ଯଦି ଆପଣ ଆପଣଙ୍କର ପୁରୁଣା କାରକୁ ବଦଳାଇ ଏକ ନୂତନ କାର କିଣିବାକୁ ପ୍ଲାନ କରୁଛନ୍ତି, ତେବେ ମେ ୨୦୨୫ ଆପଣଙ୍କ ପାଇଁ ବହୁତ ଖାସ୍ ହେବାକୁ ଯାଉଛି । ଏହି ମାସରେ, Kia, Tata, MG ଏବଂ Volkswagen ଭଳି ବଡ଼ ବ୍ରାଣ୍ଡଗୁଡ଼ିକ ଭାରତୀୟ ବଜାରରେ ସେମାନଙ୍କର ନୂତନ କାର ଲଞ୍ଚ କରିବାକୁ ଯାଉଛନ୍ତି ।
ଏଥିରେ ଏକ ନୂଆ MPV, ଏକ ପ୍ରିମିୟମ୍ ହ୍ୟାଚବ୍ୟାକ୍, ଲମ୍ବା ରେଞ୍ଜ୍ EV ଏବଂ ସ୍ପୋର୍ଟି GTI କାର୍ ସାମିଲ୍ । ଆସନ୍ତୁ ଏହି ସମସ୍ତ ଗାଡ଼ିର ଲଞ୍ଚ ଡେଟ୍, ଇଞ୍ଜିନ ଏବଂ ଫିଚର୍ସଗୁଡ଼ିକ ବିଷୟରେ ସମ୍ପୂର୍ଣ୍ଣ ଡିଟେଲ୍ସ ଜାଣିବା ।
୧) Kia Clavis :
କିଆ ଇଣ୍ଡିଆ ଘୋଷଣା କରିଛି ଯେ ଏହା ଏହାର ପପୁଲାର୍ MPV Carensର ଏକ ନୂଆ ଭର୍ସନ କ୍ଲାଭିସ୍ ଲଞ୍ଚ କରିବ। ଏହି କାରର ଡିଜାଇନ୍ ମେ ୮, ୨୦୨୫ରେ ଉନ୍ମୋଚନ କରାଯିବ । ହେଲେ ଏହାର ପ୍ରାଇସ୍ ୨ ଜୁନ୍, ୨୦୨୫ରେ ପ୍ରକାଶିତ ହେବ । ଏହି ନୂତନ MPV ରେ ଲେଭଲ୍ ୨ ADAS, ୩୬୦-ଡିଗ୍ରୀ କ୍ୟାମେରା, ୬ ଟି ଏୟାରବ୍ୟାଗ୍, ୧୨.୩-ଇଞ୍ଚ ଇନଫୋଟେନମେଣ୍ଟ ସିଷ୍ଟମ୍, ୧୦.୨୫-ଇଞ୍ଚ ଡିଜିଟାଲ୍ ଡ୍ରାଇଭର୍ କନସୋଲ୍ ଏବଂ ପାନୋରାମିକ୍ ସନରୁଫ୍ ଭଳି ପ୍ରିମିୟମ୍ ଫିଚର୍ସ ରହିବ । କ୍ଲାଭିସ୍ ତିନୋଟି ଇଞ୍ଜିନ୍ ଅପ୍ସନରେ ରହିବ ଯାହା ହେଉଛି- ପେଟ୍ରୋଲ, ଟର୍ବୋ ପେଟ୍ରୋଲ୍ ଏବଂ ଡିଜେଲ୍ ସହିତ ଲଞ୍ଚ କରାଯିବ, ଯାହା ଏହାକୁ ଫ୍ୟାମିଲି ୟୁଜର୍ସ ଏବଂ ଫିଚର-ଲଭିଂ ଗ୍ରାହକ ଉଭୟଙ୍କ ପାଇଁ ଏକ ଆଟ୍ରାକ୍ଟିଭ୍ ଅପ୍ସନ କରିବ ।
୨) Tata Altroz ଫେସଲିଫ୍ଟ :
Tata Altroz ଭାରତୀୟ ବଜାରରେ ପ୍ରିମିୟମ୍ ହ୍ୟାଚବ୍ୟାକ୍ ଭାବରେ ଏଷ୍ଟାବ୍ଲିସଡ୍ ହୋଇସାରିଛି । ଏବେ ଏହାର ଫେସଲିଫ୍ଟ ଭର୍ସନ ୨୧ ମେ ୨୦୨୫ ରେ ଲଞ୍ଚ ହେବାକୁ ଯାଉଛି । ଫେସଲିଫ୍ଟ ମଡେଲରେ ଏକ ନୂତନ ଇଣ୍ଟରିୟର ଡିଜାଇନ୍, ଡାଏମଣ୍ଡ କଟ୍ ଆଲୟ ହୁଇଲ ଏବଂ ଅପଡେଟେଡ୍ ଇଣ୍ଟେରିୟର ସହିତ ଅନେକ ନୂଆ ଫିଚର୍ସ ରହିବ । Altroz ହେଉଛି ଭାରତରେ ଏକମାତ୍ର ହ୍ୟାଚବ୍ୟାକ୍ ଯାହା ଡିଜେଲ ଇଞ୍ଜିନ୍ ଅପ୍ସନ ସହିତ ଆସିଥାଏ, ଯାହା ଏହାକୁ ଉନ୍ନତ ଫ୍ୟୁଏଲ୍ ଏଫିସିଏନ୍ସି ଚାହୁଁଥିବା ଗ୍ରାହକମାନଙ୍କ ପାଇଁ ବେଷ୍ଟ ଅପ୍ସନ ହେବ ।
୩) Volkswagen Golf GTI :
Volkswagen ଖୁବ୍ ଶୀଘ୍ର ଭାରତରେ ଏହାର ଦ୍ୱିତୀୟ GTI ଅଫରିଂ, Golf GTI ଲଞ୍ଚ କରିବାକୁ ପ୍ରସ୍ତୁତ ହେଉଛି । ଯଦିଓ ଲଞ୍ଚ ଡେଟ୍ ଏପର୍ଯ୍ୟନ୍ତ ନିଶ୍ଚିତ ହୋଇନାହିଁ, ହେଲେ ଆଶା କରାଯାଉଛି ଯେ ଏହି କାରଟି ମେ 2025 ରେ ବଜାରରେ ଏଣ୍ଟ୍ରି କରିପାରେ । Golf GTIରେ ୨.୦-ଲିଟର ଟର୍ବୋ ପେଟ୍ରୋଲ ଇଞ୍ଜିନ ରହିବ ଯାହା ୨୬୧ bhp ଏବଂ ୩୭୦Nm ଟର୍କ ଜେନେରେଟ୍ କରିବ । ଏହି କାର ସେହି ଗ୍ରାହକମାନଙ୍କ ପାଇଁ ବେଷ୍ଟ ହେବ ଯେଉମାନେ ସ୍ପୋର୍ଟି ହ୍ୟାଣ୍ଡେଲିଂ, ଦମଦାର୍ ପରଫରମାନ୍ସ ଏବଂ ପ୍ରିମିୟମ୍ ଡିଜାଇନ୍ ଖୋଜୁଛନ୍ତି ।
୪) MG Windsor EV Long Range :
MG Windsor EV ଭାରତୀୟ ଇଲେକ୍ଟ୍ରିକ୍ ଗାଡ଼ି ମାର୍କେଟରେ ନିଜର ଦୃଢ଼ ସ୍ଥିତି ସୃଷ୍ଟି କରିସାରିଛି । ଏବେ କମ୍ପାନୀ ଏହି ଗାଡ଼ିର ଲଙ୍ଗ ରେଞ୍ଜ ଭର୍ସନ ଲଞ୍ଚ କରିବାକୁ ପ୍ରସ୍ତୁତ ହେଉଛି । ଏହି ନୂଆ ଭାରିଆଣ୍ଟରେ ୫୦.୬ kWh ବ୍ୟାଟେରୀ ପ୍ୟାକ୍ ରହିବ, ଯାହା ଥରେ ଚାର୍ଜ କଲେ ପ୍ରାୟ ୪୬୦ କିଲୋମିଟର ରେଞ୍ଜ ଦେବ । ଏହି ଲଙ୍ଗ ରେଞ୍ଜ ଭର୍ସନ ମାଧ୍ୟମରେ, MG ସେହି ଗ୍ରାହକମାନଙ୍କୁ ଟାର୍ଗେଟ କରିବାକୁ ଚାହୁଁଛି ଯେଉଁମାନେ ଚାର୍ଜିଂ ବିଷୟରେ ଚିନ୍ତା ନକରି ଦୀର୍ଘ ଦୂରତା ଯାତ୍ରା ପାଇଁ ଏକ ଇଲେକ୍ଟ୍ରିକ୍ କାର କିଣିବାକୁ ଚାହାଁନ୍ତି ।
Also read : Mahindra ର ନୂଆ Electric Car ପାଇଁ ଆରମ୍ଭ ହେଲା ବୁକିଂ, ଜାଣନ୍ତୁ କେବେ ହାତକୁ ଆସିବ ଗାଡିର ଚାବି