ସବୁଠାରୁ ଶସ୍ତା ରିଚାର୍ଜ: ଏକ ବର୍ଷ ପାଇଁ ପାଆନ୍ତୁ ଡାଟା ଏବଂ ଫ୍ରି କଲିଂ
ରିଲାଏନ୍ସ ଜିଓ, ଏୟାରଟେଲ ଏବଂ ଭୋଡାଫୋନ୍ ନିଜର ବହାରକାରୀଙ୍କ ପାଇଁ ଏକ ବର୍ଷର ବୈଧତା ସହିତ ଅନେକ ଅଫର ପ୍ରଦାନ କରିଥାଏ । ଏକ ବର୍ଷର ଯୋଜନା ନେବାରେ ସବୁଠାରୁ ବଡ ସୁବିଧା ହେଉଛି ଉପଭୋକ୍ତାମାନଙ୍କୁ ବାରମ୍ବାର ରିଚାର୍ଜ କରିବାକୁ ପଡ଼ିନଥାଏ । ଏହା ବ୍ୟତୀତ, ପ୍ରତ୍ୟେକ ମାସର ରିଚାର୍ଜ ଠାରୁ ମଧ୍ୟ ଏହା ଶସ୍ତା ରହିଥାଏ । ଏଭଳି ପରିସ୍ଥିତିରେ ଆମେ ଆପଣଙ୍କୁ ତିନୋଟି କମ୍ପାନୀର ବାର୍ଷିକ ବୈଧତାର ପ୍ରିପେଡ୍ ଯୋଜନା ବିଷୟରେ ବିଷୟରେ କହିବୁ ଯାହା ସବୁଠାରୁ ଶସ୍ତା ଅଟେ ।
ଏୟାରଟେଲର 1498 ଟଙ୍କା
ସାଧାରଣତଃ ଏୟାରଟେଲ ବାର୍ଷିକ ବୈଧତା ଥିବା ଅନେକ ଅଫର ପ୍ରଦାନ କରିଥାଏ କିନ୍ତୁ ଏଥିମଧ୍ୟରେ ସବୁଠାରୁ ଶସ୍ତା ଯୋଜନା ହେଉଛି 1498 ଟଙ୍କା । ଏଥିରେ 365 ଦିନର ଭ୍ୟାଲିଡିଟି ମିଳିଥାଏ । ଉପଭୋକ୍ତାମାନେ ଏଥିରେ 24 GB ଡାଟା ପାଇଥାନ୍ତି । ଆପଣ ଏହାକୁ ମାସପ୍ରତି 2 GB ଡାଟା ଭାବରେ ଭାବିପାରିବେ । ଏହି ପ୍ଲାନ ସମସ୍ତ ନେଟୱାର୍କରେ ଅସୀମିତ କଲିଂ ଏବଂ 3600 SMS ପ୍ରଦାନ କରିଥାଏ ।
ଭୋଡାଫୋନର 1499 ଟଙ୍କା
ଭୋଡାଫୋନ୍ ଏବଂ ଏୟାରଟେଲର ପ୍ଲାନ ମଧ୍ୟରେ ସେମିତି କିଛି ବିଶେଷ ପାର୍ଥକ୍ୟ ନାହିଁ । 365 ଦିନର ବୈଧତା ସହିତ ଭୋଡାଫୋନର ଏହା ସବୁଠାରୁ ଶସ୍ତା ପ୍ଲାନ । ଏଥିରେ 24 GB ଡାଟା ସହିତ ସମସ୍ତ ନେଟୱାର୍କରେ ଅସୀମିତ କଲିଂ ଏବଂ 3600 SMS ମିଳିଥାଏ । ଏହା ବ୍ୟତୀତ ଉପଭୋକ୍ତାମାନେ ଭୋଡାଫୋନ୍ ପ୍ଲେ ଏବଂ Zee5 ଆପର ମାଗଣା ସବସ୍କ୍ରିପସନ୍ ପାଆନ୍ତି ।
ଜିଓର 1299 ଟଙ୍କା
ରିଲାଏନ୍ସ ଜିଓର ଏହି ପ୍ଲାନ ଯଦିଓ ସମ୍ପୂର୍ଣ୍ଣ ବର୍ଷେ ପାଇଁ ନୁହେଁ, କିନ୍ତୁ ଗ୍ରାହକମାନେ ଏଥିରେ ପ୍ରାୟ 11 ମାସର ବୈଧତା ପାଆନ୍ତି । ଜିଓର ଏହି ଯୋଜନା 336 ଦିନର ଭ୍ୟାଲିଡିଟି ସହିତ ଆସିଥାଏ । ଉପଭୋକ୍ତାମାନେ ଏଥିରେ 24 GB ଡାଟା ପାଆନ୍ତି । ଏଥିରେ, ଜିଓରୁ ଜିଓ ନେଟୱାର୍କ ପର୍ଯ୍ୟନ୍ତ ଅସୀମିତ କଲିଂ ଉପଲବ୍ଧ ଥିବାବେଳେ ଅନ୍ୟ ନେଟୱାର୍କରେ କଲ୍ କରିବା ପାଇଁ 12000 ଅଣ-ଜିଓ ମିନିଟ୍ ଉପଲବ୍ଧ ଥାଏ ।
