ମାଗଣା ଶିକ୍ଷା ସହ ପାଇବେ ଚାକିରି ପାଇଁ ଅଫର, ଗୋଟିଏ ୱେବସାଇଟରେ ସମସ୍ତ ସେବା
ଏଭଳି ସମସ୍ୟାର ସମାଧାନ ପାଇଁ ଏକ ୱେବସାଇଟ ଜାରି ହୋଇଛି, ଯାହା ସରକାରଙ୍କ ଯୋଜନା ସିଧାସଳଖ ନାଗରିକମାନଙ୍କ ପାଖରେ ପହଞ୍ଚାଇଥାଏ । ଆପଣ ଏଥିରେ ଆବେଦନ କରି ଶିକ୍ଷା ଏବଂ ଚାକିରି ଆଦି ସରକାରୀ ଯୋଜନାର ଲାଭ ଉଠାଇପାରିବେ ।
ଭାରତ ସରକାର ଦେଶର ନାଗରିକଙ୍କ ପାଇଁ ପ୍ରାୟତଃ ବିଭିନ୍ନ ନୂଆ ନୂଆ ଯୋଜନା ଆଣୁଛନ୍ତି । ଶିକ୍ଷା ଏବଂ ଆର୍ଥିକ ସ୍ଥିତି ସୁଦୃଢ କରିବାରେ ସହାୟକ ହେବ ଏହି ଯୋଜନା । କିନ୍ତୁ ଅନେକ ସମୟରେ ନାଗରିକମାନଙ୍କ ନିକଟରେ ଏହାର ସଠିକ ଏବଂ ସମ୍ପୂର୍ଣ୍ଣ ତଥ୍ୟ ନ ପହଞ୍ଚିପାରୁ ସେମାନେ ଯୋଜନାର ଫାଇଦାରୁ ବଞ୍ଚିତ ହୋଇଯାଆନ୍ତି । କିନ୍ତୁ ଏଭଳି ସମସ୍ୟାର ସମାଧାନ ପାଇଁ ଏକ ୱେବସାଇଟ ଜାରି ହୋଇଛି, ଯାହା ସରକାରଙ୍କ ଯୋଜନା ସିଧାସଳଖ ନାଗରିକମାନଙ୍କ ପାଖରେ ପହଞ୍ଚାଇଥାଏ । ଆପଣ ଏଥିରେ ଆବେଦନ କରି ଶିକ୍ଷା ଏବଂ ଚାକିରି ଆଦି ସରକାରୀ ଯୋଜନାର ଲାଭ ଉଠାଇପାରିବେ ।
ସରକାରଙ୍କ ଦ୍ୱାରା ଜାରି ହୋଇଥିବା ଏହି ପୋର୍ଟାଲ ହେଉଛି www.myscheme.gov.in । ଭାରତୀୟ ନାଗରିକ ଏଥିରେ କ୍ଲିକ କରି ସରକାରଙ୍କର ବିଭିନ୍ନ ଯୋଜନା ସମ୍ପର୍କରେ ତଥ୍ୟ ହାସଲ କରିପାରିବେ । ଏହାବ୍ୟତୀତ ଆବେଦନ କରି ବିଭିନ୍ନ ଯୋଜନାର ଫାଇଦା ମଧ୍ୟ ଉଠାଇପାରିବେ ଭାରତୀୟ ନାଗରିକ । ତେବେ ଏହି ପୋର୍ଟାଲରେ ଆପଣ ଖୁବଶୀଘ୍ର ପ୍ରତିକ୍ରିୟା ପାଇପାରିବେ । ପୋର୍ଟାଲରେ ସରକାରଙ୍କର ସମସ୍ତ ଯୋଜନା ଉପଲବ୍ଧ ରହିଥିବା ବେଳେ ଆପଣ ନିଜ ପସନ୍ଦର ଗୋଟିଏ ଯୋଜନାକୁ ଚୟନ କରିପାରିବେ ।
ଏହି ପୋର୍ଟାଲ ସାହାଯ୍ୟରେ ନାଗରିକମାନେ କୃଷି, ଗ୍ରାମୀଣ ଓ ପରିବେଶ, ବ୍ୟାଙ୍କିଙ୍ଗ ଆର୍ଥିକ ଏବଂ ବୀମା ଯୋଜନା, ବ୍ୟବସାୟ ସମ୍ବନ୍ଧୀୟ ବିଭିନ୍ନ ଯୋଜନା ବିଷୟରେ ତଥ୍ୟ ପାଇପାରିବେ । ସେହିଭଳି ଶିକ୍ଷା, ସ୍ୱାସ୍ଥ୍ୟ ଏବଂ ସୁସ୍ଥତା ଠାରୁ ଆରମ୍ଭ କରି ଗୃହ ଏବଂ ଅନ୍ୟାନ୍ୟ ବିଭିନ୍ନ ସରକାରୀ ଚାକିରି ବିଷୟରେ ତଦାରଖ କରି ଆବେଦନ କରିପାରିବେ । ଏଥିମଧ୍ୟରୁ ନିଜ ପସନ୍ଦରେ କୌଣସି ଯୋଜନାକୁ ଚୟନ କରି ଏହାର ଫାଇଦା ଉଠାଇପାରିବେ ।
