ଅନେକ ପ୍ରକାର ବ୍ୟାଙ୍କ ଠକାମୀର କଥା ଶୁଣିଥିବେ ଆପଣମାନେ । କେତେବେଳେ ବ୍ୟାଙ୍କରୁ ଟଂକା ଗାୟବ ହୋଇଯାଉଛି ତ କେତେବେଳେ ଏଟିଏମ ରୁ ଟଙ୍କା ଉଠାଇଲାବେଳକୁ ଆକାଉଂଟ ରେ ଟଙ୍କା ଶୂନ । କିନ୍ତୁ ଆଜିକାଲି ହ୍ୟାକରମାନେ ଏକ ନୂଆ ତରିକା ଆପଣେଇ ବ୍ୟାଙ୍କରୁ ଟଙ୍କା କରୁଛନ୍ତି ଗାୟବ । ଏଣିକି ଦୁର୍ବୃତ ମାନେ ଗ୍ରାହକମାନଙ୍କୁ କଲ କରି ନିଜର ସିମ୍ ଅପଡେଟ୍ ବାହାନାରେ ଖାଲି କରିଦେଉଛନ୍ତି ଆକାଉଂଟ୍ ରିବା ପାଇଁ କହୁଛନ୍ତି । ଯେଉଁ ଗ୍ରାହକ ଏହାକୁ ଅଣଦେଖା କରୁଛନ୍ତି ସେମାନଙ୍କୁ କଲ କରି ସିମ ଡିଆକ୍ଟିଭେଟେ କରିବାର ଭୟ ଦେଖାଉଛନ୍ତି |
ନିକଟରେ ଦିଲ୍ଲୀର ଏକ ସ୍ଥାନରେ ଏହିଭଳି ଘଟଣା ଦେଖିବାକୁ ମିଳିଛି | ଜଣେ ଯୁବକଙ୍କୁ ସିମ୍ ସ୍ବାପିଙ୍ଗ୍ ଜରଆରେ ୪ ଲକ୍ଷ ଟଙ୍କା ଚୂନା ମାରିଛନ୍ତି ଦୁର୍ବୃତ୍ତ । ସେହିପରି ଏହା ପୂର୍ବରୁ ସମାନ ଘଟଣା ଦେଖିବାକୁ ମିଳିଥିଲା ପୁଣେରେ । ଯେଉଁଠାରେ ଜଣେ ଯୁବକଙ୍କ ଆକାଉଂଟରୁ ୧ ଲକ୍ଷ ଟଙ୍କା ଗାୟବ ହୋଇଯାଇଥିଲା ।
ଯଦି ଆପଣଂକ ପାଖକୁ କିଛି ଏଭଳି କଲ ଆସୁଥାଏ ତେବେ ଏଭଳି କଲରୁ ଦୁରେଇ ରୁହନ୍ତୁ | କାହିଁକିନା ଆପଣଙ୍କ ଟିକେ ଅସାବଧନତା ଯୋଗୁଁ ଆପଣଙ୍କୁ ବହୂ ମୂଲ୍ୟ ଦେବାକୁ ପଡିବ | ଯଦି ବେଳହୁଁ ସାବଧାନ ରହିବା ତାହେଲେ ଠକାମୀ କେବେ ପାଖ ମାଡ଼ିବ ନାହିଁ |
କଣ ଏହି ସିମ୍ ସ୍ବାପ୍ :
ସିମ୍ ସ୍ବାପର ଅର୍ଥ ହେଉଛି ସିମ୍ ଏକ୍ସେଚେଞ୍ଜ । ଏହା ଦ୍ବାରା ଆପଣଙ୍କ ଫୋନ ନମ୍ବରରୁ ଗୋଟିଏ ନୂଆ ସିମର ରେଜିଷ୍ଟ୍ରେସନ୍ କରିନିଆଯାଇଥାଏ । ଏପରି କଲେ ଆପଣଙ୍କ ସିମ୍ କାର୍ଡ ତୁରନ୍ତ କାମ କରିବା ବନ୍ଦ ହୋଇଯାଏ । ଏହା ସହ ସିଗନାଲ୍ ମଧ୍ୟ ଆସିବା ମଧ୍ୟ ବନ୍ଦ ହୋଇଯାଏ । ଆଉ ଏହା ଏତେ ଶୀଘ୍ର ହୋଇଯାଏ ଯେ ଆପଣ ଜାଣିପାରିବେନି କଣ ହେଲା ଆପଣଙ୍କ ସହ । ଏହା ଭିତରେ ହ୍ଯାକର୍ ଆପଣଙ୍କ ନମ୍ବରରୁ ରେଜିଷ୍ଟର ହୋଇଥିବା ଦ୍ବିତୀୟ ସିମରେ ଆସିଥିବା ଓଟିପିକୁ ବ୍ଯବହାର କରି ଆକାଉଂଟରୁ ଟଙ୍କା ଟ୍ରାନ୍ସଫର୍ କରିନେଇଥାନ୍ତି ।
କେମିତି ହୋଇଥାଏ ସିମ୍ ସ୍ବାପିଙ୍ଗ୍ :
ସିମ୍ ସ୍ବପିଙ୍ଗର ଆରମ୍ଭ ହୋଇଥାଏ ଏକ କଲରୁ । ଯେଉଁଥିରେ କଲର ନିଜକୁ ଟେଲିକମ୍ କମ୍ପାନୀର ଏକଜିକ୍ଯୁଟିଭ୍ ବୋଲି ଦାବି କରିଥାଏ । ସିମ୍ ଅପଡେଟ୍ କରିବା ବାହାନାରେ ଅନେକ ତଥ୍ଯ ମାଗିଥାନ୍ତି । ଯେଉଁଥିରେ ଆପଣଙ୍କ ସିମର ୨୦ ଡିଜିଟର ୟୁନିକ୍ ନମ୍ବର ମାଗିଥାନ୍ତି । ୟୁନିକ୍ ନମ୍ବର ଦେବା ପରେ ବ୍ଯକ୍ତି ଜଣକ ଆପଣଙ୍କୁ ୧ ପ୍ରେସ୍ କରିବାକୁ କହିଥାଏ । ଯାହା ଦ୍ବାରା ସିମ୍ ସ୍ବାପ୍ ପ୍ରୋସେସ୍ ପୁରା ହୋଇଯାଏ ।ଏହାରି ମଧ୍ୟରେ ଖାଲି ହୋଇଯିବ ଆପଣଙ୍କ ଆକାଉଂଟ୍ ।