ନୂଆଦିଲ୍ଲୀ: ଦେଶରେ ମଙ୍ଗଳବାର ସୁଦ୍ଧା କରୋନା ମୃତକଙ୍କ ସଂଖ୍ୟା ୬୦୩ କୁ ବୃଦ୍ଧି ପାଇଛି । ସେହିପରି ସଂକ୍ରମିତଙ୍କ ସଂଖ୍ୟା ପହଞ୍ଚିଛି ୧୮୯୮୫ରେ । ସୋମାବାର ସଂଧ୍ୟା ପରଠୁ ମୃତକଙ୍କ ତାଲିକାରେ ୪୪ ଜଣଙ୍କ ନାମ ଯୋଡ଼ି ହୋଇଥିବା ବେଳେ ୧୩୨୯ ଟି ନୂଆ ମାମଲା ଆସିଥିବା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ସୂତ୍ରରୁ ଜଣାପଡ଼ିଛି ।
ତେବେ ଏମାନଙ୍କ ମଧ୍ୟରେ ୧୫୧୨୨ ଜଣ ଚିକିତ୍ସାଧୀନ ଅଛନ୍ତି ଓ ୩୨୫୯ ଜଣ ଭଲ ହୋଇ ଘରକୁ ଫେରିଛନ୍ତି । ଏହି ଚିକିତ୍ସାଧୀନ ଥିବା ରୋଗୀଙ୍କ ମଧ୍ୟରେ ୭୭ ଜଣ ବିଦେଶୀ ନାଗରିକ ଅଛନ୍ତି ।
ସମ୍ପୂର୍ଣ୍ଣ ସୁସ୍ଥ ହୋଇଥିବା ଲୋକଙ୍କ ସଂଖ୍ୟା ୧୭ ପ୍ରତିଶତ ବୋଲି ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ପ୍ରକାଶ ପାଇଛି । ସୋମବାର ସନ୍ଧ୍ୟା ସୁଦ୍ଧା ଜଣାପଡ଼ିଥିବା ୪୪ ଜଣ ମୃତକଙ୍କ ମଧ୍ୟରୁ ୧୧ ଜଣ ରାଜସ୍ଥାନ, ୧୦ ଜଣ ଗୁଜୁରାଟ, ୯ ଜଣ ମହାରାଷ୍ଟ୍ର, ୩ ଜଣ ଉତ୍ତରପ୍ରଦେଶ ଏବଂ ଆନ୍ଧ୍ରପ୍ରଦେଶ,ଦିଲ୍ଲୀ,ତାମିଲନାଡୁ ଓ ତେଲେଙ୍ଗାନାରୁ ୨ ଜଣ ଲେଖାଏ ଥିବା ବେଳେ କର୍ଣ୍ଣାଟକରୁ ମାତ୍ର ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଛି ।
ମୋଟ୍ ୬୦୩ ମୃତକଙ୍କ ମଧ୍ୟରୁ ୨୩୨ରେ ମହାରାଷ୍ଟ୍ର ସର୍ବୋପରେ ରହିଛି । ସେହିପରି ଗୁଜୁରାଟରେ ୭୭, ମଧ୍ୟପ୍ରଦେଶ ୭୬, ଦିଲ୍ଲୀ ୪୭, ରାଜସ୍ଥାନ ୨୫, ତେଲେଙ୍ଗାନା ୨୩ ଓ ଆନ୍ଧ୍ରପ୍ରଦେଶରେ ୨୨ ଜଣଙ୍କର ମୃତ୍ୟୁ ହୋଇଥିବା ଜଣାପଡ଼ିଛି । ମୃତ୍ୟୁ ସଂଖ୍ୟା ଉତ୍ତରପ୍ରଦେଶରେ ୨୦ ଥିବା ବେଳେ କର୍ଣ୍ଣାଟକ ଓ ତାମିଲନାଡୁରେ ୧୭ ଲେଖାଏ ଥିବା ଜଣାଯାଇଛି ।
ସେହିପରି ପଞ୍ଜାବରେ ମୃତ୍ୟୁ ସଂଖ୍ୟା ୧୬ ଥିବା ବେଳେ ପଶ୍ଚିମବଙ୍ଗରେ ୧୨, ଝାଡ଼ଖଣ୍ଡ, ବିହାରରେ ୨ ଲେଖାଏଁ ଓ ମେଘାଳୟ, ଓଡ଼ିଶା, ଆସାମ, ହିମାଚଳପ୍ରଦେଶରେ ଜଣେ ଲେଖାଏଁ କରୋନାରେ ମୃତ୍ୟୁ ମୁଖରେ ପଡ଼ିଥିବା ଜଣାଯାଇଛି ।
ସେହିପରି କେତେକ ମୁଖ୍ୟ ସଂକ୍ରମିତ ରାଜ୍ୟ ମଧ୍ୟରେ ମହାରାଷ୍ଟ୍ରରେ ସର୍ବାଧିକ ୪୬୬୯, ଦିଲ୍ଲୀରେ ୨୦୮୧, ଗୁଜୁରାଟ ୨୦୬୬, ରାଜସ୍ଥାନ ୧୫୭୬, ମଧ୍ୟପ୍ରଦେଶ ୧୫୪୦, ତାମିଲନାଡ଼ୁ ୧୫୨୦ ଓ ଉତ୍ତରପ୍ରଦେଶରେ ୧୨୯୪ ଜଣ କରୋନା ରୋଗୀ ରହିଥିବା ଜଣାଯାଇଛି ।
ଆଜିକାଲି ପାର୍ଲର ଯିବା ଏକ ପ୍ରକାର ଫେସନ୍ ହୋଇଗଲାଣି । ଅଧିକାଂଶ ଯୁବପିଢ଼ି ପାର୍ଲର ଯିବାକୁ ପସନ୍ଦ କରିଥାଆନ୍ତି ।…
ଗୋପ : ଶେଷ ରଜରେ ପର୍ଯ୍ୟଟନ କ୍ଷେତ୍ର କୋଣାର୍କ ସମେତ ଚନ୍ଦ୍ରଭଗା ଓ ରାମଚଣ୍ଡୀ ପୀଠରେ ନାହିଁ ନଥିବା ଭିଡ଼…
ଇଭିଏମ୍ ଅନ୍ଲକ କରିବା ପାଇଁ କୌଣସି ଓଟିପିର ଆବଶ୍ୟକ ହୁଏନାହିଁ । ନିର୍ବାଚନ ଆୟୋଗ ଏକ ସାମ୍ବାଦିକ ସମ୍ମିଳନୀରେ ଏହି…
ବେଗୁନିଆ : ଭାରସାମ୍ୟ ହରାଇ ଓଲଟିଲା ବୋଲେରୋ । ବୋଲଗଡ ଦେଇ ଯାଇଥିବା ଜାତୀୟ ରାଜପଥର ପଞ୍ଚୁକୋଟ ନିକଟରେ ରାୟଗଡ଼ାରୁ…
ଯୁଗାଡ଼କୁ ନେଇ ଭାରତରେ କୌଣସି ବିରତି ନାହିଁ । ଏଠାରେ ପ୍ରତ୍ୟେକ ସମସ୍ୟାର ସୁଲଭ ଏବଂ ଦୃଢ଼ ସମାଧାନ ରହିଛି…
ଆଳି : ହୁତୁ ହୁତୁ ହୋଇ ଜଳିଗଲା ୪ବଖରା ଘର । କେନ୍ଦ୍ରାପଡା ଜିଲ୍ଲା ଆଳି ଥାନା ଅନ୍ତର୍ଗତ ବଡ଼ମାନପୁର…