ଏୟାରଟେଲର ବଡ଼ ଅଫର, ଏହି ପ୍ରିପେଡ଼ ଗ୍ରାହକଙ୍କୁ ମିଳିବ ୪ ଲକ୍ଷ ଟଙ୍କାର ବୀମା

ଭାରତୀ ଏୟାରଟେଲ ନିଜର ଗ୍ରାହକ ମାନଙ୍କ ପାଇଁ ଏକ ଆକର୍ଷଣୀୟ ଅଫର ନେଇ ଆସିଛି । ଏହି ଅଫର ଅନୁଯାୟୀ ୫୯୯ଟଙ୍କା ପ୍ଲାନ ନେଉଥିବା କମ୍ପାନୀର ପ୍ରିପେଡ଼ ମୋବାଇଲ ଗ୍ରାହକମାନଙ୍କୁ ଭାରତୀ ଆକ୍ସାର ଜୀବନବୀମା ମିଳିବ । ଦୁଇଟି କମ୍ପାନୀ ମଧ୍ୟରେ ହୋଇଥିବା ପାର୍ଟନରସିପ ଚୁକ୍ତି ଦ୍ୱାରା ଏହି ସୁବିଧା ଉପଲବ୍ଧ ହୋଇଛି ।

ସୂଚନା ଅନୁଯାୟୀ ଗତ ସୋମବାର ଦିନ ଭାରତୀ ଏୟାରଟେଲ ଘୋଷଣା କରିଥିଲା ଯେ ୫୯୯ଟଙ୍କାର ପ୍ରିପେଡ଼ ପ୍ଲାନ ଦ୍ୱାରା ପ୍ରତିଦିନ ୨ଜିବି ଡାଟା ସହିତ ୧୦୦ ଏସଏମଏସ ଓ ଯେକୌଣସି ନେଟୱାର୍କକୁ ଅନଲିମିଟେଡ଼ କଲ କରାଯାଇପାରିବ । ଏହାସହିତ ଭାରତୀ ଆକ୍ସା ଲାଇଫ ଇନ୍ସୁରାନ୍ସ ତରଫରୁ ଚାରି ଲକ୍ଷ ଟଙ୍କାର ଜୀବନ ବୀମା ମଧ୍ୟ ଯୋଗାଇ ଦିଆଯିବ ।

ଏହାସହ ପଢନ୍ତୁ Vodafone ବନ୍ଦ ହେବାକୁ ନେଇ ଚାଲିଥିବା ଚର୍ଚ୍ଚାର ଉତ୍ତର ରଖିଲା କମ୍ପାନୀ, କହିଲା…

ଦୁଇଟି କମ୍ପାନୀଙ୍କ କହିବା ଅନୁଯାୟୀ ଏହି ରିଚାର୍ଜ ୮୪ ଦିନ ବୈଧତା ସହିତ ଆସୁଅଛି ଏବଂ ପ୍ରତି ରିଚାର୍ଜ ସହିତ ତିନି ମାସ ପାଇଁ ବୀମା କବର ଉପଲବ୍ଧ ରହିବ । ୧୮ ରୁ ୫୪ ବର୍ଷ ପର୍ଯ୍ୟନ୍ତ ସମସ୍ତ ଗ୍ରାହକଙ୍କୁ ମିଳୁଥିବା ଏହି ବୀମା କବର ପାଇଁ କୌଣସି କାଗଜପତ୍ର ଦେବାକୁ ପଡିବ ନାହିଁ କିମ୍ବା କୌଣସି ଚିକିତ୍ସା ଯାଞ୍ଚ କରିବାର ଆବଶ୍ୟକତା ପଡିବ ନାହିଁ । ବୀମାର କାଗଜପତ୍ର ଅତିଶୀଘ୍ର ଡିଜିଟାଲି ଜାରି କରିଦିଆଯିବ । ଏହି ଅଫରକୁ ବର୍ତ୍ତମାନ ଦିଲ୍ଲୀ ସହିତ ଅନ୍ୟ କିଛି ରାଜ୍ୟରେ ଲାଗୁ କରାଯାଇଛି ଏବଂ ଅତିଶୀଘ୍ର ଏହାକୁ ସାରା ଦେଶରେ ଲାଗୁ କରିଦିଆଯିବ ବୋଲି ସୂଚନା ମିଳିଛି ।