ଷ୍ଟେଲାଣ୍ଟିସ୍ ଗ୍ରୁପ୍ ନିକଟରେ ଘୋଷଣା କରିଛି ଯେ ଏହା ଭାରତ ସମେତ ଇଣ୍ଟରନେସନାଲ୍ ମାର୍କେଟରେ ଚୀନର Leapmotor ବ୍ରାଣ୍ଡକୁ ଆଣିବାକୁ ପ୍ରସ୍ତୁତ ହେଉଛି । ଏଥି ସହ ଦୁଇଟି କମ୍ପାନୀ Leapmotor ଇଣ୍ଟରନ୍ୟାସନାଲ୍ ନାମକ ଏକ ଜଏଣ୍ଟ ଭେନଚର ଗଠନ କରିଛନ୍ତି ।
ହେଲେ ଭାରତରେ କେଉଁ ମଡେଲଗୁଡିକ ଲଞ୍ଚ ହେବ ତାହା ଅଫିସିଆଲି ଭାବରେ କନଫର୍ମ ହୋଇନାହିଁ । କିନ୍ତୁ ବିଶ୍ସସ କରାଯାଉଛି ଯେ Leapmotor ଭାରତୀୟ ବଜାରରେ ଏହାର ଦୁଇଟି ପ୍ରିମିୟମ୍ ମଡେଲ ଯାହା ହେଉଛି- C10 ଏବଂ B10 କୁ ଉପସ୍ଥାପନ କରିପାରେ ।
Leapmotor C10 SUV ଏକ ପ୍ରିମିୟମ୍ ଇଲେକ୍ଟ୍ରିକ୍ ଗାଡ଼ି ହେବ ଯାହା ଦୁଇଟି ଭର୍ସନରେ ଉପଲବ୍ଧ ହେବ । EV ଭର୍ସନର ରେଞ୍ଜ ପ୍ରାୟ ୪୨୪ କିଲୋମିଟର ହେବ । ଯେତେବେଳେ REEV ଭର୍ସନ୍ ୯୫୦ କିଲୋମିଟର ପର୍ଯ୍ୟନ୍ତ ରେଞ୍ଜ ପ୍ରଦାନ କରିବାକୁ ସକ୍ଷମ ହେବ । ଏଥି ସହ ଏହି SUV ର ଲମ୍ବ ୪.୭ ମିଟର ହେବ, ଯାହା ଏହାକୁ ଏକ ବଡ଼ ଏବଂ ପ୍ରିମିୟମ୍ କ୍ୟାଟାଗରୀରେ ରଖେ ।
Leapmotor C10 SUV ର ଫିଚର୍ସ :
ଏହାର ମେନ୍ ଫିଚର୍ସଗୁଡିକ ମଧ୍ୟରେ ହିଟିଙ୍ଗ ଏବଂ ଭେଣ୍ଟିଲେସନ୍ ସହିତ ଫାଷ୍ଟ କ୍ଲାସ୍ ସିଟ୍, ପାନାରୋମିକ୍ ସନରୁଫ୍, ୧୨-ସ୍ପିକର, ପ୍ରମିୟମ ଅଡିଓ ସିଷ୍ଟମ ଏବଂ ୭ଟି ଏୟାରବ୍ୟାଗ୍ ସାମିଲ ଅଛି । ଏଥି ସହ EV ଭର୍ସନରେ ୬୯.୯ kWh ର ବଡ଼ ବ୍ୟାଟେରୀ ଏବଂ ୧.୫ ଲିଟର ପେଟ୍ରୋଲ ଇଞ୍ଜିନ୍ ରହିବ । Leapmotor C10 ଭାରତରେ BYD Sealion 7 ଭଳି ପ୍ରିମିୟମ୍ EV SUVs କୁ ସିଧାସଳଖ ଟକ୍କର କରିପାରିବ । ଏଥିରେ ୬୭.୧ kWh ବ୍ୟାଟେରୀ ରହିବ ଯାହା ୪୦୦ କିଲୋମିଟରରୁ ଅଧିକ ରେଞ୍ଜ ଦେବ । B10 ର ଇଣ୍ଟେରିୟର ମଧ୍ୟ ପ୍ରିମିୟମ ହେବ, ଯେଉଁଥିରେ ଏକ ବଡ଼ ୧୪.୮ ଇଞ୍ଚ ଟଚସ୍କ୍ରିନ୍ ଦିଆଯାଇଛି । ଏହାକୁ ୟୁରୋପୀୟ ବଜରେକୁ ଧ୍ୟାନରେ ରଖି ସ୍ବତନ୍ତ୍ର ଭାବରେ ଡିଜାଇନ୍ କରାଯାଇଛି ।
Leapmotor ଆସନ୍ତା ବର୍ଷ ସୁଦ୍ଧା ଭାରତରେ ଏହାର ଗାଡ଼ି ଲଞ୍ଚ କରିବାକୁ ଲକ୍ଷ୍ୟ ରଖିଛି । ଏହି ବ୍ରାଣ୍ଡ ଭାରତରେ Vinfast, Tesla ଏବଂ ଅନ୍ୟାନ୍ୟ ନୂତନ EV ବ୍ରାଣ୍ଡ ସହିତ ଟକ୍କର କରିବ । ଭାରତରେ, Leapmotor ଷ୍ଟେଲାଣ୍ଟିସର ଥିବା ବ୍ରାଣ୍ଡ ଯେପରିକି Citroen, Jeep ଏବଂ Maserati ସହିତ ଏହାର ପୋର୍ଟଫୋଲିଓକୁ ଏକ୍ସପାଣ୍ଡ କରିବ ।