୨ ହଜାର ନୋଟ ଜମା ପାଇଁ ବ୍ୟାଙ୍କ ନେବ ଚାର୍ଜ!

ଭାରତର ରିଜର୍ଭ ବ୍ୟାଙ୍କ ଘୋଷଣା ପରେ ପୁଣି ଥରେ ବ୍ୟାଙ୍କରେ ନୋଟ୍ ବଦଳାଇବା ଭଳି ଜରୁରୀକାଳୀନ ପରିସ୍ଥିତି ଆରମ୍ଭ ହୋଇଛି। ଏଥର ଆରବିଆଇ ୨୦୦୦ ଟଙ୍କା ନୋଟ୍ ପ୍ରତ୍ୟାହାର କରିବାକୁ ଘୋଷଣା କରିଛି। ଏହି ନୋଟ୍ ଅଦଳବଦଳ ସେପ୍ଟେମ୍ବର ୩୦ ପର୍ଯ୍ୟନ୍ତ ଚାଲିବ କିନ୍ତୁ ଏହା ପୂର୍ବରୁ କିଛି ପ୍ରମୁଖ ବ୍ୟାଙ୍କ ଏଥିପାଇଁ ନିଜର ଚାର୍ଜ ଦାବି କରିଛନ୍ତି । ଜଣେ ବ୍ୟକ୍ତି କେତେ ଥର ମାଗଣାରେ ନୋଟ୍ ଅଦଳବଦଳ କରିପାରିବ ଏବଂ ପରେ ବ୍ୟାଙ୍କ ସେମାନଙ୍କ ଠାରୁ କେତେ ଟଙ୍କା ଚାର୍ଜ ନେବ ସେନେଇ ବଡ ଘୋଷଣା ହୋଇଛି । ଆପଣ ବି ଯଦି ଏହି ନୋଟ ବଦଳାଇବାକୁ ଚିନ୍ତା କରୁଛନ୍ତି ତେବେ ନିହାତି ଭାବେ ଏହି ଖବର ଜାଣି ନିଅନ୍ତୁ ..

କିଛି ବ୍ୟାଙ୍କ ବର୍ତ୍ତମାନ ନୋଟ୍ ବିନିମୟ ପାଇଁ ଫି ଆଦାୟ କରିବାକୁ ଚିନ୍ତା କରୁଛନ୍ତି । ଏହି କାରବାର ଉପରେ ଚାର୍ଜ ନେବା ପାଇଁ ଅନେକ ବ୍ୟାଙ୍କ ନିଷ୍ପତି ନେଇଛନ୍ତି। ଏବେ ଜାଣନ୍ତୁ ଏସବିଆଇ ସମେତ ଅନ୍ୟାନ୍ୟ ବଡ ବ୍ୟାଙ୍କ ନୋଟ୍ ଅଦଳବଦଳ ପାଇଁ କେତେ ଚାର୍ଜ ନେବେ?

ଏସବିଆଇ :
ଦେଶର ବୃହତ୍ତମ ସରକାରୀ ବ୍ୟାଙ୍କ ଏସବିଆଇ ଗୋଟିଏ ମାସରେ କେବଳ ୩ଟି ମାଗଣା ନଗଦ ଜମା ସୁବିଧା ପ୍ରଦାନ କରିବ। ଏହା ପରେ ବ୍ୟାଙ୍କ ୫୦ ଟଙ୍କା ଏବଂ ଜିଏସଟି ଚାର୍ଜ ନେବ ବୋଲି ସୂଚନା ମିଳିଛି। ଗ୍ରାହକଙ୍କ ଆକାଉଣ୍ଟକୁ ଟଙ୍କା କ୍ରେଡିଟ୍ କରିବା ପାଇଁ ସମାନ ସୁବିଧା ଲାଗୁ ହେବ । ମେସିନ୍ ମାଧ୍ୟମରେ ନଗଦ ରାଶି ଜମା କରିବା ପାଇଁ କୌଣସି ଦେୟ ଦେବାକୁ ପଡିବ ନାହିଁ । କିନ୍ତୁ ଡେବିଟ୍ କାର୍ଡରେ ଜମା କରିବା ପାଇଁ ୨୨ ଟଙ୍କା ସହ ଜିଏସଟି ଚାର୍ଜ ଲାଗିବ ।

