ଖୁବ ଶୀଘ୍ର ମହିନ୍ଦ୍ରା କମ୍ପାନୀ ନିଜ ନୂଆ ମଡ଼େଲ Mahindra Thar 2020ର ପ୍ରଥମ କାର ନିଲାମ କରିବା ନେଇ ସ୍ଥିର କରିଛି । ଏହି ନିକଟରେ ହିଁ କମ୍ପାନୀ ତରଫରୁ ଏକ ବୟାନ ଜାରି କରାଯାଇ ଏବାବଦରେ ଘୋଷଣା କରାଯାଇଛି । କମ୍ପାନୀ ପକ୍ଷରୁ ଏହା ମଧ୍ୟ କୁହାଯାଇଛିକି, ନିଲାମରୁ ମିଳିଥିବା ଅର୍ଥକୁ କୌଣସି ଚାରିଟେବଲ ବା ସାମାଜିକ କାମ ରେ ଖର୍ଚ୍ଚ କରାଯିବ । କମ୍ପାନୀ ତରଫରୁ ଏହା ମଧ୍ୟ କୁହାଯାଇଛିକି, ଏକ ସ୍ୱତନ୍ତ୍ର ବ୍ୟବସ୍ଥା ମାଧ୍ୟମରେ ହିଁ ମହିନ୍ଦ୍ରାର ଏହି କାରଟିକୁ ନିଲାମ କରାଯିବ । ଏହାବାଦ କାରଟିକୁ ଯିଏ କିଣିବେ ତାଙ୍କ ହସ୍ତାକ୍ଷରକୁ ଏକ ଅତ୍ୟାଧୁନିକ ପ୍ରଣାଳୀରେ ସୁରକ୍ଷିତ କରି ରଖାଯିବ । ଏହାବାଦ ଏସୟୁବି ଦାସବୋର୍ଡ଼ ଓ ଲେଦରେଟ ସିଟରେ ନମ୍ବର 1 ଲେଖା ଯାଇଥିବ ।
ଜଣେ ଖାଲି ଯେ ସର୍ବାଧିକ ନିଲାମ ଧରି ଏହି ଗାଡି ଟିକୁ କିଣି ଏହାର ମାଲିକ ହେବେ ତାହା ନୁହେଁ | ଏକ ମହତ୍ତ୍ୱ ପୂର୍ଣ୍ଣ କାର୍ଯ୍ୟରେ ବି ଦାନ କରିପାରିବେ । କମ୍ପାନୀ ତରଫରୁ ଏହା ମଧ୍ୟ କୁହାଯାଇଛିକି, ନିଲାମୀରୁ ମିଳିଥିବା ଅର୍ଥକୁ କୋଭିଡ-19 ମହାମାରୀ ବିରୋଧରେ ସହାୟତା ଜାରି ରଖିଥିବା ସଂଗଠନ ଗୁଡିକୁ ହିଁ ଦାନ ଆକାରରେ ଦିଆଯିବ । କହିରଖିବା ଉଚିତ ହେବକି, ଗତ ଅଗଷ୍ଟ ୧୫ ତାରିଖରେ ହିଁ ମହିନ୍ଦ୍ରା କମ୍ପାନୀର ଏହି ସ୍ୱତନ୍ତ୍ର କାର Mahindra Thar 2020କୁ ଲୋକାର୍ପିତ କରାଯାଇଥିଲା । ସେବେଠାରୁ ହିଁ ଏହି କାରକୁ ନେଇ ଦେଶବ୍ୟାପୀ ଚର୍ଚ୍ଚା ବେଶ ଜୋର ଧରିଛି । ଏହି କାରଟି ଆରାମ ଦାୟକ ଯାତ୍ରା ସୁବିଧା ଦେବା ସହ ଏଥିରେ ୮ ଜଣ ବସି ଆରାମରେ ବସି ଯାଇପାରିବେ । ଏହାବାଦ ଏହାର କ୍ୟାବିନକୁ ଆରାମଦାୟକ କରିବା ପାଇଁ ମଧ୍ୟ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଏଥିରେ ଦିଆଯାଇଥିବା ଇନ୍ଫୋନମେଣ୍ଟ ସ୍କ୍ରିନ, ରୁଫ ମାଉଣ୍ଟେନ ସ୍ପିକର, ସ୍ପ୍ଲେସ ପ୍ରୁଫ ସ୍ଵିଚ, ଏୟାର କଣ୍ଡିସନିଂ ପରି ଅତ୍ୟାଧୁନିକ ବ୍ୟବସ୍ଥା ମାନ ମଧ୍ୟ ରଖାଯାଇଛି ।
