Fastag ରିଚାର୍ଜ କରିବା ସମୟରେ ଏହି ଦିଗ ପ୍ରତି ଧ୍ୟାନ ଦିଅନ୍ତୁ, ନଚେତ ହଇରାଣ ହୋଇପାରନ୍ତି
ଟୋଲ ପ୍ଲାଜା ନିକଟରେ ଲମ୍ବା ଲାଇନରୁ ତ୍ରାହି ପାଇବା ପାଇଁ ସରକାର Fastag ବ୍ୟବସ୍ଥାର ଆରମ୍ଭ କରିଥିଲେ । Fastag ହେଉଛି ଏମିତି ଏକ ବ୍ୟବସ୍ଥା ଯେଉଁଥିରେ କାହାରିକୁ ଗାଡି ଅଟକାଇବା ପରେ ନଗଦ ଟୋଲ ଫି ଦେବାକୁ ପଡିବ ନାହିଁ । ଏହି ପ୍ରକ୍ରିୟାରେ ଆପଣ ନିଜ ଗାଡି ନେଇ ଯାଇପାରିବେ ଆଉ ସେପଟେ Fastag ମାଧ୍ୟମରେ ଟୋଲ ଫି ଦାଖଲ ହୋଇଯିବ । କିନ୍ତୁ ଆପଣଙ୍କୁ ଯାହା ଫାସଟ୍ୟାଗ ଜରିଆରେ ରିଚାର୍ଜ କରିବାକୁ ପଡିବ ।
କିନ୍ତୁ Fastag ରିଚାର୍ଜ କରିବା ପୂର୍ବରୁ କିଛି ଦିଗ ପ୍ରତି ଧ୍ୟାନ ଦେବା ନିହାତି ଜରୁରୀ । ଯଦି ଆପଣ ଏମିତି ନକରନ୍ତି ତେବେ ଆପଣଙ୍କ ବ୍ୟାଙ୍କ ଆକାଉଣ୍ଟରୁ ପଇସା କଟିଯିବ ଆଉ ରିଚାର୍ଜ ବି ହେବ ନାହିଁ । Paytm, Phonpeରୁ Fastag ରିଚାର୍ଜ କରିବା ପୂର୍ବରୁ ଆପଣଙ୍କୁ ଗାଡି ନ,ବାର ରେଜିଷ୍ଟ୍ରେସନ କରିବାକୁ ପଡିବ । ଯଦି ଗାଡି ନମ୍ବର ଭୁଲ ଟାଇପ ହୋଇଯାଏ ତେବେ ଆପଣଙ୍କ ଆକାଉଣ୍ଟରୁ ଟଙ୍କା କଟିଯିବ । ଆଉ Fastag ରିଚାର୍ଜ ବି ହେବନାହିଁ ।
ଏହା ସହ ଆପଣଙ୍କୁ ଏହା ବି ଧ୍ୟାନ ରଖିବାକୁ ପଡିବଯେ ଆପଣଙ୍କ Fastag କେଉଁ ବ୍ୟାଙ୍କ ସହିତ ଲିଙ୍କ ଅଛି । କାରଣ ବ୍ୟାଙ୍କ ସହିତ ଲିଙ୍କ ହେବା ନିହାତି ଜରୁରୀ । ଯଦି ଆପଣ Paytmରେ ରିଚାର୍ଜ କରିବାକୁ ଯାଉଛନ୍ତି ସର୍ବ ପ୍ରଥମେ ଆପଣଙ୍କୁ ବ୍ୟାଙ୍କ ସହ ଜଡିତ ପ୍ରଶ୍ନ ପଚରାଯିବ । ଆଉ ବ୍ୟାଙ୍କ ସହ ଜଡିତ ପ୍ରଶ୍ନର ଉତ୍ତର ଠିକ ଠିକରେ ଦେବାକୁ ପଡିବ । ଏଠି ଯଦି ଆପଣ ଭୁଲ ତଥ୍ୟ ଦିଅନ୍ତି ତେବେ ଆପଣଙ୍କ ଆକାଉଣ୍ଟରୁ ଟଙ୍କା ଖାଲି ହୋଇଯିବ । ତେଣୁ ଚେଷ୍ଟା କରନ୍ତୁ ଯେମିତି ଟୋଲ ପ୍ଲାଜା ପୂର୍ବରୁ ଆପଣଙ୍କ ଆକାଉଣ୍ଟ ରିଚାର୍ଜ ହୋଇଯିବ ।
କହିରଖିବା ଉଚିତ ହେବକି ଯଦି ଆପଣଙ୍କ ପାଖରେ Fastag ନାହିଁ ତେବେ ତୁରନ୍ତ ଷ୍ଟିକରକୁ ଆପଣଙ୍କ କାରରେ ଲଗାଇ ଦିଅନ୍ତୁ । ନଚେତ ଆପଣଙ୍କୁ ଅଧିକ ଟଙ୍କା ଭରିବାକୁ ପଡିବ ।
