ଟାରିଫ ଟେନସନ ମଧ୍ୟରେ ବଡ଼ ଆଶ୍ୱସ୍ତି । ଆରବିଆଇ ଦେଲା Repo Rate ଉପହାର । କମିଲା ରେପୋରେଟ୍, କମିବ EMI । ଗୃହ ଓ ଗାଡ଼ି ଋଣ ଉପରେ କମିବ EMI । Repo Rate ୨୫ ବେସିସ ପଏଣ୍ଟ ହ୍ରାସ କରିଛି ରିଜର୍ଭ ବ୍ୟାଙ୍କ । ନୂଆ ଆର୍ଥିକ ବର୍ଷର ପ୍ରଥମ ମୁଦ୍ରା ନୀତି ସମୀକ୍ଷା ବୈଠକ ପରେ ସୁଧହାର ଘୋଷଣା କରିଛି RBI । ଏନେଇ RBI ଗଭର୍ଣ୍ଣର ସଞ୍ଜୟ ମାଲହୋତ୍ରା ଘୋଷଣା କରିଛନ୍ତି । ୨୫ ବେସିସ ପଏଣ୍ଟ ହ୍ରାସ ପରେ ଏବେ ୬% ରହିଲା ରେପୋରେଟ । ଏହାକୁ ମିଶାଇ କ୍ରମାଗତ ଦ୍ବିତୀୟ ଥର ପାଇଁ Repo Rate କମାଇଛି RBI । ସେଣ୍ଟ୍ରାଲ ବ୍ୟାଙ୍କ ଯେଉଁ ସୁଧହାରରେ ବାଣିଜ୍ୟକ ବ୍ୟାଙ୍କକୁ ଋଣ ଦେଇଥାଏ ତାକୁ Repo Rate କୁହାଯାଏ । ପୂର୍ବରୁ ଗତ ଫେବୃୟାରୀ ମାସରେ ରିଜର୍ଭ ବ୍ୟାଙ୍କ ୨୫ ବେସିସ ପଏଣ୍ଟ କମାଇଥିଲା Repo Rate । ଏଥି ସହ Repo Rateର ସିଧା କନେକ୍ସନ ବ୍ୟାଙ୍କରୁ ଲୋନ ନେଉଥିବା ଗ୍ରାହକଙ୍କ ସହ ଥାଏ । Repo Rate କମିଲେ EMI କମିଥାଏ । ଏଥି ସହ ଗୃହ ଓ ଗାଡ଼ି ଋଣ ଉପରେ ମଧ୍ୟ EMI କମେ ।
RBI MPC ବୈଠକରେ Repo Rate Cut ଉପରେ ନିଆଯାଇଥିବା ନିଷ୍ପତ୍ତି ବିଷୟରେ ସୂଚନା ଦେଇ ଗଭର୍ଣ୍ଣର ସଞ୍ଜୟ ମାଲହୋତ୍ରା କହିଛନ୍ତି ଯେ ନୂତନ ବ୍ୟବସାୟ ବର୍ଷ ୨୦୨୬ ଚ୍ୟାଲେଞ୍ଜ ସହିତ ଆରମ୍ଭ ହୋଇଛି । କିନ୍ତୁ ଗତ ବ୍ୟବସାୟ ବର୍ଷର ପ୍ରଥମାର୍ଦ୍ଧରେ ମାନ୍ଦାବସ୍ଥା ପରେ, ଭାରତର ଅର୍ଥବ୍ୟବସ୍ଥା ଲଗାତାର ବୃଦ୍ଧି ପାଉଛି। ସେ ଟାରିଫ୍ ଉପରେ ଚିନ୍ତା ପ୍ରକାଶ କରି କହିଥିଲେ ଯେ High Tariff ନିଟ୍ ରପ୍ତାନି କାର୍ଯ୍ୟକଳାପ ଉପରେ ନକାରାତ୍ମକ ପ୍ରଭାବ ପକାଇବ । Repo Rate ରେ ୦.୨୫ ପ୍ରତିଶତ ହ୍ରାସ ବିଷୟରେ ଆଲୋଚନା କରି ସେ କହିଛନ୍ତି ଯେ MSF Rate ହ୍ରାସ ପାଇଛି । SDF ହାର ୬% ରୁ ୫.୭୫% କୁ ହ୍ରାସ କରାଯାଇଛି ।
ଭାରତର GDP ଅଭିବୃଦ୍ଧି ସମ୍ପର୍କରେ ଆରବିଆଇ ଗଭର୍ଣ୍ଣର କହିଛନ୍ତି ଯେ ଏହି ବର୍ଷ ପ୍ରଥମ ଏବଂ ଦ୍ୱିତୀୟ ତ୍ରୈମାସିକରେ ଭାରତର ଜିଡିପି ଅଭିବୃଦ୍ଧି ୬.୫ ପ୍ରତିଶତ ରହିବ ବୋଲି ଆକଳନ କରାଯାଇଛି । ତୃତୀୟ ତ୍ରୈମାସିକରେ ଏହା ୬.୬ ପ୍ରତିଶତ ଏବଂ ଚତୁର୍ଥ ତ୍ରୈମାସିକରେ ୬.୩ ପ୍ରତିଶତ ହେବ ବୋଲି ଆକଳନ କରାଯାଇଛି । ଏହା ସହିତ, ମୁଦ୍ରାସ୍ଫୀତି ହାର ୪ ପ୍ରତିଶତ ମଧ୍ୟରେ ରହି ମଧ୍ୟରେ ରହିବ ବୋଲି ଆଶା କରାଯାଉଛି । ସେ କହିଛନ୍ତି ଯେ ଅଶୋଧିତ ତୈଳର ଅନ୍ତର୍ଜାତୀୟ ମୂଲ୍ୟ ହ୍ରାସ ପାଇବାରୁ ଲାଭ ମିଳିବ । ଏହା ସହିତ ସେ କହିଥିଲେ ଯେ ଭାରତରେ ନିବେଶ କାର୍ଯ୍ୟକଳାପ ନିବେଶ କାର୍ଯ୍ୟକଳାପ ବୃଦ୍ଧି ପାଇଛି, ଏହା ବ୍ୟତୀତ ଉତ୍ପାଦନ କ୍ଷେତ୍ରରେ ମଧ୍ୟ ଉନ୍ନତିର ସଙ୍କେତ ମିଳୁଛି ।