ବଜାଜ ଅଟୋ ଏହାର ନୂଆ ପଲସରକୁ ଭାରତୀୟ ବଜାରରେ ଲଞ୍ଚ କରିବାକୁ ଯାଉଛି । ଏହି ବାଇକ୍ ୧୬ ଅକ୍ଟୋବର ଅର୍ଥାତ ଏହି ଫେଷ୍ଟିଭ ସିଜିନରେ ଲଞ୍ଚ କରାଯାଇପାରେ । ଖବର ଅନୁଯାୟୀ, ଏହି ନୂତନ ବାଇକ୍ ବଜାଜ ପଲସର N125 ହୋଇପାରେ । ବାଇକ୍ ନିର୍ମାତା କମ୍ପାନୀ N ସିରିଜ୍ ମଧ୍ୟ ବଜାରରେ ଖୁବ ସଫଳତା ହାସଲ କରିଛି । ଏହା ସହିତ, ଏହି ସିରିଜର ବାଇକ୍ ସବୁଠୁ ସୁଲଭ ମୋଟରସାଇକେଲ୍ କାଟାଗୋରିରେ ଆସେ ।
ବଜାଜ ନୂଆ ବାଇକରେ କ’ଣ ବିଶେଷ ହେବ?
ବଜାଜ ଏହାର ନୂଆ ପଲସରକୁ ଏକ ସୁନ୍ଦର, ଦମଦାର ଏବଂ ସହରୀ ବାଇକ୍ ଭାବରେ ଲଞ୍ଚ କରିବାକୁ ପ୍ରସ୍ତୁତ ହେଉଛି । ଏହି ବାଇକ୍ କମ୍ କାପାସିଟି ସହିତ ଆସିପାରେ । ରିପୋର୍ଟ ଅନୁଯାୟୀ, ଏହା ପଲସର N125 ହୋଇପାରେ । ବଜାଜର ଏହି ନୂତନ ବାଇକରେ, ପ୍ରୋଜେକ୍ଟର ଲେନ୍ସ ହେଡଲ୍ୟାମ୍ପ ସହିତ ଏଲଇଡି DRLs ମଧ୍ୟ ମିଳିପାରିବ । ଏହା ବ୍ୟତୀତ ବାଇକରେ ଟ୍ୱିନ୍ ସ୍ପିକ୍ ଆଲୋଏ ହ୍ଵିଲ୍ସ ମଧ୍ୟ ଯୋଗାଇ ଦିଆଯାଇପାରେ ।
Pulsar N125 ର ଟପ୍ ଫିଚର୍ସ:
ବଜାଜ ପଲସର N125 ବ୍ଲୁଟୁଥ୍ କନେକ୍ଟିଭିଟି ସହିତ ସମ୍ପୂର୍ଣ୍ଣ ଡିଜିଟାଲ୍ ଇନଷ୍ଟ୍ରୁମେଣ୍ଟ୍ କନସୋଲ୍ ସହିତ ଲଞ୍ଚ ହୋଇପାରେ । କମ୍ପାନୀ ଏହି ବାଇକରେ ଏକ ସ୍ପ୍ଲିଟ ସିଟ୍ ପ୍ରଦାନ କରିପାରିବ । ବାଇକ୍ ପଛରେ ଏଲଇଡି ଲାଇଟ୍ ମଧ୍ୟ ବ୍ୟବହାର ହେବ ବୋଲି ସୂଚନା ରହିଛି । ନୂଆ ବଜାଜ ପଲସର ଏକ ୧୨୫ cc, ସିଙ୍ଗଲ୍ ସିଲିଣ୍ଡର ମୋଟର ସହିତ ଆସିପାରେ, ଯାହା ୫-ସ୍ପିଡ୍ ଗିୟର ବକ୍ସ ସହିତ ଆଡ୍ ହୋଇପାରେ । ଏହି ବାଇକ୍ ର ଟପ୍-ଭାରିଆଣ୍ଟରେ ସିଙ୍ଗଲ୍ ଚ୍ୟାନେଲ୍ ABS ମିଳିପାରିବ ।
ଭାରତୀୟ ବଜାରରେ ବଜାଜ ପଲସର 125 ଡିସ୍କର ଏକ୍ସ ଶୋ’ରୁମ ମୂଲ୍ୟ ୯୨,୮୮୩ ରୁ ଆରମ୍ଭ ହୋଇଛି । ଯଦି ଏହି ବାଇକ୍ N ସିରିଜରେ ଆସେ, ତେବେ ଏହାର ନୂତନ ମଡେଲ୍ ବଜାରକୁ ପ୍ରବେଶ କରିବ । ବଜାଜ ପଲସର N 125 ଲଞ୍ଚ ହେବା ମାତ୍ରେ ଅନେକ ବାଇକ୍ ସହିତ ପ୍ରତିଦ୍ୱନ୍ଦ୍ୱିତା କରିବ । ଏହି ମୋଟରସାଇକେଲ ହିରୋ Xtreme 125R, TVS Raider 125 ଏବଂ Bajaj Freedom 125 CNG ର ପ୍ରତିଦ୍ୱନ୍ଦ୍ୱୀ ହୋଇପାରେ ।