ଜଣାପଡ଼ିଲା ୪୯ ଓ ୫୦ ନମ୍ବର ପଜେଟିଭ୍‌ଙ୍କ ସମ୍ପର୍କରେ, ସେମାନେ ମଧୁସୂଦନ ନଗର ବ୍ୟକ୍ତିଙ୍କ ସଂସ୍ପର୍ଶରେ ଆସିଥିଲେ

ଭୁବନେଶ୍ୱର (କେ ନ୍ୟୁଜ୍‌) : ଗତକାଲି ଚିହ୍ନଟ ହୋଇଥିବା ଦୁଇ କରୋନା ପଜେଟିଭ୍‌ଙ୍କ ସମ୍ପର୍କରେ ଅଧିକ ବିବରଣୀ ହସ୍ତଗତ ହୋଇଛି । ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ତରଫରୁ ଦିଆଯାଇଥିବା ଖବର ଅନୁସାରେ ୪୯ ଓ ୫୦ ନମ୍ବର ଆକ୍ରାନ୍ତଙ୍କର ମଧସୂଦନ ନଗରରୁ ବାହାରିଥିବା ପଜେଟିଭ୍‌ଙ୍କ ସହ ଲିଙ୍କ ରହିଛି । ମଧୁସୂଦନ ନଗରରୁ ଚିହ୍ନଟ ବ୍ୟକ୍ତି ହେଉଛନ୍ତି ରାଜ୍ୟର ୧୯ ନମ୍ବର ଆକ୍ରାନ୍ତ । ତାଙ୍କ ସଂସ୍ପର୍ଶରେ ଆସି ଶେଷ ଦୁଇଜଣ କରୋନାରେ ଆକ୍ରାନ୍ତ ହୋଇଛନ୍ତି । ସେମାନଙ୍କ ମଧ୍ୟରୁ ଜଣେ ମହିଳା । ତାଙ୍କ ବୟସ ୩୫ ବର୍ଷ । ଅନ୍ୟ ଜଣେ ୨୩ ବର୍ଷର ଯୁବକ । ମହିଳା ଜଣକ ୪୯ ନମ୍ବର ଓ ଯୁବକ ଜଣକ ୫୦ ନମ୍ବର ଆକ୍ରାନ୍ତ ।