ହ୍ୟୁଣ୍ଡାଇର ଏହି ଶସ୍ତା କାର ଉପରେ ମିଳୁଛି ଭାରି ଡ଼ିସକାଉଣ୍ଟ, ଜୁନରେ କିଣିଲେ ଫାଇଦାରେ ରହିବେ ଆପଣ
ଜୁନ୍ ମାସରେ ହୁଣ୍ଡାଇ ଏହାର କାର କ୍ରୟ ଉପରେ ଆକର୍ଷଣୀୟ ଅଫର ଦେଉଛି । ଗତ କିଛି ମାସ ମଧ୍ୟରେ କରୋନାଭାଇରସ୍ ପାଇଁ ଲକଡାଉନ ଯୋଗୁଁ ଦେଶରେ କାର ବିକ୍ରି ଯଥେଷ୍ଟ ହ୍ରାସ ପାଇଛି । ଏହି କାରଣରୁ ରିହାତି ପ୍ରଦାନ କରି ଏହି କମ୍ପାନୀ ବର୍ତ୍ତମାନ ବିକ୍ରୟ ବୃଦ୍ଧି କରିବାକୁ ଚେଷ୍ଟା କରୁଛି । ତେବେ ଯଦି ଆପଣ ଜୁନ୍ ମାସରେ ହୁଣ୍ଡାଇର ଏକ ସୁଲଭ କାର୍ ହୁଣ୍ଡାଇ ସାଣ୍ଟ୍ରୋ କିଣିବାକୁ ଚିନ୍ତା କରୁଛନ୍ତି, ତେବେ ଏହି ସମୟ ଆପଣଙ୍କ ପାଇଁ ଲାଭବାନ ରହିବ ।
ଏହି ଅଫର ବିଷୟରେ କହିବାକୁ ଗଲେ କମ୍ପାନୀ ଜୁନ୍ ମାସରେ ହୁଣ୍ଡାଇ ସାଣ୍ଟ୍ରୋରେ 30 ହଜାର ଟଙ୍କା ପର୍ଯ୍ୟନ୍ତ ରିହାତି ପ୍ରଦାନ କରୁଛି । ମେଡିକାଲ୍ ପ୍ରଫେସନାଲ, ସିଲେକ୍ଟ କର୍ପୋରେଟ୍, SME, ଶିକ୍ଷକ ଏବଂ CA ପାଇଁ ସ୍ୱତନ୍ତ୍ର ଅଫର୍ ଦିଆଯାଉଛି । ଏହି କାର ସହିତ ତିନି ବର୍ଷ ପାଇଁ ଅସୀମିତ କିମି ୱାରେଣ୍ଟି ଏବଂ ରୋଡ଼ ସାଇଡ ଆସିଷ୍ଟାଣ୍ଟ (RSA) ଦିଆଯାଉଛି । ଏହା ବ୍ୟତୀତ, ହୁଣ୍ଡାଇ EMI ଇନ୍ସ୍ୟୁରାନ୍ସ କଭରେଜ୍ ଯାହା ଚାକିରି ହରାଇବା କ୍ଷେତ୍ରରେ 3 EMI ପର୍ଯ୍ୟନ୍ତ ସହାୟକ ହେବ ।
ସୁରକ୍ଷା ଫିଚର ବିଷୟରେ କହିବାକୁ ଗଲେ, ଏହି କାରରେ ଷ୍ଟ୍ରଙ୍ଗ ବଡି ଷ୍ଟ୍ରକ୍ଚର, ଡୁଆଲ୍ ଫ୍ରଣ୍ଟ ଏୟାରବ୍ୟାଗ, ଆଣ୍ଟି ଲକ୍ ବ୍ରେକିଂ ସିଷ୍ଟମ୍, ଇବିଡି, ରିୟର ପାର୍କିଂ ସେନ୍ସର, ରିଅର ପାର୍କିଂ କ୍ୟାମେରା, ରିଅର ଡିଫୋଗର୍, ଇଫେକ୍ଟ / ସ୍ପିଡ୍ ସେନ୍ସିଂ ଅଟୋ ଡୋର ଅନଲକ୍ / ଲକ୍ ଏବଂ ଫ୍ରଣ୍ଟ ସିଟ୍ ବେଲ୍ଟ ପ୍ରିଟେନସର୍ ଫିଚର ଦିଆଯାଇଛି । ସୂଚନା ଅନୁଯାୟୀ ହୁଣ୍ଡାଇ ସାଣ୍ଟ୍ରୋର ପ୍ରାରମ୍ଭିକ ଶୋ’ରୁମ୍ ମୂଲ୍ୟ 4,57,490 ଟଙ୍କା ରହିଛି । ଇଣ୍ଟେରିୟର ବିଷୟରେ କହିବାକୁ ଗଲେ, ହୁଣ୍ଡାଇ ସେଣ୍ଟ୍ରୋରେ ଏକ ପ୍ରିମିୟମ୍ ଡୁଆଲ୍ ଟୋନ୍ ବ୍ୟାଜ୍ ଏବଂ ବ୍ଲାକ ଇଣ୍ଟେରିଅର୍ ଦିଆଯାଇଛି । ସ୍ପୋର୍ଟ ବ୍ଲାକ ଇଣ୍ଟେରିଅର୍ ସହିତ ଡିଆନା ଗ୍ରୀନ୍ ଇନ୍ସର୍ଟ ଫ୍ରଣ୍ଟ, ରିୟର ଡୋର ମ୍ୟାପ ପକେଟ୍ ସହିତ 1 ଲିଟର ବଟଲ ହୋଲଡ଼ର , ରୁମ୍ ଲ୍ୟାମ୍ପ, ସାମ୍ପେନ୍ ଗୋଲଡ ଇଣ୍ଟରିୟର କଲର ଗାର୍ନିସ୍ ଏବଂ ସାମ୍ପେନ୍ ଗୋଲଡ କଲର ଇନସାଇଡ ଡୋର ହ୍ୟାଣ୍ଡେଲ ଦିଆଯାଇଛି ।
