ଗ୍ରାହକଙ୍କୁ ନିଜ ଆଡକୁ ଆକର୍ଷିତ କରିବା ପାଇଁ ବିଭିନ୍ନ ଟେଲିକମ୍ କମ୍ପାନୀ ନୂଆ ନୂଆ ପ୍ଲାନ ଲଞ୍ଚ କରୁଛନ୍ତି। କିଏ ୧୦୦ ଟଙ୍କାରୁ କମ ମୂଲ୍ୟରେ ପ୍ଲାନ ଘୋଷଣା କରୁଛି ତ ଆଉ କିଏ ୫୦ ଟଙ୍କାରୁ କମରେ। ତେବେ ଆପଣ ବି ଯଦି ଶସ୍ତା ପ୍ଲାନ ବିଷୟରେ ଜାଣିବାକୁ ଚାହୁଁଛନ୍ତି ତେବେ ଆଜି ଆମେ ଆପଣଙ୍କୁ ଜିଓ, ଭୋଡାଫୋନ-ଆଇଡିଆ ଓ ଏୟାରଟେଲର ସବୁଠୁ ଶସ୍ତା ପ୍ଲାନ ବିଷୟରେ କହିବୁ, ଯାହା ସାହାଯ୍ୟରେ ଆପଣ କମ ଦାମରେ ଅଧିକ ଲାଭ ପାଇପାରିବେ।
ମାତ୍ର ୨ ଟଙ୍କାରେ ୧ ଜିବି ଡାଟା ଦେଉଛନ୍ତି Voda-Idea
ଭୋଡାଫୋନ-ଆଇଡିଆ ମାତ୍ର ୨ ଟଙ୍କାରେ ଗ୍ରାହକଙ୍କୁ ୧ ଜିବି ଡାଟା ଯୋଗାଇଦେଉଛି। ଏହା ଭୋଡାର ଡବଲ ଡାଟା ପ୍ଲାନ ଅଫର। ଭୋଡାର ୪୪୯ ଟଙ୍କିଆ ପ୍ଲାନରେ ଆପଣଙ୍କୁ ପ୍ରତିଦିନ ୪ ଜିବି ଡାଟା ୫୬ ଦିନର ବୈଧତା ସହ ମିଳିବ। ଏହି ହିସାବରେ ମୋଟ ୨୨୪ ଜିବି ମିଳିବ। ଅର୍ଥାତ ୧ ଜିବି ପାଇଁ ମାତ୍ର ୨ ଟଙ୍କା ଦେବାକୁ ପଡ଼ିବ। ଏଥିରେ ଅନଲିମିଟେଡ କଲିଂ ସହ ୧୦୦ଟି ଏସଏମଏସ ମଧ୍ୟ ମାଗଣାରେ ପଠାଇପାରିବେ।
୨.୦୮ ଟଙ୍କାରେ ୧ ଜିବି
ଭୋଡାଫୋନ ନିଜ ଆଉ ଏକ ପ୍ଲାନରେ ୨.୦୮ ଟଙ୍କାରେ ୧ ଜିବି ଡାଟା ଯୋଗାଉଛି। Vodaର ୬୯୯ ଟଙ୍କିଆ ପ୍ଲାନରେ ଗ୍ରାହକ ଦିନକୁ ୪ ଜିବି ଲେଖାଏଁ ୮୪ ଦିନ ଡାଟା ପାଇବେ। ଏଥିରେ ଅନଲିମିଟେଡ କଲିଂ ସହ ୧୦୦ SMS ମଧ୍ୟ ମିଳିବ।
Airtel: ୩.୩୨ ଟଙ୍କାରେ ୧ ଜିବି
ଏୟାରଟେଲ ମାତ୍ର ୩.୩୨ ଟଙ୍କାରେ ୧ ଜିବି ଡାଟା ଦେଉଛି। ଏୟାରଟେଲର ୫୫୮ ଟଙ୍କିଆ ପ୍ଲାନରେ ଗ୍ରାହକ ଏହି ଲାଭ ଉଠାଇପାରିବେ। ଏଥିରେ ପ୍ରତିଦିନ ୩ ଜିବି ହିସାବରେ ମୋଟ ୧୬୮ ଜିବି ଡାଟା ମିଳିବ। ଅର୍ଥାତ ୩.୩୨ ଟଙ୍କାରେ ୧ ଜିବି। ଏଥିରେ ଗ୍ରାହକଙ୍କୁ ଅନଲିମିଟେଡ କଲିଂ ସହ ୧୦୦ SMS ମଧ୍ୟ ମିଳିବ।
Jio: ୩.୫ ଟଙ୍କାରେ ୧ ଜିବି
ଜିଓର ୫୯୯ ଟଙ୍କିଆ ପ୍ଲାନରେ ୩.୫ ଟଙ୍କାରେ ଗ୍ରାହକ ୧ ଜିବି ଡାଟା ପାଇପାରିବେ। ଏହାର ବୈଧତା ୮୪ ଦିନ ରହିଛି। ଏହି ପ୍ଲାନରେ ପ୍ରତିଦିନ ୨ ଜିବି ଲେଖାଏଁ ଡାଟା ମିଳିବ। ଏହି ହିସାବରେ ମୋଟ ୧୬୮ ଜିବି ଡାଟା ପାଇବେ ୟୁଜର। ଏଥିରେ ଜିଓ ଟୁ ଜିଓ ଫ୍ରି ଓ ଅନ୍ୟ ନେଟୱାର୍କକୁ ୩୦୦୦ ମିନିଟ ମିଳିବ। ଏଥିରେ ପ୍ରତିଦିନ ୧୦୦ ଟି SMS ମଧ୍ୟ ମିଳିବ।