ଗୁଗଲ ଲଞ୍ଚ କଲା ଆଣ୍ଡ୍ରଏଡ୍ ୧୩, ଭୂକମ୍ପ ଆଲର୍ଟ ସହ ବର୍ତ୍ତମାନ ଆପଣ ଭୋଜପୁରୀ ଏବଂ ସଂସ୍କୃତରେ କରିପାରିବେ ଅନୁବାଦ
ଆପଣ ଯଦି ସଂସ୍କୃତ ଭାଷାକୁ ପସନ୍ଦ କରିଛନ୍ତି, ତେବେ ଆପଣଙ୍କ ପାଇଁ ରହିଛି ଖୁସି ଖବର। ବର୍ତ୍ତମାନ ଆପଣ ଗୁଗଲରେ ସଂସ୍କୃତ ଏବଂ ଭୋଜପୁରୀରେ ଅନୁବାଦ କରିବାକୁ ସମର୍ଥ ହେବେ। କାରଣ ନୂଆ ଏଡିସନ୍ ପରେ ସଂସ୍କୃତ ଏବଂ ଭୋଜପୁରୀ ସମେତ ଆଠଟି ନୂତନ ଭାଷା ଗୁଗୁଲ୍ ଅନୁବାଦରେ ଯୋଡା ଯାଇଛି । ଗୁଗଲ୍ ଏହାର ବାର୍ଷିକ ଇଭେଣ୍ଟ ଗୁଗଲ୍ I / O 2022 ରେ ଆଣ୍ଡ୍ରଏଡ୍ ୧୩ ଲଞ୍ଚ କରିଛି। ଏହା ବ୍ୟତୀତ ଗୁଗଲ୍ ଇନ୍-ହାଉସ୍ ପ୍ରୋସେସର୍ ସହିତ ଗୁଗଲ୍ ପିକ୍ସେଲ 6a ମଧ୍ୟ ଲଞ୍ଚ କରିଛି।
ଗୁଗଲ୍ ମ୍ୟାପ୍ସ ସମ୍ବନ୍ଧରେ ଏକ ନୂଆ ଏଡିସନ୍ ମଧ୍ୟ ପ୍ରକାଶ କରିଛି। ଯାହାର ନାମ ‘ଇମର୍ସିଭ୍ ଭ୍ୟୁ’ ରଖାଯାଇଛି। ‘ଇମର୍ସିଭ୍ ଭ୍ୟୁ’ ରେ ବିଲ୍ଡିଂ ଏବଂ ରାସ୍ତାର ଡିଜିଟାଲ୍ ଅବତାର ଦେଖାଇହେବା। ଏଥିପାଇଁ ଆର୍ଟିଫିସିଆଲ ଇଣ୍ଟେଲିଜେନ୍ସ (AI) ର ସାହାଯ୍ୟ ମଧ୍ୟ ନିଆଯିବ। ୨୦୨୨ ର ଏହି ମେଗା ଇଭେଣ୍ଟରେ ଗୁଗଲ୍ ଆଣ୍ଡ୍ରଏଡ୍ 13 ର ବିଟା ସଂସ୍କରଣ 2 ମଧ୍ୟ ଲଞ୍ଚ କରିଛି ।
ଆଣ୍ଡ୍ରଏଡ୍ 13 ବିଟା 2 ରିଲିଜ୍ ବିଷୟରେ କହିବାକୁ ଗଲେ, ଗୁଗଲ୍ I / O 2022 ରେ ଆଣ୍ଡ୍ରଏଡ୍ 13 ର ବିଟା ସଂସ୍କରଣ 2 ରିଲିଜ୍ କରିଛି। ଯାହା ଅନେକ ପରିବର୍ତ୍ତନ ସହିତ ପରିଚିତ ହୋଇଛି। ଏହାର ପ୍ରଥମ ବିଟା ସଂସ୍କରଣ ଗତ ମାସରେ କିଛି ପିକ୍ସେଲ ଫୋନ୍ ପାଇଁ ମୁକ୍ତିଲାଭ କରିଥିଲା। ଆଣ୍ଡ୍ରଏଡ୍ 13 ସହିତ ଗୁଗଲ୍ ୟୁନିଫାଏଡ୍ ସିକ୍ୟୁରିଟି ଏବଂ ସିକ୍ରେଟ୍ ସେଟିଂ ଫିଚର୍ ପେଜ୍ ସହିତ ଆଲବମରେ କଳାକୃତି ଯୋଡିଛି। ଟାବଲେଟ୍ ପାଇଁ ଆଣ୍ଡ୍ରଏଡ୍ 13 କୁ ମଧ୍ୟ ଅପ୍ଟିମାଇଜ୍ କରାଯାଇଛି ଯାହା ଦ୍ଵାରା ମଲ୍ଟିଟାସ୍କିଂରେ କୌଣସି ଅସୁବିଧା ହେବ ନାହିଁ । ଏହାର ଫାଇନାଲ ଏଡିସନ ଅଗଷ୍ଟ ମାସରେ ପ୍ରକାଶ ପାଇବ।
ଆଣ୍ଡ୍ରଏଡ୍ 13 ସହିତ ମ୍ୟୁଜିକ୍ ଲକ୍ ସ୍କ୍ରିନରେ ମଧ୍ୟ ପ୍ଲେ କରିବାକୁ ସକ୍ଷମ ହେବ। ଏହା ବ୍ୟତୀତ ପୂର୍ବ ଅପେକ୍ଷା ଭୂକମ୍ପ ବିଷୟରେ ସଠିକ୍ ଆଲର୍ଟ ମଧ୍ୟ ଉପଲବ୍ଧ ହେବ। ଭୂକମ୍ପ ଆଲର୍ଟ ସହିତ ଏଥିରୁ କେମିତି ବଞ୍ଚିବେ ତାହା ମଧ୍ୟ ଉପାୟ ମଧ୍ୟ କୁହାଯିବ। ‘ଗୁଗଲ୍ ପେ’ ର ଡିଜାଇନରେ ଗୁଗଲ୍ ୱାଲେଟ୍ ମଧ୍ୟ ପରିବର୍ତ୍ତନ କରାଯାଇଛି, ଯାହା ପରେ ଆପଣ ଇଭେଣ୍ଟ ପାସ୍, ପେମେଣ୍ଟ କାର୍ଡ, ବୀମା ଇତ୍ୟାଦି ସଂରକ୍ଷଣ କରିବାରେ ସକ୍ଷମ ହେବେ।
କମ୍ପାନୀ ଗୁଗଲ୍ ଟ୍ରାନ୍ସଲେଟ୍ ସମ୍ବନ୍ଧରେ ଏକ ବଡ ଅପଡେଟ୍ ଜାରି କରିଛି। ବର୍ତ୍ତମାନ ଆପଣ ଗୁଗଲରେ ସଂସ୍କୃତ ଏବଂ ଭୋଜପୁରୀରେ ଅନୁବାଦ କରିବାକୁ ସମର୍ଥ ହେବେ। ନୂଆ ଏଡିସନ୍ ପରେ ସଂସ୍କୃତ ଏବଂ ଭୋଜପୁରୀ ସମେତ ଆଠଟି ନୂତନ ଭାଷା ଗୁଗୁଲ୍ ଅନୁବାଦରେ ଯୋଡା ଯାଇଛି । ନୂଆ ଏଡିସନ ପରେ ଗଗୁଲରେ ଆପଣ ସଂସ୍କୃତ, ଆସାମୀୟ, ଭୋଜପୁରୀ, ଡୋଗରୀ, ଙ୍କୋକଣି, ମାଇଥିଲି, ମିଜୋ ଏବଂ ମଇତିଲୋନ୍ (ମଣିପୁରୀ) ରେ ଅନୁବାଦ କରିବାର ସୁଯୋଗ ପାଇବେ।