ଏବେ ଆଉ ଫୋନ କିଣିବା ପାଇଁ ଆପଣଙ୍କୁ କୌଣସି ଇ-କମର୍ସ ସାଇଟ ଉପରେ ନିର୍ଭର କରିବାକୁ ପଡ଼ିବ ନାହିଁ। ଚୀନୀ ମୋବାଇଲ କମ୍ପାନୀ Oppo ପ୍ରଥମ ଥର ପାଇଁ Whatsapp ଓ SMS ମାଧ୍ୟମରେ ଫୋନ କିଣିବା ସୁବିଧା ଉପଲବ୍ଧ କରାଉଛି। ଏନେଇ ଗୁରୁବାର ଦିନ କମ୍ପାନୀ ତରଫରୁ ଘୋଷଣା କରାଯାଇଛି।
Oppo ତରଫରୁ ଉପଭୋକ୍ତାଙ୍କ ପାଇଁ ସୁରକ୍ଷିତ ସେବା ଆରମ୍ଭ ହୋଇଛି। ଏଥିରେ ହ୍ଵାଟ୍ସଆପ ଓ ଏସଏମଏସ ମାଧ୍ୟମରେ ଅର୍ଡର ଦେବା, ହୋମ ଡେଲିଭରି ଓ ବିକ୍ରି ପରର ସେବା ସାମିଲ ରହିଛି। କମ୍ପାନୀ ସୂଚନା ଦେଇ କହିଛି ଯେ ବର୍ତ୍ତମାନର ସ୍ଥିତି ସୁଧୁରିବା ପରେ ବ୍ୟବସାୟ ପୁଣିଥରେ ପୂର୍ବ ଭଳି ଚାଲିବ। ଉତ୍ପାଦନ ମଧ୍ୟ ବୃଦ୍ଧି କରାଯିବ।
ଚୀନର ଦୁଇଟି ମୋବାଇଲ କମ୍ପାନୀର ନୋଏଡ଼ାସ୍ଥିତ ଫ୍ୟାକ୍ଟ୍ରିକୁ ପୁନର୍ବାର ଖୋଲିବା ପାଇଁ ଅନୁମତି ମିଳିଛି। Oppo ଓ Vivoକୁ ସ୍ଥାନୀୟ ପ୍ରଶାସନ ଖୋଲିବାକୁ ଅନୁମତି ଦେଇଥିବା ଜଣାଯାଇଛି। ମେ ୮ରୁ ଏହି ଦୁଇ କମ୍ପାନୀ ମୋବାଇଲ ଉତ୍ପାଦନ ଆରମ୍ଭ କରିବେ।
ସ୍ମାର୍ଟଫୋନ ବ୍ରାଣ୍ଡ Oppo ସୂଚନା ଦେଇ କହିଛି ଯେ ସେ ୧୦ ହଜାର ଶ୍ରମିକଙ୍କ ମଧ୍ୟରୁ ୩୦ ପ୍ରତିଶତ ଶ୍ରମିକ ଅର୍ଥାତ ୩୦୦୦ କର୍ମଚାରୀଙ୍କୁ ନେଇ କାମ ଆରମ୍ଭ କରିବ। ଆମାଜନ ଓ ଫ୍ଲିପକାର୍ଟ ମାଧ୍ୟମରେ କମ୍ପାନୀ ଫୋନ ବିକ୍ରି ଆରମ୍ଭ କରିବ ବୋଲି ଜଣାଯାଇଛି।