କରୋନା ଭାଇରସ

ଭିତ୍ତିଭୂମି କି ଅର୍ଥବଳ ନଥିଲା, ହେଲେ ମନୋବଳ ଥିଲା ଓଡ଼ିଶା ସରକାରଙ୍କର

ବାଆସ୍ତରୀ ଘଣ୍ଟା ବିତି ଗଲାଣି । ରାଜ୍ୟରେ ଆଉ କୌଣସି କରୋନା ପଜେଟିଭ୍‌ ଚିହ୍ନଟ ହୋଇ ନାହାନ୍ତି । ଯେଉଁ ୬୦ ଜଣ ଆକ୍ରନ୍ତ ଥିଲେ ସେଥିମଧ୍ୟରୁ ୨୧ ଜଣ ସୁସ୍ଥ ହୋଇ ସାରିଲେଣି । ଦେଶ ଭଳି ରାଜ୍ୟରେ ଦ୍ୱିତୀୟ ଲକ୍‌ଡାଉନ୍‌ ଚାଲିଛି । ଲୋକେ ଘରେ ଅଛନ୍ତି ଆଉ ପୋଲିସ୍‌, ପ୍ରଶାସନ ଏବଂ ସ୍ୱାସ୍ଥ୍ୟ କର୍ମଚାରୀ ବାହାରେ ରହି ଲୋକଙ୍କୁ ଜଗିବା ସହ କରୋନା ବିରୋଧରେ ସିଧାସଳଖ ସାମନାରୁ ଲଢ଼େଇ କରୁଛନ୍ତି । ଇଏ ହେଉଛି ଆମ ରାଜ୍ୟ ଓଡ଼ିଶାର କଥା । ଯେଉଁଥି ପାଇଁ ବୋଧହୁଏ କରୋନା ଟିକେ ଥକା ମାରିଛି ଆମ ରାଜ୍ୟରେ ।
କରୋନା ଜୀବନ ନେବାକୁ ଚାହିଁ ବସିଛି, ଆଉ ରାଜ୍ୟ ସରକାର ଯେମିତି ତାକୁ ଚ୍ୟାଲେଞ୍ଜ କରି ଶକ୍ତ ଢାଲ ଭଳି ରାଜ୍ୟବାସୀଙ୍କୁ ଜଗି ରହିଛନ୍ତି । ଏକଥା ସମସ୍ତେ ମାନିବେ ଯେ ରାଜ୍ୟ ସରକାରଙ୍କ ଶକ୍ତ ପଦକ୍ଷେପ ଯୋଗୁ ଆଜି ଓଡ଼ିଶା ଦେଶ ଭିତରେ ୧୮ ନମ୍ବରରେ ରହିଛି । ଭୁବନେଶ୍ୱରକୁ ଛାଡ଼ି ଦେଲେ ଅନ୍ୟ କୌଣସି ଜିଲ୍ଲାରେ ଅଧିକ ଆକ୍ରାନ୍ତ ଦେଖିବାକୁ ମିଳିନାହିଁ ।
ମାର୍ଚ୍ଚ ୧୫ ତାରିଖରେ ରାଜ୍ୟରେ ପ୍ରଥମ କରୋନା ସଂକ୍ରମିତ ଚିହ୍ନଟ ହୋଇଥିଲେ । ମାର୍ଚ୍ଚ ୧୪ ତାରିଖରୁ ଏପ୍ରିଲ ୨ ତାରିଖ ଯାଏ ୫ ଜଣଙ୍କ ରିପୋର୍ଟ ପଜିଟିଭ ଆସିଥିଲା । ଏହାପରେ ମାର୍ଚ୍ଚ ୧୯, ୨୬, ୩୧ରେ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଥିଲେ । ଏପ୍ରିଲ ୧ ତାରିଖରେ ଆଉ ଗୋଟିଏ ପଜିଟିଭ କେସ ଆସିଥିଲା । ତେବେ ଏପ୍ରିଲ ୩ରୁ ୯ ପର୍ଯ୍ୟନ୍ତ ପରିସ୍ଥିତି ବିଗିଡିବରେ ଲାଗିଲା । ପ୍ରାୟ ୨୦ ଗୁଣ ବଢ଼ିଥିଲା ସଂଖ୍ୟା । ଏପ୍ରିଲ ୩ରେ ୧୫, ୪ରେ ଗୋଟିଏ ଏବଂ ୫ ତାରିଖରେ ଆସିଥିଲା ୧୮ଟି ନମୂନାର ପଜେଟିଭ ରିପୋର୍ଟ । ପୁଣି ୬ ତାରିଖରେ ଗୋଟିଏ ଓ ୭ ତାରିଖରେ ୨ଟି କେସ ଆସିଥିବା ବେଳେ ଏପ୍ରିଲ ୯ରେ ଚିହ୍ନଟ ହୋଇଥିଲେ ୬ ଜଣ ଆକ୍ରାନ୍ତ । ଏହି ୭ ଦିନ ମଧ୍ୟରେ ଆସିଥିଲା ୪୩ଟି ମାମଲା । ଏହା ପରେ କିନ୍ତୁ ସ୍ଥିତି ନିୟନ୍ତ୍ରଣରେ ରହିଛି ।