ଆଉ ମଧ୍ୟ ଜଣାଯାଇଛିକି, ନୁଆ ଜେନେରେସନର Mahindra Thar ଭାରତୀୟ ବଜାରରେ ଦୁଇ ଦୁଇଟି ଇଂଜିନ ସହ ଉପଲବ୍ଧ ହେବ ।ଏଥିରେ ଗ୍ରାହକଙ୍କୁ ବିଏସ 6 କମ୍ପ୍ଲଏଣ୍ଟ ସିଷ୍ଟମ ସହ ୨.୨ ଲିଟର m Hawk ଡିଜେଲ ଇଞ୍ଜିନ ଓ ୨.୦ ଲିଟର ଟରବୋଚାର୍ଜ m Stallion ପେଟ୍ରୋଲ ଇଂଜିନ ଫ୍ୟାସିଲିଟି ମିଳିପାରିବ । ଆଉ ଏକ ଜରୁରୀ ତଥ୍ୟ ହେଉଛି, ପ୍ରଥମ ଥର ପାଇଁ ହିଁ କମ୍ପାନୀ ତରଫରୁ ଏକ ପେଟ୍ରୋଲ ଇଂଜିନ ଗାଡିର ନିର୍ମାଣ କରାଯାଇଛି । Mahindra Thar ଡିଜେଲ ମଡ଼େଲରେ ବିଏସ 6 କମ୍ପଲେନଟାର ୨.୨ ଲିଟରର ଏକ m Hawk ଡିଜେଲ ଇଂଜିନର ଵ୍ୟଵସ୍ଥା ରଖାଯାଇଛି । ଏହାବାଦ ମହିନ୍ଦ୍ରାର 2020 ଭର୍ଜନ ପୁରୁଣା ମଡେଲରେ ଫ୍ରଣ୍ଟ ଗ୍ରୀଲ ବ୍ୟବସ୍ଥା ମଧ୍ୟ କରାଯାଇଛି । ପୁରୁଣା ଲୁକକୁ ଅପଡେଟ କରାଯାଇ ନିର୍ମିତ ହୋଇଛି ମହିନ୍ଦ୍ରାର ଏହି ନୂଆ ମଡ଼େଲ ।
ଏଥିରେ କରୁଜ କଣ୍ଟ୍ରୋଲ, ଏବିଏସ ସହ ଇବିଡି, ଡୁଆଲ ଏୟାରବେଶ, ହିଲ -ହୋଲଡ ସହ ଇଏସପି ସମେତ ରୋଲ ୱେୟାର ପରି ଅତ୍ୟାଧୁନିକ ସୁବିଧା ମାନ ଦିଆଯାଇଛି । ନୂଆ ମଡ଼େଲରେ ୭ ଇଞ୍ଚର ଡ଼ରିଜେର୍ଲ ରେଜିଷ୍ଟଣ୍ଟ ଟଚସ୍କ୍ରୀନ ଇନ୍ଫୋଟେଣ୍ଟ ସିଷ୍ଟମ ଫ୍ୟାସିଲିଟିର ମଧ୍ୟ ବ୍ୟବସ୍ଥା ହୋଇଛି । ଯାହା ଆପଲ କାର ପ୍ଲେ ସହ ଆଣ୍ଡ୍ରଏଡ଼ ଅଟୋକୁ ସପୋର୍ଟ କରିପାରିବ । ଏହା ସହ ମହିନ୍ଦ୍ରା ଥରର ବେସ ବ୍ୟାରିୟାଣ୍ଟର ସୋ ରୁମ ମୂଲ୍ୟ ୯.୭୫ ଲକ୍ଷ ଟଙ୍କା ରଖା ଯାଇଥିବା ବେଳେ ଟପ ଏଣ୍ଡ ବ୍ୟାରିୟାଣ୍ଟ ମୂଲ୍ୟ ୧୨.୪୯ ଟଙ୍କା ପର୍ଯ୍ୟନ୍ତ ରହିବ ବୋଲି ଜଣାଯାଇଛି ।