କ’ଣ ଜୀବନସାଥୀଙ୍କ ପେନ୍‌ସନ ପାଇବା ପାଇଁ ଜଏଣ୍ଟ ବ୍ୟାଙ୍କ ଆକାଉଣ୍ଟ ରହିବା ଜରୁରୀ କି? ଜାଣନ୍ତୁ କ’ଣ କହୁଛନ୍ତି ସରକାର

ଅବସର ପରେ ସ୍ୱାମୀ କିମ୍ବା ସ୍ତ୍ରୀଙ୍କର ପେନସନ ଆକାଉଣ୍ଟରୁ ଟଙ୍କା ଉଠାଇବା ପାଇଁ ଜଏଣ୍ଟ ବ୍ୟାଙ୍କ ଆକାଉଣ୍ଟ ରହିବା କେତେ ଜରୁରୀ? ଯଦି ଆପଣ ବି ଏହି ପ୍ରଶ୍ନର ଉତ୍ତର ଚାହୁଁଛନ୍ତି, ତା’ ହେଲେ ଆମେ ଆପଣଙ୍କୁ କହିବୁ କି, କେନ୍ଦ୍ର ସରକାର ପେନସନ ସହ ଜଡ଼ିତ ନିୟମରେ ଢିଲା ଦେଇଛନ୍ତି। ସରକାରୀ ନିୟମ ଅନୁସାରେ, ନିଜ ଜୀବନସାଥୀଙ୍କ ନାଁରେ ଆସୁଥିବା ପେନସନ ପାଇବା ପାଇଁ ଆପଣଙ୍କୁ ଜଏଣ୍ଟ ବ୍ୟାଙ୍କ ଆକାଉଣ୍ଟ ଖୋଲିବା ଅନିବାର୍ଯ୍ୟ ନୁହେଁ। କେନ୍ଦ୍ର Personnel ମନ୍ତ୍ରୀ ଜିତେନ୍ଦ୍ର ସିଂ ଏ ପ୍ରସଙ୍ଗକୁ ସ୍ପଷ୍ଟ କରିଛନ୍ତି। ମନ୍ତ୍ରୀ ଏ ନେଇ ପେନସନ ବିଭାଗ ସହିତ ବୈଠକ କରିଥିବା ମଧ୍ୟ କହିଛନ୍ତି।

କେନ୍ଦ୍ର ମନ୍ତ୍ରୀ କହିଛନ୍ତି ଯେ ଯଦି କୌଣସି କେସ୍‌ରେ ଅବସର ଗ୍ରହଣ କରୁଥିବା ସରକାରୀ କର୍ମଚାରୀଙ୍କ ପାଇଁ ନିଜ ସ୍ୱାମୀ କିମ୍ବା ସ୍ତ୍ରୀ (ଜୀବନସାଥୀ)ଙ୍କ ସହିତ ଜଏଣ୍ଟ ଆକାଉଣ୍ଟ ଖୋଲିବାରେ ସମସ୍ୟା ରହିଛି, ତା’ ହେଲେ ସେମାନଙ୍କୁ ଏଥିରୁ ଢିଲା ଦିଆଯାଇ ପାରିବ। ଉଦାହରଣ ସ୍ୱରୂପ, ଜଏଣ୍ଟ ଆକାଉଣ୍ଟରେ ଯେପରି ତାଙ୍କର କୌଣସି ନିୟନ୍ତ୍ରଣ ନ ଥିବ ଏବଂ ଅଫିସ୍‌ ପ୍ରମୁଖଙ୍କୁ ତାଙ୍କ ଦ୍ୱାରା ଦିଆଯାଇଥିବା କାରଣ ଉପରେ ବିଶ୍ୱାସ ଆସୁ ନ ଥିବ। ଏଭଳି ସ୍ଥିତିରେ କର୍ମଚାରୀଙ୍କୁ ମୁକ୍ତି ମିଳି ପାରିବ।

