ଅନ୍ୟମନସ୍କରେ ତେଲ ଭରିଲେ ହୋଇପାରେ ବଡ ଦୁର୍ଘଟଣା
ଗାଡ଼ି ବ୍ୟବହାର କରୁଛନ୍ତି କି? ତେବେ ଏହି ଖବର ଆପଣଙ୍କ ପାଇଁ ନିହାତି ଜରୁରୀ।ଗାଡ଼ିରେ ତେଲ ଭରିବା ସମୟରେ ଏହି ସବୁ ଦିଗ ପ୍ରତି ଧ୍ୟାନ ଦିଅନ୍ତୁ, ନଚେତ ଘଟିପାରେ ବଡ ଅଘଟଣ
ଗାଡ଼ି ବ୍ୟବହାର କରୁଛନ୍ତି କି? ତେବେ ଏହି ଖବର ଆପଣଙ୍କ ପାଇଁ ନିହାତି ଜରୁରୀ। ଗାଡ଼ି ରେ ତେଲ ପକାଇବା ସମୟରେ ଧ୍ୟାନ ରଖିବେ ଯେମିତି ଠକାମିର ଶିକାର ହେବେ ନାହିଁ । ପେଟ୍ରୋଲ ପମ୍ପରେ ଗାଡିରେ ପେଟ୍ରୋଲ କିମ୍ବା ଡିଜେଲ ଭରିବା ସମୟରେ ଯତ୍ନବାନ ହେବା ଉଚିତ ଏବଂ କିଛି ଜିନିଷ ଧ୍ୟାନରେ ରଖିବା ଉଚିତ । କିନ୍ତୁ ଅନେକ ଲୋକ ବେପରୁଆ ଏବଂ ଦାୟିତ୍ବହୀନ ଭାବରେ ତେଲ ଭରନ୍ତି । ପ୍ରକୃତରେ ପେଟ୍ରୋଲ ପମ୍ପରେ ତେଲ ପକାଇବା ସମୟରେ କେଉଁ ସତର୍କତା ଅବଲମ୍ବନ କରିବାକୁ ପଡିବ ତାହା ଅନେକ ଲୋକ ଜାଣନ୍ତି ନାହିଁ । ଆଜି ଆମେ ଆପଣଙ୍କୁ ଜଣାଇବୁ ଗାଡ଼ିରେ ତେଲ ପକାଇବା ସମୟରେ କେଉଁ ସବୁ ଦିଗ ପ୍ରତି ଧ୍ୟାନ ଦେବା ଜରୁରୀ।
ଯେତେବେଳେ ଆପଣ ତେଲ ଭରିବା ପାଇଁ ପେଟ୍ରୋଲ ପମ୍ପକୁ ଯାଆନ୍ତି, ପ୍ରଥମରେ ମୂଲ୍ୟ ଦେଖନ୍ତୁ, ମୂଲ୍ୟ ନ ଦେଖି ତେଲ ଭରନ୍ତୁ ନାହିଁ। କାରଣ ବର୍ତ୍ତମାନ ପେଟ୍ରୋଲ ଏବଂ ଡିଜେଲର ମୂଲ୍ୟ ପ୍ରତିଦିନ ଅପଡେଟ୍ ହେଉଛି । ମୂଲ୍ୟକୁ ଦେଖିବା ବେଳେ ଧ୍ୟାନ ଦିଅନ୍ତୁ ଯେ ଆପଣଙ୍କୁ ସମାନ ମୂଲ୍ୟରେ ପେଟ୍ରୋଲ ପମ୍ପରେ ତେଲ ଦିଆଯାଉଛି, ଯାହା ତୈଳ ମାର୍କେଟିଂ କମ୍ପାନୀ ଦ୍ୱାରା ସ୍ଥିର କରାଯାଇଛି ।
ଗାଡିରେ ତେଲ ଭରିବା ବେଳେ ପ୍ରଥମେ ତେଲ ବିତରଣକାରୀ ଯନ୍ତ୍ରରେ ଦେଖନ୍ତୁ ଯେ ଏହାର ମୂଲ୍ୟ ଆରମ୍ଭରୁ ଶୂନ ବା 0 ରହିବା ଉଚିତ । ଏହା ନଦେଖି ତେଲ ଭରନ୍ତୁ ନାହିଁ । ଯଦି ଶୂନ ନାହିଁ ତେବେ ମେସିନ୍ ଅପରେଟରକୁ କୁହନ୍ତୁ ଯେ ମେସିନରେ ଶୂନ ଆରମ୍ଭ ହୋଇନାହିଁ । ଏହା କରି ଆପଣ ପେଟ୍ରୋଲ ପମ୍ପରେ ଠକିବା ଠାରୁ ଦୂରେଇ ରହିପାରିବେ । ପ୍ରକୃତରେ ଶୂନ ରହିଲାପରେ ତେଲ ଭରିଲେ ଏହା ସଠିକ ଦାମ୍ ରେ ଠିକ ପରିମାଣରେ ତେଲ ଭାରି ପାରିବ । ଏହା ନହେଲେ ଜାଣିବେ ଆପଣ ଠକାମୀ ର ଶିକାର ହେଉଛନ୍ତି ।
ଗାଡିରେ ତେଲ ଭରିବାବେଳେ ଇଞ୍ଜିନକୁ କେବେବି ଅନ ରଖନ୍ତୁ ନାହିଁ | ତେଲ ଭରିବା ପୂର୍ବରୁ ଇଞ୍ଜିନ୍ ବନ୍ଦ କରନ୍ତୁ | ପେଟ୍ରୋଲ ଏବଂ ଡିଜେଲ ଅତ୍ୟନ୍ତ ଜ୍ୱଳନ୍ତ ଏବଂ ଇଞ୍ଜିନ ଚାଲିବା ଦ୍ୱାରା ଅଗ୍ନି ଦୁର୍ଘଟଣା ଘଟିପାରେ | ତେଣୁ ତେଲ ପକାଇବା ସମୟରେ ଗାଡ଼ିର ଇଞ୍ଜିନ ବନ୍ଦ କରିବାକୁ ପରାମର୍ଶ ଦିଆଯାଇଛି |
ପୂର୍ବରୁ କୁହାଯାଇଥିବା ପରି ପେଟ୍ରୋଲ ଏବଂ ଡିଜେଲ ଅତ୍ୟନ୍ତ ଜ୍ୱଳନ୍ତ । ତେଣୁ ଏହି ପରିସ୍ଥିତିରେ ମୋବାଇଲ୍ ଫୋନ୍ ବ୍ୟବହାର କରନ୍ତୁ ନାହିଁ କିମ୍ବା ଅନ୍ୟମନସ୍କ ରୁହନ୍ତୁ ନାହିଁ।କାରଣ ମୋବାଇଲରୁ ବାହାରୁଥିବା ବିଦ୍ୟୁତ୍-ଚୁମ୍ବକୀୟ ତରଙ୍ଗ ଏବଂଛୋଟ ସ୍ପାର୍କ ମଧ୍ୟ ନିଆଁକୁ ଆୟତ୍ତ କରିପାରେ । ତେଣୁ ଯେତେବେଳେ ବି ଆପଣ ପେଟ୍ରୋଲ ପମ୍ପ ରେ ତେଲ ପକାଉଛନ୍ତି ସେତେବେଳେ ଏହି ସବୁ କଥା ପ୍ରତି ଧ୍ୟାନ ଦିଅନ୍ତୁ ।