କରୋନା ସହ ଲଢ଼ିବା ପାଇଁ ଅର୍ଥବଳ ଓ ଭିତ୍ତିଭୂମି ନଥିଲା ଓଡ଼ିଶା ସରକାରଙ୍କ ପାଖରେ ହେଲେ ଥିଲା ମନୋବଳ । ମୁଖ୍ୟମନନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ପ୍ରତ୍ୟେକ କ୍ଷେତ୍ରରେ ଆଗୁଆ ପଦକ୍ଷେପ ନିଆଯାଇଥିଲା । ସେ ନମୂନା ପରୀକ୍ଷଣ କ୍ଷେତ୍ର ହେଉ କି କୋଭିଡ୍‌ ହସପିଟାଲ ନିର୍ମାଣ କ୍ଷେତ୍ରରେ ହେଉ । ଲୋକଙ୍କୁ ସଚେତନ କରିବା, ଅମାନିଆଙ୍କୁ ଠିକଣା ରାସ୍ତା ଦେଖାଇବା ଆଦି କେଉଁଥିରେ ବି କମି ରଖି ନଥିଲେ । ଦେଶର ଅନ୍ୟ ରାଜ୍ୟ ଏ ନେଇ ଚିନ୍ତା କଲା ବେଳକୁ ଆମ ଓଡ଼ିଶାରେ କାମ ଆରମ୍ଭ ହୋଇ ଭିତ୍ତିଭୂମି ସବୁ କାର୍ଯ୍ୟକ୍ଷମ ହୋଇଗଲା । ପ୍ରଥମ ରାଜ୍ୟ ଭାବେ ଲକ୍‌ଡାଉନ୍‌ ଘୋଷଣା କଲା ଏବଂ କୋଭିଡ୍‌ ହସପିଟାଲ ମଧ୍ୟ ସ୍ଥାପନ କଲା । ସିଧାସଳଖ କହିବାକୁ ଗଲେ ଆମ ରାଜ୍ୟ ହିଁ ବାଟ ଦେଖାଇଲା ଅନ୍ୟମାନଙ୍କୁ ।
ଆଗକୁ ଅଧିକ ଟେଷ୍ଟିଂ କରି ଲୋକେ ନିରୋଗ ଅଛନ୍ତି ବୋଲି ପ୍ରମାଣ କରିବାର ବ୍ୟବସ୍ଥା ସରକାର ଆରମ୍ଭ କରିଛନ୍ତି । ବିଶେଷ କରି ଭୁବନେଶ୍ୱରର ବିଭିନ୍ନ ଅଞ୍ଚଳରେ ସ୍ଥାୟୀ କ୍ୟାମ୍ପ ସହ, ମୋବାଇଲ୍‌ ଭ୍ୟାନ୍‌ ଜରିଆରେ ନମୂନା ସଂଗ୍ରହ କରିବା କାର୍ଯ୍ୟ ଆରମ୍ଭ କରିଛନ୍ତି । ଲୋକଙ୍କୁ ସଚେତନ କରାଯାଇଛି, ବୁଝା ଯାଇଛି । ଅମାନ୍ୟକାରୀଙ୍କୁ ଦଣ୍ଡବି ଦିଆଯାଇଛି । ତେବେ ଆଉ ଏକ ବଡ଼ କଥା ହେଉଛି ଘରେ ରହିଥିବା ଲୋକଙ୍କୁ ମୌଳିକ ଆବଶ୍ୟକତାକୁ ପୂରଣ କରିବା ଦିଗରେ ରାଜ୍ୟ ସରକାର ପୂରା ଯତ୍ନବାନ୍‌ ହୋଇଛନ୍ତି । ଯାହା କରୋନା ବିରୋଧୀ ଲଢ଼େଇରେ ମିଳିଥିବା ସଫଳତାର ଅନ୍ୟତମ କାରଣ । ଏଭଳି ଭାବେ ଜନସାଧାରଣଙ୍କ ସହଯୋଗ ମିଳିଲେ ଓଡ଼ିଶାରେ କରୋନା କେବଳ ଥକା ମାରିବନି ପୂରା ବେହୋସ ହୋଇ ମରିଯିବ ।

