ଭାରତୀୟ ବଜାରରେ ସାଧାରଣ ବାଇକ୍ ସହିତ ଶକ୍ତିଶାଳୀ ଇଞ୍ଜିନ୍ ଥିବା ସୁପର ବାଇକ୍ ମଧ୍ୟ ବେଶ ପସନ୍ଦ କରାଯାଉଛି । ୧୭ ଫେବୃଆରୀ ୨୦୨୫ରେ, କମ୍ପାନୀ ଦ୍ୱାରା ଏକ ନୂଆ ନେକେଡ୍ ବାଇକ୍ ଭାବରେ Aprilia Tuono 457 ଲଞ୍ଚ କରାଯାଇଛି । ତେବେ ଆସନ୍ତୁ ଏହାର ଦାମ୍, ଫିଚର୍ସ ଏବଂ ଇଞ୍ଜିନ ବିଷୟରେ ଜାଣିବା । ଏପ୍ରିଲିଆ ଭାରତୀୟ ବଜାରରେ ୪୦୦ ସିସିରୁ ଅଧିକ ସେଗମେଣ୍ଟରେ Aprilia Tuono 457 ଲଞ୍ଚ କରିଛି । ଏହି ବାଇକ୍କୁ RS 457ର ନେକେଡ୍ ଭର୍ସନ୍ ଭାବରେ ଅଣାଯାଇଛି ।
ବଲିଉଡ ଷ୍ଟାର ଜନ୍ ଆବ୍ରାହମ ଭାରତରେ ଏପ୍ରିଲିଆର ଏହି ନୂଆ ବାଇକ୍ ଲଞ୍ଚ କରିଛନ୍ତି । ଖାସ କଥା ହେଉଛି ଜନ୍ ଆବ୍ରାହମ୍ ଏପ୍ରିଲିଆର ବ୍ରାଣ୍ଡ ଆମ୍ବାସାଡର ମଧ୍ୟ । Aprilia Tuono 457 ବାଇକ୍ ୪୫୭ ସିସି ପାରାଲାଲ୍ ଟ୍ୱିନ୍ DOHC 4V ଲିକ୍ୱିଡ୍ କୁଲ୍ଡ ଇଞ୍ଜିନ୍ ସହିତ ଲେସ୍ ହୋଇଛି । ଯାହା ଯୋଗୁଁ ବାଇକ୍ଟି ୪୭.୬ bhp ପାୱାର ଏବଂ ୪୩.୫ ନ୍ୟୁଟନ୍ ମିଟର ଟର୍କ ପାଏ । ବାଇକ୍ଟି USD ଟେଲିସ୍କୋପିକ୍ ଫ୍ରଣ୍ଟ୍ ଫର୍କ ଏବଂ ରିୟରରେ ମନୋଶକ୍ ସସପେନସନ୍ ପାଇଛି । ଏହି ବାଇକ୍ରେ କମ୍ପାନୀ ପକ୍ଷରୁ ଅନେକ ଭଲ ଫିଚର୍ସ ପ୍ରଦାନ କରାଯାଇଛି ।
ଏଥିରେ ଫୁଲ୍ LED ଲାଇଟ୍, ଡୁଆଲ୍ ମ୍ୟାପିଂ ସହିତ ୨-ଚ୍ୟାନେଲ୍ ABS, ୧୭-ଇଞ୍ଚ ଆଲୟ ହ୍ଵିଲ୍, ରାଇଡ୍ ବାଏ ବାୟର ସିଷ୍ଟମ୍, ରାଇଡିଂ ପାଇଁ ଇକୋ, ସ୍ପୋର୍ଟସ୍ ଏବଂ ରେନ୍ ଭଳି ୩ଟି ମୋଡ୍, ଟ୍ରାକ୍ସନ୍ କଣ୍ଟ୍ରୋଲ, କ୍ୱିକ୍ ସିଫ୍ଟର, ୫-ଇଞ୍ଚ TFT ଇନ୍ଷ୍ଟରୁମେଣ୍ଟ କ୍ଲଷ୍ଟର ଏବଂ ଉଭୟ ହ୍ଵିଲରେ ଡିସ୍କ ବ୍ରେକ୍ ଭଳି ଫିଚର୍ସ ରହିଛି । Aprilia Tuono 457 ବାଇକ୍ ୩.୯୫ ଲକ୍ଷ ଟଙ୍କା ଏକ୍ସ-ଶୋରୁମ୍ ମୂଲ୍ୟରେ ଲଞ୍ଚ କରାଯାଇଛି । ବାଇକ୍ କିଣିବା ପାଇଁ, ୧୦ ହଜାର ଟଙ୍କା ଦେଇ ଅନଲାଇନରେ କିମ୍ବା ଡିଲରସିପ୍ ମାଧ୍ୟମରେ ବୁକିଂ କରାଯାଇପାରିବ ।
ଏହି ମୂଲ୍ୟ ମହାରାଷ୍ଟ୍ର ପାଇଁ । ଏହି ବାଇକ୍ଟି ମୋଟ ଦୁଇଟି କଲର ଅପ୍ସନରେ ଅଣାଯାଇଛି । ଯେଉଁଥିରେ ପିରାନହା ରେଡ୍ ଏବଂ ପୁମା ଗ୍ରେ ସାମିଲ ରହିଛି । କମ୍ପାନୀ ଅନୁଯାୟୀ, ବାଇକ୍ର ଡେଲିଭରି ମାର୍ଚ୍ଚ ୨୦୨୫ରୁ ଆରମ୍ଭ ହେବ । ଏପ୍ରିଲିଆ ୪୫୦ ସିସି ସ୍ପୋର୍ଟସ୍ ବାଇକ୍ ସେଗମେଣ୍ଟରେ Tuono ୪୫୭ ଲଞ୍ଚ କରିଛି । ଏହି ସେଗମେଣ୍ଟରେ, Aprilia Tuono 457 ବାଇକ୍ ସିଧାସଳଖ KTM Duke 390, Triumph Speed 400, Harley Davidson X440, Hero Mavrick 440 ଭଳି ବାଇକ୍ ସହିତ ପ୍ରତିଯୋଗିତା କରିବ ।