ରିଲାଏନ୍ସ ଜିଓ କମ୍ପାନୀ ନିଜ ପ୍ଲାନ ଗୁଡିକର ଦର ଅନେକ ଗୁଣା ବଢ଼ାଇ ଦେଇଛି । କିଛି ପ୍ଲାନରେ କିଛି ପରିବର୍ତ୍ତନ ବି ଅଣାଯାଇଛି । ଏଇ ନିକଟରେ କମ୍ପାନୀ ପକ୍ଷରୁ ଏକ ନୂଆ ପ୍ଲାନ ବି ଲଞ୍ଚ କରାଯାଇଛି । ନିଜ ଗ୍ରାହକ ମାନଙ୍କୁ ଖୁସି କରିବା ପାଇଁ କମ୍ପାନୀ ପକ୍ଷରୁ ଏକ ଶସ୍ତା ପ୍ଲାନ ବଜାରକୁ ଛଡାଯାଇଛି । ଯେଉଁଥିରେ ପ୍ରତିଦିନ ୧ ଜିବି ଡାଟା ମିଳିବା ସହିତ ଅନେକ ଗୁଡିଏ ଲାଭ ମିଳିପାରିବ । ଜିଓର ଅଫିସିଆଲ ୱେବ ସାଇଟରେ ଏବାବଦରେ ଅଧିକ ତଥ୍ୟ ଦିଆଯାଇଛି । କମ୍ପାନୀ ପକ୍ଷରୁ ଏହାର ମୂଲ୍ୟ ୨୦୯ ଟଙ୍କା ରଖାଯାଇଛି ।
ଏହାର ଭ୍ୟାଲିଡିଟି ୨୮ଦିନ ଯାଏଁ ରହିବା ସହିତ ପ୍ରତିଦିନ ୧ ଜିବି ପର୍ଯ୍ୟନ୍ତର ଡାଟା ମିଳିପାରିବ । ଅର୍ଥାତ ୟୁଜର ମାନେ ୨୮ ଜିବି ଡାଟା ପାଇପାରିବେ । ଏହା ସହ କୌଣସି ବି ନେଟୱାର୍କକୁ ଅନଲିମିଟେଡ଼ କଳିଙ୍ଗର ସୁବିଧା ବି ମିଳିବ । ପ୍ରତିଦିନ ୧୦୦ ଏସଏମଏସ ସୁବିଧା ପାଇପାରିବେ । ଅଧିକ ଲାଭ ପାଇବା ପାଇଁ ଫ୍ରି ସବସ୍କ୍ରିପସନର ସୁବିଧା ବି ରହିଛି । ଏହା ସହିତ କମ୍ପାନୀ ପକ୍ଷରୁ ୧୪୯ ଟଙ୍କିଆ ଓ ୧୭୯
ଟଙ୍କିଆ ପ୍ଲାନ ବି ବଜାରକୁ ଛଡାଯାଇଛି ।
ରିଲାଏନ୍ସ ଜିଓର ୧୭୯ ଟଙ୍କିଆ ପ୍ଲାନର ଅବଧି ୨୪ ଦିନ ଯାଏଁ ରହିବ । ଏଥିରେ ୟୁଜର ମାନେ ପ୍ରତିଦିନ ୧ ଯିବି ଡାଟା ସୁବିଧା ପାଇବା ସହିତ ପ୍ରତିଦିନ ୨୪ ଜିବି ଡାଟା ଲାଭ ପାଇପାରିବେ । ଏହା ସହ ଅନଲିମିଟେଡ଼ କଲିଙ୍ଗର ସୁବିଧା ବି ମିଳିପାରିବ । ୧୦୦ ଏସଏମଏସର ଲାଭ ବି ରହିଛି । ଜିଓ ତରଫରୁ ଲଞ୍ଚ ହୋଇଥିବା ୧୪୯ ଟଙ୍କିଆ ପ୍ଲାନର ଅବଧି ୨୦ ଦିନ ଯାଏଁ ରହିବ । ପ୍ରତିଦିନ ୧ ଜିବି ଡାଟା ମିଳିବା ସହିତ ୧୦୦ ଏସଏମଏସର ଲାଭ ପାଇପାରିବେ ।