଡେଲ ପୂର୍ବରୁ ବଜାରରେ ବଜାଜ ଅଟୋ ଦ୍ୱାରା ବନ୍ଦ ହୋଇଯାଇଥିଲା । ଏହାର ସ୍ଥାନରେ କମ୍ପାନୀ ନୂଆ ପଲ୍ସର 250 F ଲଞ୍ଚ କରିଥିଲା । କିନ୍ତୁ ବାଇକ୍ ପାଇଁ ବଜାର ଚାହିଦା ହେତୁ କମ୍ପାନୀକୁ ଏହି ବାଇକ୍ କୁ ପୁନଃ ଲଞ୍ଚ କରିବାକୁ ପଡିଲା । ଗତ ବର୍ଷ ୨୦୨୩ ମସିହାରେ ବଜାଜ ପୁଣି ଥରେ ଏହି ବାଇକକୁ ବଜାରରେ ପରିଚିତ କରାଇଥିଲେ । ବର୍ତ୍ତମାନ କମ୍ପାନୀ ଏହି ବାଇକର ଅପଡେଟ୍ ମଡେଲ୍ ଲଞ୍ଚ କରୁଛି । ଅଫିସିଆଲି ଲଞ୍ଚ ପୂର୍ବରୁ ଏହି ବାଇକ୍ ଡିଲରସିପ୍ ଷ୍ଟୋର୍ରେ ପହଞ୍ଚିଛି ।
ଅପଡେଟ୍ ମଡେଲରେ କ’ଣ ନୂଆ ହେବ?
୨୦୨୪ ବଜାଜ ପଲ୍ସର 220 F ରେ ଅନେକ ନୂଆ ଫିଚର୍ସ ଅନ୍ତର୍ଭୂକ୍ତ କରାଯାଇଛି । ଏହି ବାଇକର ସବୁଠାରୁ ବଡ ପରିବର୍ତ୍ତନ ଏହାର ଡିସପ୍ଲେରେ କରାଯାଇଛି । ପଲ୍ସର 220 F ର ପୂର୍ବ ମଡେଲରେ ଡିଜି-ଆନାଗଲ୍ ଡିସପ୍ଲେ ଥିଲା, ଯେତେବେଳେ କି ଏହି ଅପଡେଟ୍ ମଡେଲରେ ଏକ LCD ସ୍କ୍ରିନ୍ ଇନଷ୍ଟଲ୍ ହୋଇଛି । ବଜାଜର ଏହି ମଡେଲ୍ ପଲ୍ସର N160 ପରି ହୋଇଛି । ଏହି ବାଇକରେ ବ୍ଲୁଟୁଥ୍ କନେକ୍ଟିଭିଟିର ଫିଚର ମଧ୍ୟ ପ୍ରଦାନ କରାଯାଇଛି । ଏହା ବ୍ୟତୀତ ବାଇକରେ USB ଚାର୍ଜିଂ ସକେଟ୍ ମଧ୍ୟ ଲଗାଯାଇଛି ।
୨୦୨୪ ବଜାଜ ପଲ୍ସର 220F ର ପାୱାର୍ ଟ୍ରେନ୍:
ପଲ୍ସର 220F ର ଅପଡେଟ୍ ମଡେଲର ପାୱାର୍ ଟ୍ରେନରେ ବଜାଜ ଅଟୋ କୌଣସି ଗୁରୁତ୍ୱପୂର୍ଣ୍ଣ ପରିବର୍ତ୍ତନ କରିନାହିଁ । ଏହି ବାଇକରେ ୨୨୦ cc ଏୟାର / ଅଏଲ-କୁଲ୍ଡ ମୋଟର ଅଛି, ଯାହା ୨୦.୪ hp ପାୱାର ଯୋଗାଇଥାଏ ଏବଂ ୧୮.୫ Nm ଟର୍କ ଜେନେରେଟ କରିଥାଏ । ଏହି ମୋଟର ସହିତ ଏକ ୫-ସ୍ପିଡ୍ ଗିୟର ବାକ୍ସ ଯୋଡି ହୋଇଛି । ବଜାଜ ପଲ୍ସରର ଏହି ମଡେଲ୍ ସର୍ବୋତ୍ତମ ବିକ୍ରି ହେଉଥିବା ବାଇକ୍ ମଧ୍ୟରୁ ଅନ୍ୟତମ ।
