ପିଏଫ୍‌ ଖାତା ଥିଲେ ଫ୍ରିରେ ମିଳିବ ୬ ଲକ୍ଷ ଟଙ୍କା ପର୍ଯ୍ୟନ୍ତ ଲାଇଫ୍‌ ଇନ୍‌ସ୍ୟୁରାନ୍ସ, ଜାଣନ୍ତୁ ନିୟମ ଓ ସର୍ତ୍ତ

ନୂଆଦିଲ୍ଲୀ : ଆପଣଙ୍କ ପାଖରେ ପିଏଫ୍‌ ଖାତା ଅଛି କି ? ଯଦି ଅଛି, ଆପଣଙ୍କୁ ଫ୍ରିରେ ମିଳିବ ୬ ଲକ୍ଷ ଟଙ୍କା ପର୍ଯ୍ୟନ୍ତ ଲାଇଫ୍‌ ଇନ୍‌ସୁ୍ୟୃରାନ୍ସ କଭରେଜ୍‌ । କର୍ମଚାରୀ ଭବିଷ୍ୟ ନିଧି ସଂଗଠନ (ଇପିଏଫ୍‌ଓ) ସମସ୍ତ ଭବିଷ୍ୟ ନିଧି(ପିଏଫ୍‌) ଖାତାଧାରୀଙ୍କୁ ମାଗଣାରେ ଲାଇଫ୍‌ କଭରେଜ୍‌ ଦେଉଛନ୍ତି ।

ଇପିଏଫ୍‌ଓ ସବ୍ସକ୍ରାଇବର୍‌ ନିଜର ପିଏଫ୍‌ କିମ୍ବା ଇପିଏଫ୍‌ ଖାତା ଖୋଲିବା ପରେ ଇଡ଼ିଏଲ୍‌ଆଇ ୧୯୭୬ ନିୟମ ଅନୁଯାୟୀ ମାଗଣାରେ ବିମା କରାଯିବ । ଇପିଏଫ୍‌ଓ ସବ୍ସକ୍ରାଇବର୍‌ ନିଜର ମାସିକ ମୂଳ ବେତନର ୨୦ ଗୁଣ କିମ୍ବା ୬ ଲକ୍ଷ ଟଙ୍କା ପର୍ଯ୍ୟନ୍ତ ଲାଇଫ୍‌ କଭର, ଯେଉଁଟା କମ୍‌ ହେବ ତାହା ପାଇବାକୁ ହକ୍‌ଦାର୍‌ ।

ଟ୍ୟାକ୍ସ ଓ ନିବେଶ ଏକ୍ୱପର୍ଟଙ୍କ ଅନୁଯାୟୀ ଦୀର୍ଘ ସମୟ ପର୍ଯ୍ୟନ୍ତ ରୋଗାଗ୍ରସ୍ତ, ହଠାତ୍‌ ମୃତ୍ୟୁ କିମ୍ବା ସାଧାରଣ ମୃତ୍ୟୁ ମାମଲାରେ ଇପିଏଫ୍‌ଓ ସବ୍ସକ୍ରାଇବର୍‌ଙ୍କ ନୋମିନୀ ବୀମା କ୍ଲେମ୍‌ କରି ପାରିବେ ।

