କରୋନାକୁ ନେଇ ଚିନ୍ତା: ଯାଜପୁରରେ ଜିଲ୍ଲା ସ୍ତରୀୟ ଅଧିକାରୀଙ୍କ ସହ ଆଲୋଚନା କଲେ କୋବିଡ଼-୧୯ ପର୍ଯ୍ୟବେକ୍ଷକ ପି.କେ ମେହେର୍ଦ୍ଦା
ଯାଜପୁର ଟାଉନ: ଯାଜପୁର ଜିଲ୍ଲାରେ ଚିନ୍ତା ଜନକ ରହିଛି କରୋନା। ବର୍ତ୍ତମାନ ସୁଦ୍ଧା ୧୨ ଜଣ କୋରୋନା ରୋଗୀ ଚିହ୍ନଟ ହୋଇସାରିଛନ୍ତି। ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ କେତେକ ସୁପର ସ୍ପ୍ରେଡର ହେବାର ଆଶଙ୍କା ରହିଥିବାରୁ ଚିନ୍ତାରେ ଜିଲ୍ଲା ପ୍ରଶାସନ। ଯାଜପୁରରେ ସ୍ଥିତି ସମୀକ୍ଷା କରିବା ପାଇଁ ରାଜ୍ୟପାଳଙ୍କ ସଚିବ ପି କେ ମେହେର୍ଦ୍ଦା ଙ୍କୁ କୋବିଡ଼-୧୯ ପର୍ଯ୍ୟବେକ୍ଷକ ଭାବେ ନିଯୁକ୍ତି ଦେଇଛନ୍ତି ରାଜ୍ୟ ସରକାର।
ଗତକାଲି ଶ୍ରୀ ମେହେର୍ଦ୍ଦା ରାତିରେ ଯାଜପୁରରେ ପହଁଚି ଜିଲ୍ଲା ସ୍ତରୀୟ ଅଧିକାରୀଙ୍କ ସହ ଆଲୋଚନା କରିଥିଲେ। ଏଥିରେ ଜିଲ୍ଲାପାଳ ରଂଜନ ଦାସଙ୍କ ସମେତ ଅନ୍ୟ ବରିଷ୍ଠ ଅଧିକାରୀ ମାନେ ଉପସ୍ଥିତ ଥିଲେ। ଏଥିରେ ମୁଖ୍ୟତଃ ଜିଲ୍ଲାର ୩୧୧ ପଞ୍ଚାୟତରେ ଥିବା ଆଇସୋଲେସନ କେନ୍ଦ୍ରକୁ ପୂର୍ଣ କାର୍ଯ୍ୟକ୍ଷମ କରିବାକୁ ଶ୍ରୀ ମେହେର୍ଦ୍ଦା ପରାମର୍ଶ ଦେଇଥିଲେ। ରାଜ୍ୟ ବାହାରରୁ ଆସୁଥିବା ବ୍ୟକ୍ତି ମାନଙ୍କୁ ଏହି କେନ୍ଦ୍ରରେ ରଖିବାକୁ ପ୍ରତ୍ୟେକ ସରପଞ୍ଚଙ୍କ ସହଯୋଗ କାମନା କରିଥିଲେ। ଆଜି ଶ୍ରୀ ମେହେର୍ଦ୍ଦା କଳିଙ୍ଗ ନଗର ଟାଟା ମେଡିକା କୋବିଡ଼ ହସ୍ପିଟାଲକୁ ପରିଦର୍ଶନ କରିବାକୁ ଯିବେ। ରୋଗୀଙ୍କୁ ଦିଆଯାଉଥିବା ସୁବିଧା ସୁଯୋଗ ଓ ସ୍ୱାସ୍ଥ୍ୟ ସେବା ସମ୍ପର୍କରେ ଅନୁଧ୍ୟାନ କରିବେ।