KNews Bureau

Recent Posts

ଆଜିର ରାଶିଫଳ : ଏହି ରାଶିର ଲୋକେ ଆଜି ବାହାରକୁ ଯାତ୍ରା କରିବେ ଏବଂ ପରିବାର ସହ ଖୁସିର ସମୟ କାଟିବେ

ମେଷ : ଏହି ରାଶିର ବ୍ୟକ୍ତିମାନେ କର୍ମକ୍ଷେତ୍ରରେ ଆଗକୁ ଯିବେ, ଏହା ସହ ସମ୍ମାନ ମିଳିବା ସହିତ ଆପଣ ଏକ…

1 hour ago

ଚାଇଲ୍ଡ ଲାଇନ କର୍ମଚାଚାରୀଙ୍କ ଉପରେ ଆକ୍ରମଣ ଅଭିଯୋଗ

 ଯାଜପୁର ଟାଉନ : ରେସ୍ତୁରାଣ୍ଟରେ ଶିଶୁ ଶ୍ରମିକ କାମ କରୁଥିବା ଖବର ପାଇ ଚଢ଼ାଉ କରିବାକୁ ଯାଇଥିବା ଚାଇଲ୍ଡ ଲାଇନ…

2 hours ago

ଆସନ୍ତାକାଲି ବିଜେଡିର ରାଜ୍ୟସଭା ସାଂସଦଙ୍କ ସହ ଆଲୋଚନା କରିବେ ସୁପ୍ରିମୋ ନବୀନ ପଟ୍ଟନାୟକ

 ଭୁବନେଶ୍ବର : ଆସନ୍ତାକାଲି ବିଜେଡିର ରାଜ୍ୟସଭା ସାଂସଦଙ୍କ ସହ ଆଲୋଚନା କରିବେ ସୁପ୍ରିମୋ ନବୀନ ପଟ୍ଟନାୟକ । ନବୀନ ନିବାସରେ…

3 hours ago

ତୁଟିଲା ବିବାଦ, ଆଜି ବାରିପଦା ବସଷ୍ଟାଣ୍ଡରୁ ସ୍ବାଭାବିକ ହେଲା ଘରୋଇ ବସ୍ ଚଳାଚଳ

ମୟୁରଭଞ୍ଜ : ତୁଟିଲା ବିବାଦ ।  ମୟୁରଭଞ୍ଜ ଜିଲ୍ଲାରେ ସ୍ବାଭାବିକ ହେଲା ବସ୍ ଚଳା ଚଳ । ୩ ଦିନ…

3 hours ago

ଘଟଗାଁ ତାରିଣୀ ପୀଠର ବିକାଶ ପାଇଁ ଆଉ ୫୦ କୋଟିର ଅନୁଦାନ

କେନ୍ଦୁଝର : ଘଟଗାଁ ତାରିଣୀ ପୀଠର ବିକାଶ ପାଇଁ ଆଉ ୫୦ କୋଟିର ଅନୁଦାନ। କେନ୍ଦୁଝର ଜିଲ୍ଲାକୁ ଦୁଇ ଦିନିଆ…

4 hours ago

ଅଜଣା ରୋଗରେ ଆକ୍ରାନ୍ତ ହୋଇ ବିଛଣାରେ ପଡ଼ି ରହିଛି ୩୫ ବର୍ଷୀୟ ପୁଅ

ବାଲେଶ୍ବର: ଆଶା କରିଥିଲୁ ବୁଢ଼ା କାଳେ ଆମ ପୁଅ ଆମ ସାହାରା ପାଲଟିବ । ଆମେ ଜମି ବାଡ଼ି ବିକ୍ରି…

5 hours ago