ନୂଆଦିଲ୍ଲୀ : ରାତିରେ ଟ୍ରେନରେ ଯାତ୍ରା କରିବା ସମୟରେ ଯାତ୍ରୀମାନଙ୍କ ପାଇଁ ପ୍ରାୟତଃ କଷ୍ଟସାଧ୍ୟ ହୋଇଥାଏ। ଯେତେବେଳେ କୋଚରେ କେହି ଜଣେ ମୋବାଇଲରେ ଉଚ୍ଚ ସ୍ୱର ବଜାନ୍ତି, ଫୋନରେ ବଡ଼ ପାଟିରେ କଥାବାର୍ତ୍ତା କରନ୍ତି କିମ୍ବା ରାତି ୧୦ଟା ପରେ ମଧ୍ୟ ଲାଇଟ୍ ଅନ ରଖନ୍ତି। ତେବେ ବର୍ତ୍ତମାନ ରେଳ ଯାତ୍ରୀଙ୍କୁ ଏଭଳି ସମସ୍ୟାର ସମ୍ମୁଖୀନ ହେବାକୁ ପଡିବ ନାହିଁ। ରାତିରେ ଟ୍ରେନ୍ ଯାତ୍ରାକୁ ଅଧିକ ଆରାମଦାୟକ ଏବଂ ଉପଭୋଗ କରିବା ପାଇଁ ରେଳବାଇ ବୋର୍ଡ ସମସ୍ତ ଜୋନାଲ ରେଳବାଇକୁ ନିର୍ଦ୍ଦେଶ ଦେଇଛି।
ସୂଚନା ଅନୁଯାୟୀ, ରେଳବାଇରେ ପୂର୍ବରୁ ଏଭଳି ଅନେକ ଅଭିଯୋଗ ଆସୁଥିଲା କିନ୍ତୁ ଏ ସମ୍ପର୍କରେ କୌଣସି ନିୟମ ନଥିଲା। ବର୍ତ୍ତମାନ ଯାତ୍ରୀମାନଙ୍କ ସୁବିଧା ପାଇଁ ରେଳବାଇ ଏକ ବଡ ନିଷ୍ପତ୍ତି ନେଇଛି। ଏଭଳି ଅଭିଯୋଗ ଆସିବା ପରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ରେଳବାଇ ନିଷ୍ପତ୍ତି ନେଇଛି। ହେଲେ ଏବେଠାରୁ ରେଳବୋର୍ଡ ପକ୍ଷରୁ ଯାତ୍ରୀଙ୍କ ସୁବିଧା ଉପରେ ଦୃଷ୍ଟି ଦିଆଯାଇଛି । ନୁତନ ଗାଇଡଲାଇନ୍ ଜାରି କରାଯାଇ ତାକୁ କଡ଼ା କଡ଼ି ଭାବରେ ପାଳନ କରିବାକୁ କୁହାଯାଇଛି । ନଚେତ୍ ନିୟମ ଭାଙ୍ଗୁଥିବା ଲୋକଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛି ରେଳବାଇ ।
ମାନିବାକୁ ହେବ ଏହିସବୁ ନିୟମ:
କୌଣସି ଯାତ୍ରୀ ଫୋନରେ କଥାବାର୍ତ୍ତା କରିବେ ନାହିଁ କିମ୍ବା ଉଚ୍ଚ ସ୍ୱରରେ ଗୀତ ଶୁଣିବେ ନାହିଁ, ଯାହାଫଳରେ ପାଖରେ ବସିଥିବା ଯାତ୍ରୀମାନେ ବିରକ୍ତ ହେବେ ।
ନାଇଟ୍ ଲ୍ୟାମ୍ପ ବ୍ୟତୀତ ସମସ୍ତ ଲାଇଟ୍ ରାତିରେ ବନ୍ଦ କରିବାକୁ ପଡିବ।
ଗ୍ରୁପରେ ଯାଉଥିବା ଯାତ୍ରୀମାନେ ବିଳମ୍ବିତ ରାତି ପର୍ଯ୍ୟନ୍ତ ଟ୍ରେନରେ କଥାବାର୍ତ୍ତା କରିବାକୁ ସମର୍ଥ ହେବେ ନାହିଁ । ସହ-ଯାତ୍ରୀଙ୍କ ଅଭିଯୋଗ କରନ୍ତି ତାହାଲେ ପଦକ୍ଷେପ ନିଆଯିବ ।
ଟିଟିଇ, ଆରପିଏଫ୍ କର୍ମଚାରୀ, ଇଲେକ୍ଟ୍ରିକାଲ୍, କ୍ୟାଟରିଂ ଷ୍ଟାଫ୍ ଏବଂ ରକ୍ଷଣାବେକ୍ଷଣ କର୍ମଚାରୀଙ୍କ ପରି କର୍ମଚାରୀମାନେ ରାତିରେ ଶାନ୍ତିପୂର୍ଣ୍ଣ ଭାବରେ କାର୍ୟ୍ୟ କରିବେ ଯାହା ଦ୍ୱାରା ଲୋକମାନେ ବିଚଳିତ ନ ହୁଅନ୍ତି।
ରେଳ କର୍ମଚାରୀମାନେ ୬୦ ବର୍ଷରୁ ଅଧିକ ବୟସ୍କ, ଭିନ୍ନକ୍ଷମ ଏବଂ ଅବିବାହିତା ମହିଳାଙ୍କୁ ଆବଶ୍ୟକ ପଡ଼ିଲେ ତୁରନ୍ତ ସହାୟତା ପ୍ରଦାନ କରିବେ ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…