ଭଜନ ସମୟରେ କାହିଁକି ମାରନ୍ତି ତାଳି? କାରଣ ଜାଣିଲେ ହେବେ ଆଶ୍ଚର୍ଯ୍ୟ
ଆପଣ ଅନେକ ଥର ନିଶ୍ଚୟ ଦେଖିଥିବେ ଯେ ଯେତେବେଳେ ଆମେ କୀର୍ତ୍ତନ ଭଜନରେ ଥାଉ, ଆମେ ଆପେ ଆପେ ତାଳି ମାରିବା ଆରମ୍ଭ କରିଥାଉ । କିମ୍ବା ଯେତେବେଳେ ଆମ ପ୍ରିୟ ଗୀତ ବାଜେ ଆମେ ତାଳି ମାରୁ । କିନ୍ତୁ ଆମେ କାହିଁକି ତାଳି ମାରୁ ଏବଂ ଏଭଳି କଲେ କଣ ଲାଭ ମିଳେ ? ବିଶେଷଜ୍ଞଙ୍କ ଅନୁଯାୟୀ ଏହା ପଛରେ ଅନେକ କାରଣ ଅଛି ।
କୁହାଯାଏ ଯେ ଏହି ପରମ୍ପରା ପ୍ରହ୍ଲାଦଙ୍କ ସମୟରେ ଆରମ୍ଭ ହୋଇଥିଲା । ହିରନ୍ୟକ୍ୟଶ୍ୟପ ପ୍ରହ୍ଲାଦଙ୍କର ସମସ୍ତ ବାଦ୍ୟଯନ୍ତ୍ରକୁ ନଷ୍ଟ କରିଦେଇଥିଲା କାରଣ ସେ ବିଷ୍ଣୁଙ୍କୁ ଉପାସନା କରୁଥିଲେ । ଏହା ପରେ ପ୍ରହ୍ଲାଦ ଭଗବାନ ବିଷ୍ଣୁଙ୍କ ଭଜନ କରିବା ପାଇଁ ହାତରେ ତାଳି ମାରିବା ଆରମ୍ଭ କରିଥିଲେ, ଏହା ପରଠାରୁ ଭଜନ ସମୟରେ ତାଳି ଆରମ୍ଭ ହୋଇଥିଲା ।
ଭଜନ-କୀର୍ତ୍ତନ କିମ୍ବା ଆଳତୀ ସମୟରେ ତାଳି ମାରିବା ଦ୍ୱାରା ପାପ ନଷ୍ଟ ହୋଇଯାଏ ଏବଂ ନକାରାତ୍ମକ ଶକ୍ତି ଦୂର ହୋଇଥାଏ । ଅନ୍ୟ ଏକ ବିଶ୍ୱାସ ଅଛି ଯେ ପ୍ରାଚୀନ କାଳରେ ଲୋକମାନଙ୍କର ବାଦ୍ୟଯନ୍ତ୍ର ନଥିଲା, ତେଣୁ ସେମାନେ ଭଜନ ଏବଂ କୀର୍ତ୍ତନରେ ଗୀତରେ ତାଳ ଦେବା ପାଇଁ ତାଳି ମାରୁଥିଲେ । ବିଶେଷଜ୍ଞମାନେ କୁହନ୍ତି ଯେ କରତାଳି ମାରିବା ଦ୍ୱାରା ପାପୁଲିର ଆକ୍ୟୁପ୍ରେସର ପଏଣ୍ଟ ଉପରେ ଚାପ ପଡିଥାଏ, ଯାହା ହୃଦୟ ଏବଂ ଫୁସଫୁସ ରୋଗରେ ଆରାମ ଦେଇଥାଏ ।
ତାଳି ମାରିବା ଦ୍ୱାରା ରକ୍ତଚାପ ମଧ୍ୟ ଠିକ୍ ରହିଥାଏ । ତାଳି ବଜାଇବା ଏକ ପ୍ରକାର ଯୋଗ ଭାବରେ କରାଯାଏ । ଏହା କରିବା ଦ୍ୱାରା ଅନେକ ପ୍ରକାରର ରୋଗ ଭଲ ହୋଇଯାଏ । କରତାଳି ମାରିବା ଦ୍ୱାରା ମନକୁ ଅନେକ ଆରାମ ମିଳିଥାଏ ।
