Eicher Motors ଏହାର ସବୁଠାରୁ ଅଧିକ ସେଲ୍ ହେଉଥିବା ମୋଟରସାଇକେଲ୍ ନୂଆ ଭାରିଆଣ୍ଟ Classic 350 ଏକ ବଢ଼ିଆ ଲୁକ୍ ସହ ମାର୍କେଟରେ ଲଞ୍ଚ କରିଛି । କମ୍ପାନୀ ଏହି ଦମଦାର ବାଇକର ପ୍ରାରମ୍ଭିକ ମୂଲ୍ୟ ୧,୯୯,୫୦୦ ଟଙ୍କା ରଖିଛି । ଆଜି ଠାରୁ ଅର୍ଥାତ ୧ ସେପ୍ଟେମ୍ବରରୁ ଏହି ବାଇକର ବୁକିଂ ଏବଂ ଟେଷ୍ଟ ରାଇଡ୍ ଆରମ୍ଭ ହୋଇଛି ।
ଏହି ବାଇକ୍ ପାଞ୍ଚଟି ଭାରିଆଣ୍ଟରେ ଲଞ୍ଚ କରାଯାଇଛି: ହେରିଟେଜ୍, ହେରିଟେଜ୍ ପ୍ରିମିୟମ୍, ସିଗ୍ନାଲ୍, ଡାର୍କ ଏବଂ କ୍ରୋମ୍ । ନୂଆ ଭାରିଆଣ୍ଟ ଏବଂ କଲର୍ ବ୍ୟତୀତ, 2024 Royal Enfield Classic 350 ଅନେକ ନୂଆ ଫିଚର ମଧ୍ୟ ପାଇଛି । ରୟାଲ୍ ଏନଫିଲ୍ଡ ଅଗଷ୍ଟ ୧୨ ରେ କ୍ଲାସିକ୍ 350 ଅପଡେଟ୍ ଉନ୍ମୋଚନ କରିଥିଲା, କିନ୍ତୁ ଏପର୍ଯ୍ୟନ୍ତ ମୂଲ୍ୟ ପ୍ରକାଶ କରିନଥିଲା ।
Royal Enfield Classic 350 ଦାମ୍:
2024 Classic 350ର ଦାମ୍ ୧,୯୯,୫୦୦ ରୁ ଆରମ୍ଭ ହୋଇଛି । ଯାହା ଏଣ୍ଟ୍ରି ଲେଭଲ୍ ହେରିଟେଜ୍ ଭରିଆଣ୍ଟର ପୂର୍ବ ମଡେଲର ରେଡ୍ଡିଚ୍ ରେଡ୍ ଏବଂ ରେଡ୍ଡିଚ୍ ଗ୍ରେ ଭର୍ସନ୍ ଅପେକ୍ଷା ୬୪୨୦ ଟଙ୍କା ଅଧିକ ଦାମୀ ଅଟେ । ନୂଆ କ୍ଲାସିକ୍ 350 ବିଭିନ୍ନ ରଙ୍ଗ ଅପ୍ସନରେ ଆସେ: ହେରିଟେଜ୍ ମାଡ୍ରାସ୍ ରେଡ୍ ଏବଂ ଯୋଧପୁର ବ୍ଲୁ, ହେରିଟେଜ୍ ପ୍ରିମିୟମ୍ ମେଡାଲିଅନ୍ ବ୍ରୋଞ୍ଜ, ସିଗନାଲ୍ କମାଣ୍ଡୋ ସାଣ୍ଡରେ ଉପଲବ୍ଧ, ଡାର୍କ ଦୁଇଟି ଅପ୍ସନ ପ୍ରଦାନ କରେ – ଗନ୍ ଗ୍ରେ ଏବଂ ଷ୍ଟିଲ୍ ବ୍ଲାକ୍ – ଏବଂ ଟପ୍ ଅଫ୍ ଲାଇନ୍ କ୍ରୋମ୍ ଏମେରାଲ୍ଡ ଗ୍ରୀନ୍ କଲରରେ ଉପଲବ୍ଧ ।
Royal Enfield Classic 350 ସ୍ପେସିଫିକେସନ୍ସ:
ରୟାଲ୍ ଏନଫିଲ୍ଡ 350 ରେ ଏକ ଏଲଇଡି ହେଡଲାଇଟ୍, ଏଲଇଡି ପାଇଲଟ୍ ଲ୍ୟାମ୍ପ ଏବଂ ଆନାଲଗ୍ ସ୍ପିଡୋମିଟର ତଳେ ଥିବା LCD ଉପରେ ଏକ ଗିଅର ପୋଜିସନ୍ ଇଣ୍ଡିକେଟର୍ ଏବଂ ଅପଗ୍ରେଡ୍ ଟାଇପ୍-ସି ଚାର୍ଜିଂ ପୋର୍ଟ ରହିଛି । ପ୍ରିମିୟମ୍ ଡାର୍କ ଏବଂ ଏମରାଲ୍ଡ (କ୍ରୋମ୍) ଭରିଆଣ୍ଟଗୁଡ଼ିକ ଅନେକ ଏକ୍ସଟ୍ରା ସୁବିଧା ପ୍ରଦାନ କରେ ଯେପରିକି ଟ୍ରିପର୍ ନେଭିଗେସନ୍ ପୋଡ୍, ଆଡଜଷ୍ଟେବଲ୍ କ୍ଲଚ୍ ଏବଂ ବ୍ରେକ୍ ଲିଭର ଏବଂ ଏଲଇଡି ଇଣ୍ଡିକେଟର୍ ।
କ୍ଲାସିକ୍ 350 ଏକ ୩୪୯ cc J ସିରିଜ୍ ଏୟାର-ଅଏଲ୍ କୁଲ୍ଡ ସିଙ୍ଗଲ୍ ସିଲିଣ୍ଡର ଇଞ୍ଜିନ୍ ଦ୍ୱାରା ଚାଳିତ ଯାହା ୬୧୦୦ rpm ରେ ୨୦. ୨ bhp ଏବଂ ୪୦୦ rpm ରେ ୨୭ Nm ଆଉଟପୁଟ୍ ଦେଇଥାଏ । ଏଥିରେ 5-ସ୍ପିଡ୍ ଗିଅରବକ୍ସ ଅଛି । ସିଟର ଉଚ୍ଚତା ୮୦୫ mm, ଗ୍ରାଉଣ୍ଡ କ୍ଲିୟରାନ୍ସ ୧୭୦ mm ଏବଂ ୧୩ ଲିଟର ଫୁଏଲ୍ ଟ୍ୟାଙ୍କ ଅଛି । ଏହି କ୍ଲାସିକ୍ 350 ବାଇକ୍ ଜାୱା 350 ଏବଂ ହୋଣ୍ଡା CB350 ସହିତ ପ୍ରତିଦ୍ୱନ୍ଦ୍ୱିତା କରିବ ।
