ନିକଟରେ ହୋଣ୍ଡା ଭାରତୀୟ ବଜାରରେ Active E ଏବଂ QC1 ଲଞ୍ଚ କରିଚି । ଏହାର ଠିକ୍ ପରେ, ହିରୋ ମୋଟୋକର୍ପ ଇଲେକ୍ଟ୍ରିକ୍ ସ୍କୁଟରର Vida V2 ଲଞ୍ଚ କରିଛି । V2 ସିରିଜ୍ ଆଣିବା ପଛର କାରଣ ହେଉଛି ହିରୋ ମୋଟୋକର୍ପ ଏହାର ଇଲେକ୍ଟ୍ରିକ୍ ସ୍କୁଟରର ସେଲ୍ ବୃଦ୍ଧି କରିବା । ଏଥି ସହିତ, ହୋଣ୍ଡାର ଇଲେକ୍ଟ୍ରିକ୍ ସ୍କୁଟର ଲଞ୍ଚ ହେବା ପୂର୍ବରୁ ରିମୁଭେବଲ୍ ବ୍ୟାଟେରୀ ସହିତ ଇଲେକ୍ଟ୍ରିକ୍ ସ୍କୁଟରର ଏକ ବଡ଼ ଅଂଶ ହାସଲ କରିବାକୁ କମ୍ପାନୀ ଲକ୍ଷ୍ୟ ରଖିଛି । ତେବେ ଆସନ୍ତୁ Vida V2 ଇଲେକ୍ଟ୍ରିକ୍ ସ୍କୁଟରର ଫିଚର୍ସ ଏବଂ ମୂଲ୍ୟ ବିଷୟରେ….
Hero Vida V2 ଡିଜାଇନ୍:
Vida V2 ଲାଇନ୍ଅପ୍ ଦୁଇଟି କଲର ଅପ୍ସନରେ ଅଣାଯାଇଛି, ଯାହାକି ମ୍ୟାଟ୍ ନେକ୍ସସ୍ ବ୍ଲୁ-ଗ୍ରେ ଏବଂ ଗ୍ଲସି ସ୍ପୋର୍ଟସ୍ ରେଡ୍ । V1 ତୁଳନାରେ ଏହାର ଡିଜାଇନ୍ କିଛି ମାତ୍ରାରେ ପରିବର୍ତ୍ତନ କରାଯାଇଛି । ଏହି ସମୟରେ, ଏହାର ଫ୍ରଣ୍ଟ ଟର୍ନ ଇଣ୍ଡିକେଟର୍ସ ମଧ୍ୟ ନୂତନ ଡିଜାଇନରେ ଦେଖିବାକୁ ମିଳିଛି । ବର୍ତ୍ତମାନ V1 ବଦଳରେ ଏହାର ସାଇଡ୍ ବଡି ପ୍ୟାନେଲରେ V2 ବେଜ୍ ଦିଆଯାଇଛି ।
ଏହା ବ୍ୟତୀତ, Vida V2 ରେଞ୍ଜର ଡିଜାଇନ୍ V1 ରେଞ୍ଜ ସହିତ ସମାନ । ଏଥିରେ ରିମୁଭେବଲ୍ ବ୍ୟାଟେରୀର ଡିଜାଇନ୍ ରଖାଯାଇଛି । V1 ରେଞ୍ଜ ପରି, V2 ଲାଇନ୍ଅପ୍ ମଧ୍ୟ ଏର୍ଗୋନୋମିକ୍ସ, ରାଇଡ୍ ହ୍ୟାଣ୍ଡଲିଂ ଏବଂ ପରଫରମାନ୍ସ ଉପରେ ସମାନ ଧ୍ୟାନ ରଖିଛି ।
Hero Vida V2 ବ୍ୟାଟେରୀ ଏବଂ ରେଞ୍ଜ:
ଏହାର ପରଫରମାନ୍ସ ବିଷୟରେ କହିବାକୁ ଗଲେ, Vida V2 ଇଲେକ୍ଟ୍ରିକ୍ ସ୍କୁଟରରେ ଏକ ରିମୁଭେବଲ୍ IP67- ରେଟେଡ୍ ବ୍ୟାଟେରୀ ପ୍ୟାକ୍ ଅଛି । ଏହାର V2 Lite ର ୨.୨ kWh କାପାସିଟିର ସବୁଠାରୁ ଛୋଟ ବ୍ୟାଟେରୀ ଅଛି । ସେହି ସମୟରେ, V2 ପ୍ଲସ୍ ବ୍ୟାଟେରୀର ସାଇଜ ୩.୪୪ kWhh ଏବଂ V2 Pro ରେ ୩.୯୪ kWh କାପାସିଟି ବିଶିଷ୍ଟ ବ୍ୟାଟେରୀ ଅଛି ।
କମ୍ପାନୀ ଦାବି କରିଛି ଯେ Vida V2 ଫୁଲ୍ ଚାର୍ଜ ପରେ ୧୬୫ କିଲୋମିଟର ପର୍ଯ୍ୟନ୍ତ ରେଞ୍ଜ ଦେବ । ଏଥିରେ ଦିଆଯାଇଥିବା ବ୍ୟାଟେରୀ ୬ କିଲୋୱାଟର ପିକ୍ ପାୱାର ଏବଂ ୨୫ Nm ର ପିକ୍ ଟର୍କ ଜେନେରେଟ କରେ । Vida V2 0-୪୦ କିଲୋମିଟର / ଘଣ୍ଟାରୁ ମାତ୍ର ୨.୯ ସେକେଣ୍ଡରେ ତ୍ୱରାନ୍ୱିତ ହୁଏ ଏବଂ ଏହାର ଟପ୍ ସ୍ପିଡ୍ ଘଣ୍ଟା ପ୍ରତି ୯୦ କିଲୋମିଟର ଅଟେ ।
Hero Vida V2 ଦାମ୍:
Hero Vida V2 ଭାରତୀୟ ବଜାରରେ ତିନୋଟି ଭାରିଆଣ୍ଟରେ ଲଞ୍ଚ କରାଯାଇଛି । ଯାହାକି V2 Lite, V2 Plus ଏବଂ V2 Pro । V2 Liteର ଏକ୍ସ-ସୋରୁମ୍ ମୂଲ୍ୟ ୯୬,୦୦୦ ଟଙ୍କା, V2 Plus ର ଏକ୍ସ-ସୋରୁମ୍ ମୂଲ୍ୟ ୧,୧୫,୦୦୦ ଏବଂ V2 Pro ର ଏକ୍ସ-ସୋରୁମ୍ ମୂଲ୍ୟ ୧,୩୫,୦୦୦ ଟଙ୍କା ।