କ’ଣ ରହିଛି ନିୟମ

Personnel ମନ୍ତ୍ରାଳୟ ତରଫରୁ ଏ ନେଇ ଏକ ବିବୃତ୍ତି ମଧ୍ୟ ଜାରି କରାଯାଇଛି। କେନ୍ଦ୍ର ସରକାରଙ୍କ ତରଫରୁ ପେନସନ ଜାରି କରୁଥିବା ବ୍ୟାଙ୍କଗୁଡ଼ିକୁ ପରାମର୍ଶ ଦିଆଯାଇଛି କି, ଯଦି କୌଣସି ସରକାରୀ କର୍ମଚାରୀଙ୍କର ଜୀବନସାଥୀ (ଫ୍ୟାମିଲି ପେନ୍‌ସନର) ପେନସନ କ୍ରେଡିଟ୍‌ ହେବା ପାଇଁ ପୂର୍ବରୁ ଥିବା ବ୍ୟାଙ୍କ ଆକାଉଣ୍ଟ ବାଛୁଛନ୍ତି, ତ ବ୍ୟାଙ୍କ ତାଙ୍କୁ ନୂଆ ଆକାଉଣ୍ଟ ଖୋଲିବା ପାଇଁ ବାଧ୍ୟ କରି ପାରିବ ନାହିଁ।

ବିବୃତ୍ତିରେ ଆହୁରି କୁହାଯାଇଛି ଯେ ବ୍ୟାଙ୍କ ଆକାଉଣ୍ଟ ରହିବା ଭଲ ଏବଂ ପେନସନ ପେମେଣ୍ଟ ଅର୍ଡର (PPO) ଅଧୀନରେ ଯେଉଁ ଫ୍ୟାମିଲି ପେନ୍‌ସନର (ସ୍ୱାମୀ କିମ୍ବା ସ୍ତ୍ରୀ)ଙ୍କ ଅଥରାଇଜେଶନରେ ପେନସନ ମିଳିବ, ତାଙ୍କ ସହିତ ଏହି ଆକାଉଣ୍ଟ ଖୋଲାଯିବା ଉଚିତ। ମନ୍ତ୍ରୀ ଜିତେନ୍ଦ୍ର ସିଂ କହିଥିଲେ କି, ଏହି ଆକାଉଣ୍ଟରେ ‘former or survivor’ ଏବଂ ‘either or survivor’ ଆଧାରରେ ଯେଉଁ ପେନ୍‌ସନରଙ୍କର ଅଧିକ ଆଗ୍ରହ ରହିବ, ତାଙ୍କ ହିସାବରେ କାମ ହେବ।

କ’ଣ ମିଳିଥାଏ ଫାଇଦା

ଜଏଣ୍ଟ ଆକାଉଣ୍ଟ ରହିବା ଏହି କାରଣରୁ ଗୁରୁତ୍ୱପୂର୍ଣ୍ଣ ଯେ ଏହାଦ୍ୱାରା ଏହା ସୁନିଶ୍ଚିତ ହୋଇ ପାରିଥାଏ କି, ଫ୍ୟାମିଲି ପେନସନ ବିନା କୌଣସି ବାଧାରେ ଜାରି ହୋଇ ଚାଲିଥାଏ। ସେପଟେ ଫ୍ୟାମିଲି ପେନସନରଙ୍କୁ ଅଲଗା ଭାବେ ଏକ ନୂଆ ବ୍ୟାଙ୍କ ଆକାଉଣ୍ଟ ଖୋଲିବା ପାଇଁ ସମସ୍ୟାର ସମ୍ମୁଖୀନ ହେବାକୁ ପଡ଼ି ନ ଥାଏ। ଏଥି ସହିତ ଆହୁରି ମଧ୍ୟ ଫାଇଦା ରହିଛି କି, ଫ୍ୟାମିଲି ପେନସନରଙ୍କୁ ପେନସନ ଜାରି କରେଇବା ପାଇଁ ପଚାଶ ଦସ୍ତାବିଜ୍‌ ଜମା କରିବା ଏବଂ ଭେରିଫାଏ କରେଇବା ଚକ୍କରରେ ପଡ଼ିବାକୁ ପଡ଼ି ନ ଥାଏ।