ଏଚଡିଏଫସି:
ସର୍ବବୃହତ ଘରୋଇ ବ୍ୟାଙ୍କ ଏଚଡିଏଫସି ବ୍ୟାଙ୍କ ପ୍ରତି ମାସରେ ୪ଟି ମାଗଣା କାରବାର ଦେବ ବୋଲି ଘୋଷଣା କରିଛି । ଏହା ପରେ ଆଗମୀ କାରବାର ପାଇଁ ବ୍ୟାଙ୍କ ୧୫୦ ଟଙ୍କା ଚାର୍ଜ ନେବ । ଗ୍ରାହକ ପ୍ରତି ମାସରେ ୨ ଲକ୍ଷ ଟଙ୍କା ଜମା କରିବାକୁ ସୁବିଧା ପାଇବେ । ଏହାପରେ ପ୍ରତି ହଜାର ଟଙ୍କାରେ ୫ ଟଙ୍କାରୁ ୧୫୦ ଟଙ୍କା ଯାଏଁ ଏବଂ ଟିକସ ଦେବାକୁ ପଡିବ ।

ଆଇସିଆଇସିଆଇ ବ୍ୟାଙ୍କ:
ଆଇସିଆଇସିଆଇ ବ୍ୟାଙ୍କ ଦ୍ୱିତୀୟ ବୃହତ୍ତମ ବେସରକାରୀ ବ୍ୟାଙ୍କ ଭାବରେ ଗ୍ରାହକଙ୍କୁ ଗୋଟିଏ ମାସରେ ୪ଥର ମାଗଣା କାରବାରର ସୁବିଧା ଦେବ । ଏହା ପରେ ପ୍ରତ୍ୟେକ କାରବାରରେ ୧୫୦ ଟଙ୍କା ଦେୟ ଦେବାକୁ ପଡିବ । ଗୋଟିଏ ମାସରେ ସେଭିଙ୍ଗ ଆକାଉଣ୍ଟରେ ମାତ୍ର ୧ ଲକ୍ଷ ଟଙ୍କା ଜମା କରିପାରିବେ । ଏହି ସୀମା ପରେ ୧୦୦୦ ଟଙ୍କା ପାଇଁ ୫ ଟଙ୍କାରୁ ୧୫୦ ଟଙ୍କା ଯାଏ କିମ୍ବା ତା’ଠାରୁ ଅଧିକ ଚାର୍ଜ ଦେବାକୁ ପଡିପାରେ ।

କୋଟାକ୍ ମହିନ୍ଦ୍ରା ବ୍ୟାଙ୍କ:
ସେହଭଳି କୋଟାକ୍ ମହିନ୍ଦ୍ରା ମଧ୍ୟ ଗ୍ରାହକଙ୍କୁ ପ୍ରତି ମାସରେ ୫ଟି ମାଗଣା କାରବାର ଦେବ ବୋଲି କହିଛି । ଏଥିରେ ଉଭୟ ଜମା ଏବଂ ଅଦଳବଦଳ ଅନ୍ତର୍ଭୁକ୍ତ ରହିଛି । ଏହି ସୀମା ଅତିକ୍ରମ କରିବା ପରେ ୧୫୦ ଟଙ୍କା ଚାର୍ଜ ଲାଗୁ ହେବ । ଆପଣ ବ୍ୟାଙ୍କରେ କିମ୍ବା ମେସିନ୍ ରେ ଟଙ୍କା ଜମା କଲେ ସମାନ ଚାର୍ଜ ରହିବ ।