Odisha News
.

ଚାଲାକ୍ ବିଲେଇ : ଏକ ଘଣ୍ଟା ସାପ ସହ କଲା ଲଢ଼େଇ

ମାଲକାନଗିରି : ସାପ-ବିଲେଇ ଲଢେଇ। କଥାଟା ଶୁଣିବାକୁ ଅଡୁଆ ଲାଗୁଥିଲେ ବି ସତ । ସାପକୁ ଘର ଭିତରକୁ ପ୍ରବେଶ କରିବାରେ ଅଟକାଉଛି । ଏଭଳି ଏକ ଘଟଣା ନଜର ଆସିଛି ମାଲକାନଗିରିରେ । ସ୍ଥାନୀୟ ନାକଟି ମନ୍ଦିର ସାହିର ପୋଲିସ କର୍ମଚାରୀ କାର୍ତ୍ତିକ ଗୁଣ୍ଠାଙ୍କ ଘରେ ଏକ ୪ ଫୁଟର ନାଗ ସାପଟି ପଶିବା ପାଇଁ ଉଦ୍ୟମ କରୁଥିଲା । କିନ୍ତୁ କାର୍ତ୍ତିକଙ୍କ ପୋଷା ବିଲେଇ ସାପକୁ ଅଟକାଇଥିଲା। ପାଖାପାଖି ଏକ ଘଣ୍ଟା ଧରି ନାଗ ସାପ ସହ ଲଢେଇ କରିଥିଲା ବିଲେଇ।

ସାପକୁ ଘର ଭିତରକୁ ପଶିବାକୁ ଦେଇନଥିଲା । ପଡୋଶୀ ଏହା ଦେଖି ଘର ମାଲିକଙ୍କୁ ଖବର ଦେଇଥିଲେ। ସ୍ଥାନୀୟ ସ୍ନେକ୍ ହେଲପ ଲାଇନକୁ ଖବର ଦେବା ପରେ ସାପକୁ ସୁରକ୍ଷିତ ଭାବେ ଉଦ୍ଧାର କରାଯାଇଥିଲା। ପୋଷା ବିଲେଇର ଶରୀରରେ ଆଂଶିକ କ୍ଷତି ହୋଇଥିବାରୁ ତାର ପ୍ରାଥମିକ ଚିକିତ୍ସା କରାଯାଇଛି।

Leave A Reply

Your email address will not be published.