ଭାରତରେ ମାର୍ଚ୍ଚ ୨୫ରୁ କରୋନା ସଂକ୍ରମଣ ଯୋଗୁଁ ଲକଡାଉନ ଚାଲିଥିବା ବେଳେ କେନ୍ଦ୍ରସରକାରଙ୍କ ନିର୍ଦ୍ଦେଶ ଅନୁଯାୟୀ ଏହାକୁ ୧୭ ମଇ ପର୍ଯ୍ୟନ୍ତ ମଧ୍ୟ ବୃଦ୍ଧି କରାଯାଇଛି। ଏହି କାରଣ ଯୋଗୁଁ ସବୁକିଛି ବନ୍ଦ ମଧ୍ୟ ପଡିଛି। ଏପରି ସ୍ଥଳେ କାର ଶୋ’ରୁମ ସବୁ ବନ୍ଦ ରହିଥିବା ସ୍ଥଳେ ଏପ୍ରିଲ ମାସରେ ଗୋଟେ ମଧ୍ୟ କାର ବିକ୍ରି ହୋଇନାହିଁ। କିନ୍ତୁ ଏବେ କେତେକ କ୍ଷେତ୍ରରେ କିଛିଟା ଛୁଟ୍ ମିଳୁଥିବା ବେଳେ ଅନେକ ଅଟୋ ନିର୍ମାତା ନିଜର ଶୋ ରୁମ୍ ଖୋଲିଛନ୍ତି। ଅଟୋ ମୋବାଇଲ କମ୍ପାନୀ କରୋନା ଭାଇରସରୁ ରକ୍ଷା ପାଇବା ପାଇଁ ନିଜର ଶୋରୁମ ଏବଂ ଡିଲରସିପ ପାଇଁ କିଛି ନିର୍ଦ୍ଦେଶ ଜାରି କରିଛନ୍ତି।
ଆଗାମୀ ମାସରେ କାର ବିକ୍ରି ବୃଦ୍ଧି ହେବ ବୋଲି ବିଭିନ୍ନ କମ୍ପାନୀ ପକ୍ଷରୁ ଆଶା କରାଯାଇଛି। ଏପରି ସ୍ଥଳେ ନିଜ ଗ୍ରାହକଙ୍କୁ ଆକୃଷ୍ଟ କରିବା ପାଇଁ ହ୍ୟୁଣ୍ଡାଇ ନିଜର ଅନେକ ମଡେଲରେ ମଇ ମାସରେ ୧ ଲକ୍ଷ ପର୍ଯ୍ୟନ୍ତ ଡିସକାଉଣ୍ଟ ଏବଂ ଅଫର ମଧ୍ୟ ଦେଉଛି। ହ୍ୟୁଣ୍ଡାଇ ବିକ୍ରି ବୃଦ୍ଧି କରିବା ପାଇଁ ଅନଲାଇନ ପ୍ଲାଟଫର୍ମ ମଧ୍ୟ ଲଞ୍ଚ କରିଛି, ଯାହାର ନାମ Click to Buy ରଖାଯାଇଛି। ଏହି ଅନଲାଇନ ପ୍ଲାଟଫର୍ମ ଜରିଆରେ ଆପଣ କାର ମଧ୍ୟ କିଣିପାରିବେ। ତେବେ ଆସନ୍ତୁ ଜାଣିବା ହ୍ୟୁଣ୍ଡାଇର କେଉଁ କାରରେ କ’ଣ ଅଫର ରହିଛି।
