ପୁରୁଣା ମୋଟରସାଇକେଲକୁ ମନେ ପକାଇବ ରୟାଲ ଏନଫିଲ୍ଡର ରିକଲ୍ ନୋଟିସ, ଜାଣନ୍ତୁ କଣ
ରିକଲ୍ ନୋଟିସ୍ ଜାରି କଲା ରୟାଲ ଏନଫିଲ୍ଡ
ରିଫଲେକ୍ଟର ସହିତ ଯୋଡି ହୋଇଥିବା ସେଫଟି ସମସ୍ୟା ହେତୁ ରୟାଲ ଏନଫିଲ୍ଡ ସମସ୍ତ ପ୍ରଡକ୍ଟ ପୋର୍ଟଫୋଲିଓ ପାଇଁ ଏକ ରିକଲ୍ ନୋଟିସ୍ ଜାରି କରିଛି । ଏହି ରିକଲ୍ ନୋଟିସ୍ ନଭେମ୍ବର ୨୦୨୨ ଏବଂ ମାର୍ଚ୍ଚ ୨୦୨୩ ମଧ୍ୟରେ ମାନ୍ୟୁଫାକ୍ଚର ହୋଇଥିବା ମଡେଲଗୁଡିକ ଉପରେ ପ୍ରଭାବ ପକାଇବ।
କମ୍ପାନୀ କହିଛି ଯେ ରିୟର ଏବଂ ସାଇଡ୍ରେ ଲଗାଯାଇଥିବା ରିଫଲେକ୍ଟର କିମ୍ବା ରିଫ୍ଲେକ୍ଟିଭ୍ ପରଫରମାନ୍ସର ଆବଶ୍ୟକତାକୁ ପୂରା କରିପାରେନାହିଁ । ରିକଲ୍ ନୋଟିସ ଦ୍ୱାରା ପ୍ରଭାବିତ ହୋଇଥିବା ମୋଟରସାଇକେଲର ସଠିକ୍ ସଂଖ୍ୟା ବିଷୟରେ କୌଣସି ସୂଚନା ନାହିଁ, କାରଣ କମ୍ପାନୀ ଏହି ସମ୍ବନ୍ଧରେ କିଛି ଜଣାଇନାହିଁ ।
ବର୍ତ୍ତମାନ କମ୍ପାନୀର ପୋର୍ଟଫୋଲିଓ ପାଇଁ ୧୧ଟି ମୋଟରସାଇକେଲ୍ ଅଛି ଏବଂ ଲାଗୁଛି ଯେ ଏହି ସମସ୍ତ ବାଇକ୍ ଏହି ରିକଲ୍ ନୋଟିସର ଏକ ଅଂଶ । କମ୍ପାନୀ ନିଶ୍ଚିତ କରିଛି ଯେ, ଏହି ସମସ୍ୟା ବହୁତ କମ୍ ସଂଖ୍ୟକ ବାଇକ୍ରେ ଦିଆଯାଇଛି ।
କମ୍ପାନୀ ଗ୍ରାହକକୁ ଜଣାଇବ କେଉଁ ବାଇକ୍ ଏହି ରିକଲ୍ ନୋଟିସ ଦ୍ୱାରା ପ୍ରଭାବିତ ହେବ । ଗ୍ରାହକଙ୍କୁ ପର୍ଯ୍ୟାକ୍ରମେ ରିକଲ୍ ନୋଟିସ ବିଷୟରେ ଯୋଗାଯୋଗ କରାଯିବ । ପ୍ରଭାବିତ ମୋଟରସାଇକେଲ୍ ମାଲିକମାନେ ସେମାନଙ୍କ ବାଇକ୍ ରିପାରିଂ ପାଇଁ ନିକଟସ୍ଥ ସର୍ଭିସ ସେଣ୍ଟର ପାଖକୁ ଯାଇପାରିବେ । କମ୍ପାନୀ ସାଇଡ୍ ଏବଂ ରିୟର ରିଫ୍ଲେକ୍ଟରକୁ ମାଗଣାରେ ବଦଳାଇପାରିବେ ।
ପ୍ରାୟ ୧୫ ମିନିଟ୍ ରେ ଏସବୁ କରାଯିବ ବୋଲି ରୟାଲ ଏନଫିଲ୍ଡ ଦାବି କରିଛି । ଭାରତ, ବ୍ରାଜିଲ, ଲାଟିନ୍, ଆମେରିକା, ୟୁରୋପ୍, ୟୁକେ ଏବଂ ଦକ୍ଷିଣ କୋରିଆ, କାନାଡା ଏବଂ ଆମେରିକା ସମେତ ଅନେକ ଦେଶରେ ଏହି ରିକଲ୍ ନୋଟିସ ଜାରି କରାଯାଇଛି ।
