କାରରେ ଲାଗିଥିବା ଲାଇଟ ହୋଇପାରେ ଦୁର୍ଘଟଣାର କାରଣ! ଜାଣନ୍ତୁ ହେଡ଼ଲ୍ୟାମ୍ପକୁ ନେଇ କ’ଣ ରହିଛି ନିୟମ

ଦେଶରେ ଅନେକ ସଡ଼କ ଦୁର୍ଘଟଣାର ଘଟଣା ସାମ୍ନାକୁ ଆସୁଛି । ଏହି ସଡ଼କ ଦୁର୍ଘଟଣାରେ ଅନେକ ଲୋକ ପ୍ରାଣ ମଧ୍ୟ ହରାଉଛନ୍ତି । ନିକଟରେ ଡେରାଡୁନରେ ସଡ଼କ ଦୁର୍ଘଟଣା ଲୋକଙ୍କୁ ଚକିତ କରି ଦେଇଥିଲା । ଏହି ସଡକ ଦୁର୍ଘଟଣାରେ ୬ ଜଣ ଛାତ୍ରଙ୍କ ମୃତ୍ୟୁ ଘଟିଛି ଯେଉଁଥିରେ ତିନି ପୁଅ ଏବଂ ତିନି ଝିଅ ଅଛନ୍ତି । ଏହା ବ୍ୟତୀତ ଜଣେ ଛାତ୍ର ଗୁରୁତର ଆହତ ହୋଇଛନ୍ତି । ଏହିପରି ଦୁର୍ଘଟଣାକୁ ରୋକିବା ପାଇଁ ଟ୍ରାଫିକ ନିୟମ ପାଳନ କରିବା ନିହାତି ଜରୁରୀ ଅଟେ । ଆପଣ ଜାଣି ଆଶ୍ଚର୍ୟ୍ୟ ହେବା କାରରେ ଲାଗିଥିବା ଲାଇଟ ଦୁର୍ଘଟଣାର କାରଣ ହୋଇପାରେ । ତେବେ ଏନେଇ ୟୁପି ପୋଲିସ କିଛି ଗାଇଡଲାଇନ୍ ବିଷୟରେ ମଧ୍ୟ ଜଣାଇଛନ୍ତି  । ଆସନ୍ତୁ ଜାଣିବା ଏହା ବିଷୟରେ…

ଯାନରେ କେଉଁ ପ୍ରକାରର ଲାଇଟ୍ ଲଗାଯିବା ଉଚିତ୍?

ଟ୍ରାଫିକ ନିୟମ ବିଷୟରେ ସୂଚନା ଦେଇ ୟୁପି ପୋଲିସର ଡିଏସପି ଅଞ୍ଜଲି କାଟାରିଆ ଏକ ପୋଷ୍ଟ ସେୟାର କରିଛନ୍ତି । ତାଙ୍କ ସୋସିଆଲ୍ ମିଡିଆ ଆକାଉଣ୍ଟରେ ସେୟାର କରାଯାଇଥିବା ଏକ ପୋଷ୍ଟରେ ଯାନବାହାନରେ ଲଗାଯାଇଥିବା ଆଲୋକଗୁଡ଼ିକ ବିଷୟରେ ସୂଚନା ଦେଇଛନ୍ତି ଏବଂ ଲେଖିଛନ୍ତି ଯେ, ‘ମୋଟର ଯାନ ନିୟମ ଅନୁଯାୟୀ, କୌଣସି ଗାଡିରେ ୭୫ ୱାଟରୁ ଅଧିକ ହାଲୋଜେନ ହେଡଲ୍ୟାମ୍ପ ରହିପାରିବ ନାହିଁ’ । ଏହି ନିୟମ ବିଷୟରେ ସୂଚନା ଦେବା ସହିତ, DSP ଏକ ଭିଡିଓ ମଧ୍ୟ ସେୟାର କରିଛନ୍ତି ।

ପ୍ରକୃତରେ, ୧୧ ନଭେମ୍ବର ସୋମବାର ରାତିରେ ଦେହରାଡୁନରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି । ଏହି ଭୟଙ୍କର ଦୁର୍ଘଟଣା ରାତି ପ୍ରାୟ ୧.୩୦ ରୁ ୨.୦୦ ସମୟରେ ଘଟିଥିଲା । ଏହି ଘଟଣାରେ ଏକ ଇନୋଭା କାର ଟ୍ରକ ସହିତ ମୁହାଁମୁହିଁ ଧକ୍କା ହୋଇଥିଲା । ପ୍ରାୟ ୭ ଜଣ ଛାତ୍ର ଏହି ଇନୋଭା କାରରେ ଯାତ୍ରା କରୁଥିଲେ, ଯେଉଁଥିରେ ତିନି ଝିଅ ଏବଂ ଚାରି ପୁଅ ଥିଲେ । ଏହି ୭ ଜଣଙ୍କ ମଧ୍ୟରୁ ୬ ଜଣ ପ୍ରାଣ ହରାଇଛନ୍ତି ଏବଂ ଜଣେ ଛାତ୍ର ସେଠାକାର ଏକ ହସ୍ପିଟାଲରେ ଚିକିତ୍ସିତ ହେଉଛନ୍ତି ।