ଖୁବଶୀଘ୍ର ଭାରତୀୟ ବଜାରକୁ ଆସୁଛି Toyota Aygo X, ଦେଖି ରଖନ୍ତୁ କଣ ସବୁ ରହିଛି ସ୍ପେଶାଲ ଫିଚର

ଜାପାନୀ କାର ନିର୍ମାତା କମ୍ପାନୀ ଟୟୋଟା ୨୦୦୫ ମସିହାରେ ୟୁରୋପ ବଜାରରେ ଫାଷ୍ଟ ଜେନେରେସନର Aygo କାର ଲଞ୍ଚ କରିଥିଲା । ଚଳିତ ବର୍ଷ ମାର୍ଚ୍ଚ ମାସରେ ଜାପାନୀ କମ୍ପାନୀ Aygoର ନୂଆ ଭର୍ଜନ ଭାବରେ Toyota Aygo X ଲଞ୍ଚ କରିବା ନେଇ ଘୋଷଣା କରିଥିଲା । ଆଉ ନିକଟରେ Toyota Aygo Xର ଲୁକ ସମ୍ପୂର୍ଣ୍ଣ ରୂପେ ସାମ୍ନାକୁ ଆସିଛି । Toyota Aygo Xର ଲୁକକୁ ଦେଖିଲେ ଆପଣ ଜାଣିପାରିବେ ଏହା ଏକ ସ୍ମଲ ଫ୍ୟାମିଲି କାର ପରି ହିଁ ହୋଇଛି । କିନ୍ତୁ ରିଲିଜ ହୋଇଥିବା ପୋଷ୍ଟରରେ ଏହା ଖୁବ ଏକ ମଡ଼ର୍ଣ୍ଣ କାର ଭାବେ ଦେଖାହେଉଛି । Aygo ଓ Aygo Xର ମଡେଲ ସମ୍ପର୍ଣ୍ଣ ରୂପେ ସମାନ ଧରଣର ହୋଇଥିଲେ ମଧ୍ୟ କମ୍ପାନୀ ତରଫରୁ ଏହାକୁ ଅକନଭେନ୍ସାଲ ହେଡ଼ଲାଇଟ ସହିତ ତୁଳନା କରାଯାଉଥିବା ବେଳେ ଏଥିରେ ୱେଲ ପ୍ରଟେକଟେଡ଼ ଟାୟର, ସ୍ଲୀକ ମିରରର ସୁବିଧାମାନ ରହିଛି । Toyotaର ଏହି X ମଡେଲକୁ ସେମିତି କିଛି ବିଶେଷ ଢଙ୍ଗରେ ଡିଜାଇନ କରାଯାଇ ନାହିଁ । କିନ୍ତୁ ଏହି ନୂଆ ଡିଜାଇନର କାର ବଜାରରକୁ ଆସିବା ପାଇଁ ସମ୍ପୂର୍ଣ୍ଣ ପ୍ରସ୍ତୁତ ହୋଇସାରିଥିବା ବେକେ ଖୁବଶୀଘ୍ର ଏହାକୁ ବଜାରରକୁ ଛଡ଼ାଯିବା ନେଇ ଯୋଜନା ରଖିଛି କମ୍ପାନୀ । ଏହି ମଡେଲକୁ ପୂର୍ବ ମଡେଲ ଠାରୁ ବେଶୀ କିଛି ଭିନ୍ନ ଭାବରେ ଡିଜାଇନ କରାଯାଇନାହିଁ । କିନ୍ତୁ କୌଣସି ବି ସମୟରେ କୌଣସି ବି ସ୍ଥିତିରେ ଏହାକୁ ବେଧଡକ ଭାବରେ ଚଲାଯାଇ ପାରିବ । କମ୍ପାନୀ ପକ୍ଷରୁ ମଜାଳିଆ ଭାବରେ ଏହାର ନାଁ “JUNTY” ରଖାଯାଇଛି ।

ତେବେ ଆସନ୍ତୁ ଏହାର ସ୍ପେଶାଲ ଫିଚର ଉପରେ ଥରେ ନଜର ପକାଇବା:

– ଏହି ଗାଡିର ରୁଫ ବା ଛାତକୁ ଏକ ସ୍ୱତନ୍ତ୍ର ଷ୍ଟାଇଲରେ ଡ଼ିଜାଇନ କରାଯାଇଛି । ଗାଡିର ଉଭୟ ପଟରେ ଥିବା ଦୁଇଟି ହେଡ଼ ଲାଇଟ ବିଲକୁଲ ପକ୍ଷୀର ଦୁଇଟି ଡେଣା ପରି ହୋଇଛି । ଏକ ବଡ ଆକାରର ଲୋୟର ଗ୍ରିଲ ଥିବାବେଳେ ଗୋଟେ ପିସର ଏକ ଲିଫଟ ଗେଟ ରହିଛି । ଏଥିରେ ଖଞ୍ଜା ଯାଇଥିବା ସ୍ୱତନ୍ତ୍ର ଟେକ୍ନୋଲୋଜି ତେଲ ଖର୍ଚ୍ଚକୁ କମ କରିବାରେ ବି ସାହାଯ୍ୟ କରିବ । Toyota କମ୍ପାନୀ ପକ୍ଷରୁ ଏହା ମଧ୍ୟ କୁହାଯାଇଛିକି ଗାଡିର ଓଜନ ଖୁବ ହାଲୁକା । ଏହାର ଓଜନ ଦୁଇ ଟନ ଥିବାବେଳେ ଏହାକୁ ଖୁବ ଷ୍ଟାଇଲିସ ଅନ୍ଦାଜରେ ଲଞ୍ଚ କରାଯାଇଛି ।

– Aygo Xକୁ ଟୟୋଟାର TNGA-B ପ୍ଲାଟ୍ଫର୍ମରେ ଲଞ୍ଚ କରିବା ଉଦ୍ଦେଶ୍ୟରେ ପ୍ରସ୍ତୁତ କରାଯାଉଛି । ଗାଡିର ଲମ୍ବ ୧୪୫.୬ ଇଞ୍ଚ, ପ୍ରସ୍ଥ ୬୮.୫ ଇଞ୍ଚ ଓ ଉଚ୍ଚତା ୬୦.୦ ଇଞ୍ଚ ରଖାଯାଇଛି ।

– ଏହି ଗାଡିକୁ କାର୍ଡମମ ଗ୍ରୀନ, ଚି଼ଲ୍ଲୀ ବା ଭିଭିଡ ରେଡ, ଜିଞ୍ଜର କିମ୍ବା ସଫଟ ଗୋଲ୍ଡ ଅଥବା ଜୁନିପର କିମ୍ବା ଡ଼ିପ ବ୍ଲୁ ରଙ୍ଗରେ ବଜାରରେ ଉପଲବ୍ଧ ହେବ ।

– ଏହାର ମୂଲ୍ୟ ୟୁରୋପୀୟ ମୁଦ୍ରା ହିସାବରେ ୨୦ ହଜାର ୫୦୦ ୟୁରୋ ରହିବ ବୋଲି ଜଣାଯାଇଛି ।