ହ୍ୟୁଣ୍ଡାଇ ସାଣ୍ଟ୍ରୋ: ଲୋକପ୍ରିୟ ଗାଡି ହ୍ୟୁଣ୍ଡାଇ ସାଣ୍ଟ୍ରୋକୁ ନୂଆ ଭାବେ ୨୦୧୮ରେ ରିଲଞ୍ଚ ହୋଇଥିଲା। ଏହି କାରରେ ୧.୧ ଲିଟର ପେଟ୍ରୋଲ ଇଞ୍ଜନ ରହିଛି। କମ୍ପାନୀ ହ୍ୟୁଣ୍ଡାଇ Era ଭାରିଅଣ୍ଟରେ ୩୦ ହାଜର ଟଙ୍କା ପର୍ଯ୍ୟନ୍ତ ଫାଇଦା ଦେଉଥିବା ବେଳେ ଏବେ ଅନ୍ୟ ଭାରିଅଣ୍ଟରେ ୪୦ ହଜାର ପର୍ଯ୍ୟନ୍ତ ମଧ୍ୟ ରିହାତି ଦଉଛି। ଏହାଛଡା ଗ୍ରାହକଙ୍କୁ ଆକର୍ଷଣ କରିବା ପାଇଁ କର୍ପୋରେଟ, ଏକ୍ସଚେଞ୍ଜ ଏବଂ ଅନ୍ୟ ଫାଇଦା ମଧ୍ୟ ଦେଉଛି। ସାଣ୍ଟ୍ରୋର ମୂଲ୍ୟ ୪.୫୭ ଲକ୍ଷରୁ ଆରମ୍ଭ ହୋଇ ୬.୨୦ ଲକ୍ଷ ଟଙ୍କା ପର୍ଯ୍ୟନ୍ତ ରହିଛି।
ହ୍ୟୁଣ୍ଡାଇ ଗ୍ରାଣ୍ଡ i10 : ଏହି କାର କିଣିବାରେ ଗ୍ରାହକଙ୍କୁ ୪୫ ହଜାର ପର୍ଯ୍ୟନ୍ତ ଫାଇଦା ମିଳିବ। ଏହାଛଡା ଏହି କାର ଉପରେ କର୍ପୋରେଟ, ଏକ୍ସଚେଞ୍ଜ ଏବଂ ଅନ୍ୟ ଲାଭ ମଧ୍ୟ ମିଳୁଛି। କମ୍ପାନୀ ଏହି ଲୋକପ୍ରିୟ କାରକୁ ୨୦୧୩ରେ ଲଞ୍ଚ କରିଥିଲା। ଯାହାକୁ ଏପର୍ଯ୍ୟନ୍ତ ମଧ୍ୟ ଲୋକେ ପସନ୍ଦ କରୁଛନ୍ତି। ଏହି କାରର ମୂଲ୍ୟ ୫.୯୦ ଲକ୍ଷରୁ ଆରମ୍ଭ ହୋଇ ୬ ଲକ୍ଷ ପର୍ଯ୍ୟନ୍ତ ରହିଛି।
ହ୍ୟୁଣ୍ଡାଇ i20 Elite : ହ୍ୟୁଣ୍ଡାଇର ଏହି କାରରେ ପ୍ରିମିୟମ ହ୍ୟାଚବ୍ୟାକ ସହିତ ବିଏସ୍ ୬ ଇନ୍ଧନ ଉସର୍ଜନ ମାନକ ଅପଡେଟ୍ କରାଯାଇଛି। କମ୍ପାନୀ ଏହି କାରରେ ୧.୨ ଲିଟର ପେଟ୍ରୋଲ ଇଞ୍ଜନ ସାମିଲ କରିଛି। ଏହି କାର କିଣିବାରେ ଆପଣଙ୍କୁ ୩୫ ହଜାର ଟଙ୍କା ପର୍ଯ୍ୟନ୍ତ ଲାଭ ମିଳିବ। ଏହି କାର ର ମୂଲ୍ୟ ୫.୫୯ ଲକ୍ଷ ଟଙ୍କାରୁ ଆରମ୍ଭ ହୋଇ ୯.୪୧ ଲକ୍ଷ ପର୍ଯ୍ୟନ୍ତ ରହିଛି।
