ରେଳ ବିଭାଗ ଜାରି କଲା ନୂଆ ଟାଇମ୍ ଟେବୁଲ, ବନ୍ଦ ହେବ ୫୦୦ ଟ୍ରେନ ଏବଂ ୧୦ ହଜାର ଷ୍ଟପେଜ୍
ଭାରତୀୟ ରେଳ ବିଭାଗ କରୋନା ସଂକଟ ମଧ୍ୟରେ ଯାତ୍ରୀକୁ ସୁଗମ କରିବା ପାଇଁ (IRCTC) ଅନେକ ପରିବର୍ତ୍ତନ କରିଛି। ଏଭଳି ପରିସ୍ଥିତିରେ ବର୍ତ୍ତମାନ ରେଳ ବିଭାଗ ଜିରୋ ବେଷ୍ଟ ଟାଇମ ଟେବୁଲ୍ ପ୍ରସ୍ତୁତ କରିଛି। ଯାହାଦ୍ୱାରା ଟ୍ରେନର ସମୟରେ ସୁଧାର ହେବ। କରୋନା କବଳରୁ ପରିସ୍ଥିତି ସାମାନ୍ୟ ହେବା ପରେ ଏହି ଟାଇମ ଟେବୁଲ୍ ଲାଗୁ କରାଯିବ। ଏଥିସହ ଦେଶରେ ପାଖାପାଖି ୫୦୦ ଟ୍ରେନ ଚଳାଚଳ ବନ୍ଧ ହେବା ସହ ୧୦ ହଜାର ଷ୍ଟପେଜ୍ ବନ୍ଦ ହୋଇପାରେ। ରିପୋର୍ଟ ଅନୁଯାୟୀ ଟାଇମ ଟେବୁଲରେ ଏହି ପରିବର୍ତ୍ତନ ଦ୍ୱାରା ରେଳ ବିଭଗର ଆୟ ୧୫୦୦ କୋଟି ଟଙ୍କା ପର୍ଯ୍ୟନ୍ତ ବଢିଯିବ। ସୂଚନା ମୁତାବକ ନିୟମିତ ଟ୍ରେନ ସଂଚାଳନ ଉପରେ ପ୍ରତିବନ୍ଧକ ଲାଗିଛି। ଅନ୍ୟପଟେ ଦେଶରେ ସ୍ପେଶାଲ ଟ୍ରେନ ଚଳାଚଳ ହେଉଛି।
୫୦ ହଜାର ଟ୍ରେନ୍ ହେବ ବନ୍ଦ
ରେଳ ମନ୍ତ୍ରାଳୟ ଆକଳନ ଅନୁଯାୟୀ ଆନୁମାନିକ ୧୫୦୦ କୋଟି ଟଙ୍କାର ଆୟ ନିଶୁଳ୍କ ଆଧାରରେ ହେବ। ରିପୋର୍ଟ ଅନୁଯାୟୀ ଅନେକ ଯାତ୍ରୀଙ୍କ ଦାବି ଦ୍ୱାରା ଟ୍ରେନର ଷ୍ଟପେଜ୍ କୁ ବଢାଯାଇଛି। ଏହାବ୍ୟତୀତ ବିନା ଦାବି କରାଯାଇଥିବା ଟ୍ରେନ ଚଳାଚଳ ମଧ୍ୟ ଜାରି ରହିଛି, ଯାହାର ଅଧାରୁ ଅଧିକ ସିଟ୍ ଖାଲି ରହୁଛି। ଏହିକାରଣରୁ ରେଲ ବିଭାଗ ଏଭଳି ୫୦୦ଟ୍ରେନ ଚିହ୍ନଟ କରିଛି, ଯାହାର ସଂଚାଳନ ବନ୍ଦ କରାଯିବ।
ଯାତ୍ରୀମାନଙ୍କୁ ସମସ୍ୟା ଭୋଗ କରିବାକୁ ପଡିବ ନାହିଁ
ରେଳ ବିଭାଗ କହିବାନୁଯାୟୀ, ନୂତନ ଟାଇମ ଟେବୁଲରେ ଏହା ଉପରେ ସମ୍ପୂର୍ଣ୍ଣ ରୂପେ ଧ୍ୟାନ ରଖାଯିବ କି ଟ୍ରେନ ବନ୍ଦ ହେବା ଦ୍ୱାରା ଯାତ୍ରୀମାନଙ୍କୁ କୌଣସି ପ୍ରକାର ସମସ୍ୟାର ସାମ୍ନା କରିବାକୁ ପଡିବ ନାହିଁ। ଯାତ୍ରୀମାନଙ୍କ ପାଇଁ ସେହି ଟ୍ରେନ ପରିବର୍ତ୍ତେ ଅନ୍ୟ ଟ୍ରେନର ବିକଳ୍ପ ରହିବ।
୧୦ ହଜାର ଷ୍ଟପେଜ୍ ହେବ ବନ୍ଦ
୫୦୦ ଟ୍ରେନ ବନ୍ଦ ହେବା ସହ ଦେଶରେ ପାଖାପାଖି ୧୦ ହଜାର ଷ୍ଟପେଜ୍ ମଧ୍ୟ ବନ୍ଦ ହେବ। ଯେଉଁ ପାସେଞ୍ଜର ଟ୍ରେନରେ ଅତି କମରେ ୫୦ ଲୋକ ଚଢୁଥିବେ କିମ୍ବା ଓହ୍ଲାଉଥିବେ ସେଠାରେ ଷ୍ଟପେଜ୍ ବନ୍ଦ ହେବ ନାହିଁ। କିନ୍ତୁ ଯେଉଁଠାରେ ୫୦ରୁ କମ ଯାତ୍ରୀ ଚଢିଥାନ୍ତି କିମ୍ବା ଓହ୍ଲାଇଥାନ୍ତି ଏଭଳି ଷ୍ଟପେଜ୍ କୁ ନୂତନ ଟାଇମ୍ ଟେବୁଲ ଅନୁଯାୟୀ ବନ୍ଦ କରିଦିଆଯିବ।