ଲାଇଫ୍‌ କଭର ପାଇବା ପାଇଁ କେଉଁମାନେ ଯୋଗ୍ୟ

ସମସ୍ତ ଇପିଏଫ୍‌ଓ ଗ୍ରାହକ ୬ ଲକ୍ଷ ପର୍ଯ୍ୟନ୍ତ ଲାଇଫ୍‌ କଭର ପାଇବାକୁ ଯୋଗ୍ୟ ଅଟନ୍ତି । ତେବେ ତାଙ୍କର କୈାଣସି ଗ୍ରୁପ୍‌ ଇନ୍‌ସ୍ୟୁରାନ୍ସ ନଥିବା ଆବଶ୍ୟକ । ଏହି ଇଡ଼ିଏଲ୍‌ଇ ଲାଇଫ୍‌ କଭରରେ ସାଧାରଣତଃ କାରଖାନା ଶ୍ରମିକମାନେ ଲାଭ ପାଇଥାନ୍ତି । କାରଣ ଏମାନଙ୍କୁ ଏମାନଙ୍କର କମ୍ପାନୀ ଦ୍ୱାରା ସମୂହ ବୀମା କଭର ଦିଆ ଯାଇନଥାଏ । ଭଲ କମ୍ପାନୀରେ କାମ କରୁଥିବା କର୍ମଚାରୀଙ୍କୁ ସାଧାରଣତଃ ସାମୂହିକ କଭର ବୀମା ଦିଆଯାଇଥାଏ । ହେଲେ ସେମାନଙ୍କୁ ସମୂହ ପ୍ରିମିୟମ୍‌ ଦେବାକୁ ପଡ଼ିଥାଏ ।

ଇଡିଏଲ୍‌ଆଇ କ୍ଲେମ୍‌ ପ୍ରୋସେସ୍‌

– ନୋମିନୀ ଦେୟ ରାଶି ପାଇଁ କ୍ଲେମ୍‌ କରିପାରିବେ
– ଯଦି କେହି ନୋମିନୀ ନଥାନ୍ତି ତାହେଲେ ମୃତକଙ୍କ ପରିବାର ସଦସ୍ୟ କ୍ଲେମ୍‌ କରି ପାରିବେ
– ପରିବାରର ଜୀବିତ ସଦସ୍ୟ ଦ୍ୱାରା କରାଯାଉଥିବା କ୍ଲେମ୍‌ ଅନୁଯାୟୀ ବଡ଼ ପୁଅ କିମ୍ବା ବିବାହିତ ଝିଅ କ୍ଲେମ୍‌ କରିପାରିବେନି ଯଦି ତାଙ୍କର ସ୍ୱାମୀ ଜୀବିତ ଥାଆନ୍ତି ।
– ଯଦି କେହି ନୋମିନୀ କିମ୍ବା ପରିବାରର ଯୋଗ୍ୟ ସଦସ୍ୟ ଜୀବିତ ନଥାନ୍ତି ତେବେ ଆଇନତଃ ପୁତ୍ର କ୍ଲେମ୍‌ କରିପାରିବେ
– ଯଦି ନୋମିନୀ ବା ଆଇନତଃ ଉତ୍ତରାଧିକାରୀ ନାବାଳକ ହୋଇଥାନ୍ତି ତେବେ ଆଇନତଃ ଅଭିଭାବକ କ୍ଲେମ୍‌ କରିପାରିବେ ।
– ଇଡିଏଲ୍‌ଆଇ କ୍ଲେମ୍‌ ସେତେବେଳେ ହୁଏ ଯଦି ମୃତ ବ୍ୟକ୍ତି ମୃତୁ୍ୟୃ ସମୟରେ ସକ୍ରୀୟ ଭାବେ କାମ କରୁଥିବେ
– କ୍ଲେମ୍‌ ପାଇଁ ଆବେଦନ କମ୍ପାନୀ ଜରିଆରେ ହେବା ଜରୁରୀ
– କମ୍ପାନୀ ଯଦି କ୍ଲେମ୍‌ ଭେରଫାଏ କରି ନପାରେ ତେବେ ମାଜିଷ୍ଟ୍ରେଟ୍‌, ଗେଜେଟେଡ଼୍‍ ଅଫିସର,ଗ୍ରାମ ପଞ୍ଚାୟତ ଅଧ୍ୟକ୍ଷ/ସଚିବ/ସଦସ୍ୟ,ସାଂସଦ କିମ୍ବା ଦିଧାୟକ ଭେରିଫାଏ କରିପାରିବେ ।