ହୋଣ୍ଡା କେବଳ ଯେ ସୁଲଭ ବାଇକ୍ ତିଆରି କରେ ତା ନୁହେଁ ଏହି କମ୍ପାନୀ ଏଭଳି ବାଇକ୍ ମଧ୍ୟ ବିକ୍ରି କରେ ଯାହାର ମୂଲ୍ୟ ବହୁତ ଅଧିକ । ତେବେ ଏଠାରେ ଆମେ Honda Gold Wing Tour ବିଷୟରେ କହୁଛୁ, ଯାହାର ମୂଲ୍ୟ ଟୟୋଟା ଫର୍ଚୁନରର ବେସ୍ ମଡେଲ୍ ଠାରୁ ମଧ୍ୟ ଅଧିକ । ତେବେ ଆସନ୍ତୁ ଜାଣିବା ହୋଣ୍ଡାର ଏହି ବାଇକରେ ଏଭଳି କ’ଣ ଫିଚର୍ସ ଅଛି ଯେ ଏହାର ମୂଲ୍ୟ ଫର୍ଚ୍ୟୁନର୍ ସହିତ ସମାନ ରହିଛି ।
ଗତ ବର୍ଷ ହୋଣ୍ଡା ମୋଟରସାଇକେଲ ଆଣ୍ଡ ସ୍କୁଟର ଇଣ୍ଡିଆ ଏହି ବାଇକକୁ ଭାରତରେ ଲଞ୍ଚ କରିଥିଲା । ଏହାର ଏକ୍ସ ଶୋ’ରୁମ୍ ମୂଲ୍ୟ ବିଷୟରେ କହିବାକୁ ଗଲେ ଏହାର ମୂଲ୍ୟ ୩୯ ଲକ୍ଷ ୭୦ ହଜାର ଟଙ୍କା । ହୋଣ୍ଡା ଏହି ବାଇକ୍ କୁ ସିବିୟୁ ରୁଟ୍ ମାଧ୍ୟମରେ ଭାରତରେ ଆମଦାନୀ ଏବଂ ବିକ୍ରି କରେ । ଏହି ବାଇକ୍ ବୁକ୍ କରିବା ପାଇଁ ଆପଣଙ୍କୁ ହୋଣ୍ଡାର ପ୍ରିମିୟମ୍ ବିଗୱିଙ୍ଗ୍ ଡିଲରସିପ୍ ସହିତ ଯୋଗାଯୋଗ କରିବାକୁ ପଡିବ । ତେବେ ଆସନ୍ତୁ ଏହାର ଫିଚର୍ସ ବିଷୟରେ ଜାଣିବା…
ଫିଚର୍ସ:
ଗୋଲ୍ଡ ୱିଙ୍ଗ୍ ଟୁର୍ ବାଇକରେ ଫୁଲ୍ ଏଲଇଡି ଲାଇଟିଂ ସିଷ୍ଟମ୍ ଏବଂ ୭-ଇଞ୍ଚ ଫୁଲ୍ କଲର TFT ଡିସପ୍ଲେ ଭଳି ଫିଚର୍ ଅଛି । ଏହା ଆଣ୍ଡ୍ରଏଡ୍ ଅଟୋ ଏବଂ ଆପଲ୍ କାରପ୍ଲେକୁ ସପୋର୍ଟ କରେ ଏବଂ ରାଇଣ୍ଡିଙ୍ଗ, ନାଭିଗେସନ୍ ଏବଂ ଅଡିଓ ସୂଚନା ପ୍ରଦାନ କରେ । ଏକ୍ସିଲେଣ୍ଟ ଏୟାର ପ୍ରୋଟେକ୍ସନ ପାଇଁ ଏକ ବଡ଼ ଇଲେକ୍ଟ୍ରିକ୍ ସ୍କ୍ରିନ୍, ୨ ଟି USB ଟାଇପ୍-ସି ସକେଟ୍ ସହିତ ବ୍ଲୁଟୁଥ୍ କନେକ୍ଟିଭିଟି, ଟାୟାର୍ ପ୍ରେସର ମନିଟରିଂ ସିଷ୍ଟମ୍, ଏୟାରବ୍ୟାଗ ଏବଂ ଅନ୍ୟାନ୍ୟ ଫିଚର୍ସ ପ୍ରଦାନ କରାଯାଇଛି । ଏହି ହୋଣ୍ଡା ବାଇକ୍ ର ଓଜନ ୩୯୦ କିଲୋଗ୍ରାମ, ତଥାପି ଏହି ବାଇକ୍ ଚଳାଇବା ବହୁତ ସହଜ । ଏଥିରେ ଆପଣ ୨୧. ୧ ଲିଟରର ଏକ ବଡ଼ ଫୁଏଲ ଟ୍ୟାଙ୍କ ପାଇପାରିବେ ଏବଂ ବାଇକର ସିଟ୍ ଉଚ୍ଚତା ୭୪୫mm ରହିଛି ।
ପାୱାର୍ ଟ୍ରେନ୍:
ଗୋଲ୍ଡ ୱିଙ୍ଗ୍ ଟୁର୍ ଏକ ୧୮୩୩cc, ଲିକ୍ୱିଡ୍-କୁଲ୍ଡ, ୪ ଷ୍ଟ୍ରୋକ, ୨୪ ଭଲଭ୍, ଫ୍ଲାଟ ୬-ସିଲିଣ୍ଡର ଇଞ୍ଜିନ ବ୍ୟବହାର କରେ ଯାହା ୧୨୪.୭bhp ପାୱାର ଏବଂ ୧୭୦Nm ଟର୍କ ଜେନେରେଟ କରେ । ଏହି ଇଞ୍ଜିନ୍ ୭-ସ୍ପିଡ୍ ଡୁଆଲ୍-କ୍ଲଚ୍ ଟ୍ରାନ୍ସମିସନ୍ (DCT) ସହିତ ପେୟାର ହୋଇଛି । ଏଥିରେ ଆରାମଦାୟକ କ୍ରିପ୍ ଫରୱାର୍ଡ ଏବଂ ବ୍ୟାକ୍ ଫଙ୍କସନ୍ ମଧ୍ୟ ସାମିଲ ରହିଛି । ଏହି ବାଇକରେ ଟୁର୍ ଥ୍ରୋଟଲ୍-ବାଇ-ୱାୟାର୍ (TBW) ସିଷ୍ଟମ୍ ସହ ଚାରୋଟି ରାଇଡିଂ ମୋଡ୍ ସହିତ ଆସିଥାଏ – ଟୁର୍, ସ୍ପୋର୍ଟ୍ସ, ଇକୋନୋମି ଏବଂ ରେନ୍ ।