ନୂଆ ମଡେଲ୍ ଦାମ:
ବଜାଜ ପଲ୍ସରର ଏହି ଅପଡେଟ୍ ମଡେଲରେ ଅନେକ ନୂଆ ଫିଚର୍ସର ଏଣ୍ଟ୍ରି ହୋଇଛି । ଏହି ନୂଆ ଫିଚରଗୁଡିକ ଆଡ୍ ହେବା ପରେ, ଏହି ମଡେଲର ମୂଲ୍ୟ ମଧ୍ୟ ବୃଦ୍ଧି ପାଇଛି । ୨୦୨୪ ବଜାଜ ପଲ୍ସର 220F ର ମୂଲ୍ୟ ପୂର୍ବ ମଡେଲ ତୁଳନାରେ ୨୫୦୦ ଟଙ୍କା ଅଧିକ ରଖାଯାଇଛି । ବଜାଜ ପଲ୍ସର 220F ର ଏକ୍ସ ଶୋ’ରୁମ୍ ମୂଲ୍ୟ ହେଉଛି ୧,୩୮,୫୬୦ ଟଙ୍କା । ବିଭିନ୍ନ ଅଞ୍ଚଳ ଅନୁଯାୟୀ, ଏହି ବାଇକରେ ୨୫୦୦ ଟଙ୍କା ଯୋଡି ଅପଡେଟ୍ ହୋଇଥିବା ମଡେଲର ଏକ୍ସ ସୋ’ରୁମ୍ ମୂଲ୍ୟ ପ୍ରାୟ ୧.୪୧ ଲକ୍ଷ ଟଙ୍କା ହେବ ।
ବାଲୁଗାଁ(କେନ୍ୟୁଜ୍): ଇଏ ଆଶ୍ଚର୍ଯ୍ୟର କଥା ନୁହେଁ ତ ଆଉ କଣ? ଦୁହେଁ ସିନା ପିଲାଟିବେଳୁ ଦେଖିବାକୁ ଏକାପରି ଥିଲେ, ହେଲେ…
ଆଜିର ସମୟରେ ସୋସିଆଲ ମିଡିଆର ବ୍ୟବହାର ଏକ ସାଧାରଣ କଥା ହୋଇଗଲାଣି । ପ୍ରତ୍ୟେକ ବ୍ୟକ୍ତି ସୋସିଆଲ ମିଡିଆରେ ବେଶ୍…
ମଧ୍ୟପ୍ରଦେଶର ଛିନ୍ଦଓ୍ଵାଡା ଜିଲ୍ଲାରେ ବୀଭତ୍ସ ହତ୍ୟାକାଣ୍ଡ । ଟାଙ୍ଗିଆରେ ହାଣି ୮ ଜଣଙ୍କୁ ହତ୍ୟା କରିବା ପରେ ନିଜେ ଆତ୍ମହତ୍ୟା…
ଆପଣମାନେ ତ ଜାଣିଥିବେ ମିଠା ଖାଇବା ପାଇଁ ଲୋକଙ୍କ ଇଚ୍ଛା କୌଣସି ସମୟରେ ମଧ୍ୟ ହୋଇପାରେ । ତେବେ ଯେତେବେଳେ…
ଅରବିନ୍ଦ କେଜ୍ରିଓ୍ଵାଲଙ୍କୁ ସୁପ୍ରିମକୋର୍ଟଙ୍କ ଝଟକା ଲାଗିଛି । କେଜ୍ରିଓ୍ଵାଲ କରିଥିବା ଜାମିନ ଆବେଦନକୁ ଖାରଜ କରିଛନ୍ତି ସୁପ୍ରିମକୋର୍ଟ । ପୂର୍ବ…
ମାଲକାନଗିରି (କେନ୍ୟୁଜ): ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର ବିଜାପୁର ଜିଲ୍ଲାର ବର୍ଧେପାରା ଜଙ୍ଗଲରେ ପୋଲିସ ମାଓବାଦୀ ମଧ୍ୟରେ ଗୁଳିବିନିମୟ ।…