ପୁଣି ବଢ଼ିଲା ସୁନା ଦର, ଜାଣନ୍ତୁ ଆପଣଙ୍କ ସହରରେ କେତେ ରହିଛି ଦାମ
ସୁନା ଦର ଗତ କିଛି ଦିନ ହେବ ସ୍ଥିର ରହିଛି। ଗତ କିଛି ଦିନ ପୂର୍ବରୁ ଏହାର ଦାମ୍ ଆକାଶଛୁଆଁ ରହିଥିବା ବେଳେ ଏବେ ଏହାର ଦାମରେ କିଛି କମ୍ ହୋଇଛି। ଯାହା ଗ୍ରାହକଙ୍କ ପାଇଁ ଆଶ୍ୱସ୍ତୀକର ହୋଇଛି। କିନ୍ତୁ ଦୁଇଦିନ ହେଲାଣି ଏଥିରେ ସାମାନ୍ୟ ସୁଧାର ଆସିଥିବା ଲକ୍ଷ୍ୟ କରାଯାଇଛି । ଶନିବାର ସନ୍ଧ୍ୟା ସୁଦ୍ଧା ୨୨ କ୍ୟାରେଟ ସୁନା ମୂଲ୍ୟ ୧୦ ଗ୍ରାମ ପ୍ରତି ୪୮,୩୦୦ଟଙ୍କାରେ ପହଞ୍ଚି ଥିବା ଜଣାଯାଇଛି । ସେହିପରି ୨୪ କ୍ୟାରେଟ ସୁନା ମୂଲ୍ୟ ୧୦ ଗ୍ରାମ ପ୍ରତି ୪୯,୩୦୦ ଟଙ୍କା ହୋଇଛି। ସେପଟେ ଓଡିଶା ରାଜଧାନୀ ଭୁବନେଶ୍ୱରରେ ବି ସୁନା ମୂଲ୍ୟରେ ବୃଦ୍ଧି ଘଟିଥିବା ଜଣାଯାଇଛି । ଭୁବନେଶ୍ୱରରେ ୨୪ କ୍ୟାରେଟ ସୁନାର ମୂଲ୍ୟ ୫୨, ୧୫୦ ଏବଂ ୨୨ କ୍ୟାରେଟ ସୁନା ଦାମ୍ ୪୭,୮୧୦ ଟଙ୍କା ରହିଛି।
ଦେଶର ପ୍ରମୁଖ ସହର ମାନଙ୍କରେ ସୁନା ଦରରେ ବି ବୃଦ୍ଧି ଘଟିଥିବା ଲକ୍ଷ୍ୟ କରାଯାଇଛି । ଦେଶର ଆର୍ଥିକ ରାଜଧାନୀ ମୁମ୍ବାଇରେ ୨୪ କ୍ୟାରେଟ ଓ ୨୨ କ୍ୟାରେଟ ସୁନା ମୂଲ୍ୟ ଯଥାକ୍ରମେ ୪୯,୩୧୦ଟଙ୍କା ଓ ୪୮,୩୧୦ଟଙ୍କା ଥିବା ବେଳେ ରାଜଧାନୀ ଦିଲ୍ଲୀରେ କିନ୍ତୁ ଏହି ଦର ୫୩,୦୩୦ଟଙ୍କା ଓ ୪୮,୬୧୦ଟଙ୍କା ଥିବା ଜଣାଯାଇଛି । ସେପଟେ ଚେନ୍ନାଇରେ ୫୨,୧୫୦ଟଙ୍କା ଓ ୪୭,୮୧୦ଟଙ୍କା ଥିବା ବେଳେ କୋଲକାତାରେ ଏହି ଦର ଯଥାକ୍ରମେ ୫୧, ୮୫୦ଟଙ୍କା ଓ ୪୯,୧୫୦ ଟଙ୍କା ରହିଛି ।
