ଜୁଲାଇ ୨୭ ତାରିଖରୁ ଦେଶରେ ବଦଳିଯିବ ଜିନିଷ କିଣା ବିକାର ନିୟମ, ଜାଣନ୍ତୁ କଣ ଆସିଛି ପରିବର୍ତ୍ତନ

ଗତ ଜୁଲାଇ ୨୦ ତାରିଖରୁ ଦେଶର ସମସ୍ତ ଅଞ୍ଚଳରେ ନୂଆ ଉପଭୋକ୍ତା ଅଧିନିୟମ, ୨୦୧୯ ଲାଗୁ କରାଯାଇଛି । ଦେଶର ସମସ୍ତ ଇ- କମର୍ସ କମ୍ପାନୀ ଗୁଡିକ ମଧ୍ୟ ଏହି ନୂଆ ଆଇନ ଅଧୀନରେ ଆସୁଛନ୍ତି । ଦେଶର ବିଭିନ୍ନ ଇ-କମର୍ସ ସାଇଟ ଗୁଡିକ ପାଇଁ ଏହି ନୂଆ ନିୟମ ଆସନ୍ତା ୨୭ ତାରିଖ ଠାରୁ ଲାଗୁ ହେବାକୁ ଯାଉଛି । କେନ୍ଦ୍ର ସରକାର ଏନେଇ ନୋଟିଫିକେସନ ବି ଜାରି କରିଦେଇଛନ୍ତି । ଜାରି ହେବାକୁ ଯାଉଥିବା ଏହି ନୂଆ ନିୟମ କଂଜୟୁମର ପ୍ରୋଟେକ୍ସନ ଆକ୍ଟ ୨୦୧୯ ଅଧୀନରେ ହିଁ ଲାଗୁ ହେବ । ସୂଚନା ଦେବା ଯୋଗ୍ୟକି, ଏହି ନୂଆ ଆଇନ ଜୁଲାଇ ୨୦ ତାରିଖ ଠାରୁ ଜାରି ହେବା ନେଇ ପୂର୍ବରୁ ଧାର୍ଯ୍ୟ ହୋଇଥିବା ବେଳେ କିନ୍ତୁ କୌଣସି କାରଣ ପାଇଁ ଏହା ହୋଇ ପାରିନଥିଲା । ଏହି ନୂଆ କାନୁନରେ ଉପଭୋକ୍ତା ମାନଙ୍କୁ ଆଗ ଅପେକ୍ଷା ଅଧିକ ସୁବିଧା ସମେତ ଅଧିକାର ବି ମିଳିବ । ଖାଲି ସେତିକି ନୁହେଁ, ଏଣିକି ଇ-କମର୍ସ କମ୍ପାନୀ ଗୁଡିକ ନିଜ ଜିନିଷ ପତ୍ରର କିଣା ବିକା ତରିକା ବି ବଦଳାଇବେ । ତେବେ ଆସନ୍ତୁ ନୂଆ ନିୟମ ଅଧୀନରେ ଆସୁଥିବା ଗାଇଡ଼ଲାଇନ ସମ୍ବନ୍ଧରେ ଜାଣିରଖିବା ।

– ଅନଲାଇନ ଜରିଆରେ କିଣା ବିକା କରୁଥିବା ସମୟରେ ଯଦି ଧୋକାର ଶିକାର ହୁଅନ୍ତି ତେବେ ଏଥିପାଇଁ କମ୍ପାନୀ କତ୍ତୃପକ୍ଷ ହିଁ ଦାୟୀ ରହିବେ । ଏହି ନୂଆ ନିୟମରେ ଗ୍ରାହକଙ୍କ ଉପଭୋକ୍ତାଙ୍କ ଅଧିକାର ମାନଙ୍କୁ ବଢ଼ାଯାଇଛି ।

– କମ୍ପାନୀ ବିକ୍ରି କରୁଥିବା ଜିନିଷଟି କେଉଁ ଦେଶରେ ପ୍ରସ୍ତୁତ ହୋଇଛି ସେ ନେଇ ସୂଚନା ଦେବାକୁ ବାଧ୍ୟତାମୂଳକ କରାଯାଇଛି ।

-ଏହି ଉପଭୋକ୍ତା କାନୁନରେ କମ୍ପାନୀ ମାନଙ୍କ ପାଇଁ ଗ୍ରାହକଙ୍କ ସ୍ୱାର୍ଥ ପ୍ରତି ଧ୍ୟାନ ରଖିବାକୁ ମଧ୍ୟ ବାଧ୍ୟତାମୂଳକ କରାଯାଇଛି ।

– ଖାଲି ସେତିକି ନୁହେଁ ନୂଆ ନିୟମ ଅନୁଯାୟୀ କୌଣସି ପ୍ରକାର ଧୋକାଧାରୀ ପାଇଁ ଜୋରିମାନା ସହ ଦଣ୍ଡ ମଧ୍ୟ ଧାର୍ଯ୍ୟ କରାଯିବ ।

-ଯଦି କୌଣସି ଗ୍ରାହକ ବୁକ କରିବା ପରେ ଅର୍ଡର କ୍ୟାନ୍ସଲ କରନ୍ତି ତେବେ କମ୍ପାନୀ ଏନେଇ କତ୍ତୃପକ୍ଷ କୌଣସି ଚାର୍ଜ ଲଗେଇ ପାରିବେ ନାହିଁ ।
-ଏହାବାଦ କୌଣସି ତ୍ରୁଟି ପୁର୍ଣ ଜିନିଷ ବିକ୍ରି ପାଇଁ କମ୍ପାନୀ ପକ୍ଷ ଦାୟୀ ରହିବା ସହ ଦଣ୍ଡ ଭୋଗିବେ । ରିଫଣ୍ଡ, ଏକ୍ସଚେଞ୍ଜ, ଗ୍ୟାରେଣ୍ଟି – ୱାରେଣ୍ଟି ବାବଦରେ ତଥ୍ୟ ଦେବାକୁ ବାଧ୍ୟତାମୂଳକ କରାଯାଇଛି ।