ହ୍ୟୁଣ୍ଡାଇ Tucson : ଏହି କାରର ଅପଡେଟ ମଡେଲ ଅଟୋ ଏକ୍ସପୋ ୨୦୨୦ରେ ଦର୍ଶାଯାଇଥିଲା। ଏହି କାର କିଣିବାରେ ଗ୍ରାହକଙ୍କୁ ୨୫ ହଜାର ଟଙ୍କାର ଫାଇଦା ଦେଉଛି କମ୍ପାନୀ। ଏହି ପ୍ରିୟମ ଏସୟୁବିର ମୂଲ୍ୟ ୧୮.୭୬ ଲକ୍ଷରୁ ଆରମ୍ଭ ହୋଇ ୨୬.୯୭ ଲକ୍ଷ ପର୍ଯ୍ୟନ୍ତ ରହିଛି।
ହ୍ୟୁଣ୍ଡାଇ ଏଲେଣ୍ଟ୍ରା : ହ୍ୟୁଣ୍ଡାଇ ନିଜର ପ୍ରିମିୟମ କାର Elantra କୁ ଗତବର୍ଷ ଲଞ୍ଚ କରିଥିଲା। ଏହି ଭାରିଅଣ୍ଟ କାର ଡିଜାଇନରେ ଅନେକ ପରିବର୍ତ୍ତନ କରାଯାଇଛି। ଏହାସହିତ ଅନେକ ଫିଚର୍ସ ଅପଡେଟ ହୋଇଥିଲା। ଏହି କାର କିଣିବାରେ ୧ ଲକ୍ଷ ଟଙ୍କାର ଅଫର ଦେଉଛି କମ୍ପାନୀ। ଏହି କାର ମୂଲ୍ୟ ୧୫.୮୯ ଲକ୍ଷରୁ ଆରମ୍ଭ ହୋଇ ୨୦.୩୯ ଲକ୍ଷ ପର୍ଯ୍ୟନ୍ତ ରହିଛି।
ଆଳି : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଦିନ ମଜୁରିଆଙ୍କ ମୃତ୍ୟୁ ଘଟିଛି । କ୍ଷତିପୁରଣ ଦାବିରେ କଟକ-ଚାନ୍ଦବାଲି…
ବ୍ୟାଟେରୀ ଗାଡିରୁ ସର୍ଟ ସର୍କିଟ ହୋଇ ଫାଟିଗଲା ଗ୍ୟାସ ଟାଙ୍କି ଜଳିଗଲା ଘର । ବାରିପଦା ସଦର ଥାନା ଅନ୍ତର୍ଗତ…
କେନ୍ୟୁଜ (ବ୍ୟୁରୋ) : ଆଜି ମୋହନ ମାଝୀଙ୍କ ସରକାରରେ ମନ୍ତ୍ରୀମାନଙ୍କୁ ବିଭାଗ ବଣ୍ଟନ କରାଯାଇଛି । ମୁଖ୍ୟମନ୍ତ୍ରୀ ନିଜ ପାଖରେ…
ସୋର: ଥାନା ସମ୍ମୁଖରେ ହୋହାଲ୍ଲା ପାଟିତୁଣ୍ଡ । କମ୍ପୁଛି ସ୍ଥାନୀୟ ଅଞ୍ଚଳ । ଆପଣ ଭାବୁଥିବେ ଥାନା ସମ୍ମୁଖରେ ଏତେ…
ପୁରୀ : ଶ୍ରୀମନ୍ଦିର ସିଂହଦ୍ୱାର ସମ୍ମୁଖରେ ଜେଟିପିଙ୍କୁ ଭକ୍ତଙ୍କ ଆକ୍ରମଣ ଅଭିଯୋଗ । ଆହତ ଜେଟିପି ହେଉଛନ୍ତି ଲଷ୍ମୀଧର ଉପାଧ୍ୟାୟ…
ବୌଦ୍ଧ : ଚାଲିବାକୁ ଏହି ବାଡି ଖଣ୍ଡିକ ହିଁ ସାହାରା । ତଥାପି ପାଖରେ କେହି ଜଣେ ନ ରହିଲେ…