ଫେଷ୍ଟିଭ ସିଜିନରେ ନୂଆ ଗାଡ଼ି କିଣିବାକୁ ପ୍ଲାନ କରୁଛନ୍ତି କି? ଫଲୋ କରନ୍ତୁ ଏହିସବୁ ଟିପ୍ସ
ଫେଷ୍ଟିଭ ସିଜିନରେ ଭାରତରେ ବହୁ ସଂଖ୍ୟକ ଗାଡି ବିକ୍ରି ହୁଏ । ଯଦି ଆପଣ ମଧ୍ୟ ଏହି ସମୟରେ ଏକ ନୂତନ କାର କିଣିବାକୁ ପ୍ଲାନ କରୁଛନ୍ତି, ତେବେ କିଛି ଜିନିଷକୁ ଧ୍ୟାନରେ ରଖିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ତେବେ ଏକ ନୂତନ କାର କିଣିବା ପୂର୍ବରୁ କେଉଁ ଜିନିଷଗୁଡିକ ଧ୍ୟାନରେ ରଖିବା ଉଚିତ୍ ଆସନ୍ତୁ ଜାଣିବା ।
ବଜେଟ୍ ଉପରେ ନଜର ରଖନ୍ତୁ:
ଯେତେବେଳେ ଆପଣ ଏକ ନୂଆ କାର କିଣିବାକୁ ଚିନ୍ତା କରୁଛନ୍ତି, ଆପଣ ସର୍ବଦା ଆପଣଙ୍କର ବଜେଟ୍ ଧ୍ୟାନରେ ରଖିବା ଉଚିତ୍ । ଅନେକ ଦମଦାର ଫିଚର୍ସ ବିଶିଷ୍ଟ କାରଗୁଡିକ ବଜାରରେ ଦିଆଯାଉଛି । ଏହି ଫେଷ୍ଟିଭ ସିଜିନରେ ଏଗୁଡିକ ଉପରେ ଅନେକ ଅଫର ମଧ୍ୟ ଦିଆଯାଏ, ଯେଉଁଥିପାଇଁ ଲୋକମାନେ ବଜେଟ ଉପରେ ଧ୍ୟାନ ଦିଅନ୍ତି ନାହିଁ ଏବଂ ଦାମୀ କାର କିଣିଦିଅନ୍ତି, ଯାହା ପରେ ସମସ୍ୟା ସୃଷ୍ଟି କରିଥାଏ ।
ଆବଶ୍ୟକତା ବୁଝନ୍ତୁ:
ଯଦି ଆପଣ ଫେଷ୍ଟିଭ ସିଜିନରେ ଏକ ନୂଆ କାର କିଣିବାକୁ ଯାଉଛନ୍ତି, ତେବେ ବଜେଟ୍ ପ୍ରସ୍ତୁତ କରିବା ସହିତ ଆପଣ ନିଜର ଆବଶ୍ୟକତା ମଧ୍ୟ ବୁଝିବା ଉଚିତ୍ । ଅନେକ ଲୋକ ମାସକୁ ବହୁତ କିଲୋମିଟର ଚଲାନ୍ତି, ଅନ୍ୟମାନେ କମ୍ ଫିଚର୍ସ ଆବଶ୍ୟକ କରନ୍ତି । ତେଣୁ, କୌଣସି ଗାଡି ଚଏସ୍ କରିବା ପୂର୍ବରୁ, ସବୁବେଳେ ମନେରଖନ୍ତୁ ଯେ ଆପଣ କିଣିବାକୁ ପ୍ଲାନ କରୁଥିବା ଗାଡି ଆପଣଙ୍କ ଏବଂ ଆପଣଙ୍କ ପରିବାରର ଆବଶ୍ୟକତା ପୂରଣ କରୁଛି କି ନାହିଁ ।
ଏକରୁ ଅଧିକ ଡିଲରଙ୍କଠାରୁ ସୂଚନା ନିଅନ୍ତୁ:
ଅନେକ ଲୋକ ସବୁବେଳେ ଏକ ସମାନ ଡିଲରସିପ୍ କୁ ଯାଇ କାର୍ ବୁକ୍ କରନ୍ତି । ଯେତେବେଳେ ଏପରି କରିବା ବେଳେବେଳେ କ୍ଷତି ହୋଇପାରେ । ତେଣୁ, ଏକରୁ ଅଧିକ ଡିଲରଙ୍କ ଠାରୁ ଗାଡି ବିଷୟରେ ସୂଚନା ପାଇବାକୁ ଚେଷ୍ଟା କରନ୍ତୁ । ଯାହା ଆପଣଙ୍କୁ ଏକ ଭଲ ଡିଲ୍ ଦେବାର ସମ୍ଭାବନା ବଢ଼ାଇଥାଏ । ଏଭଳି କରିବା ଦ୍ୱାରା ବେଳେବେଳେ ଅଧିକ ଡ଼ିସକାଉଣ୍ଟ ମଧ୍ୟ ଉପଲବ୍ଧ ହୁଏ ଏବଂ ଗାଡିଟି କମ୍ ସମୟ ମଧ୍ୟରେ ଘରକୁ ଆଣିପାରିବେ ।
ଔପଚାରିକତାର ଯତ୍ନ ନିଅନ୍ତୁ:
ଥରେ ଗାଡି ଚଏସ୍ ହୋଇଗଲେ ଏହାର ଡେଲିଭରି ପୂର୍ବରୁ ଅନେକ ଔପଚାରିକତା ପୂରଣ କରିବାକୁ ପଡିବ । କିଛି ଲୋକ ଡେଲିଭରି ନେବା ସମୟରେ ହିଁ ଏହି ଔପଚାରିକତା ସମାପ୍ତ କରିବାକୁ ଚେଷ୍ଟା କରନ୍ତି, ଯାହାକି ବହୁତ ସମୟ ନେଇଥାଏ । ତେଣୁ, ଗାଡ଼ି ଡେଲିଭରି ନେବା ପୂର୍ବରୁ ସମସ୍ତ କାଗଜ ପତ୍ର କାମ ଶେଷ କରିବାକୁ ଚେଷ୍ଟା କରନ୍ତୁ । ଏହା କରିବା ଦ୍ୱାରା, ଡେଲିଭରି ସମୟରେ କେବଳ ଯାଇ ଗାଡି ଆଣିପାରିବେ, ଯାହା ସମୟ ମଧ୍ୟ ସଞ୍ଚୟ କରେ ।
