ଦ୍ୱିପ୍ରହରରେ କାହିଁକି ଯାଆନ୍ତି ନାହିଁ ମନ୍ଦିର ? ଧାର୍ମିକ ଶାସ୍ତ୍ରରେ ଦିଆଯାଇଛି କାରଣ

ହିନ୍ଦୁ ଧର୍ମରେ ଭକ୍ତମାନେ ଭଗବାନଙ୍କୁ ଉପାସନା କରିବା ସହିତ ଶାନ୍ତି ପାଇଁ ମନ୍ଦିର ଯାଇଥାନ୍ତି । ବିଭିନ୍ନ ମନ୍ଦିର ପରିଦର୍ଶନ ପାଇଁ କିଛି ନିୟମ ଅଛି । କିଛି ମନ୍ଦିରରେ ରାତିରେ ଯିବା ପାଇଁ ବାରଣ ଥାଏ ତ ଆଉ କେତେକ ମନ୍ଦିରକୁ ପୁରୁଷଙ୍କୁ ଯିବା ମନା ଥାଏ ଏବଂ କିଛି ମନ୍ଦିରରେ ମହିଳା ମହିଳାଙ୍କୁ ଯିବାକୁ ବାରଣ କରାଯାଇଛି । ଏହା ବ୍ୟତୀତ ଅପରାହ୍ନରେ ମନ୍ଦିର ପରିଦର୍ଶନ କରିବା ମଧ୍ୟ ଅଶୁଭ ବୋଲି କୁହାଯାଏ । କିନ୍ତୁ ଏହା ପଛର କାରଣ କଣ ? କାହିଁକି ଦ୍ୱିପ୍ରହର ସମୟରେ ମନ୍ଦିର ଯିବାକୁ ବାରଣ କରାଯାଏ ? ଆସନ୍ତୁ ଜାଣିବା ଧାର୍ମିକ ଗ୍ରନ୍ଥରେ ଏହା ବିଷୟରେ କଣ ଉଲ୍ଲେଖ କରାଯାଇଛି ।

ଧାର୍ମିକ ଗ୍ରନ୍ଥ ଅନୁସାରେ ଭଗବାନ ଦ୍ୱିପ୍ରହର ସମୟରେ ବିଶ୍ରାମ ନିଅନ୍ତି, ତେଣୁ ଭକ୍ତମାନେ ଏହି ସମୟ ମଧ୍ୟରେ ମନ୍ଦିରକୁ ଯିବା ଉଚିତ୍ ନୁହେଁ । ଏହି ସମୟରେ ଆପଣ ମନ୍ଦିର ଯାଇ ଭଗବାନଙ୍କ ନିକଟରେ ପ୍ରାର୍ଥନା କଲେ ମଧ୍ୟ କିଛି ଫଳ ମିଳିବ ନାହିଁ । ହିନ୍ଦୁ ଧର୍ମର ପ୍ରସିଦ୍ଧ ମନ୍ଦିରଗୁଡ଼ିକର ଦ୍ୱାର ମଧ୍ୟାହ୍ନରେ ବନ୍ଦ ହେବାର ନିୟମ ରହିଛି । କାରଣ ଦେବା-ଦେବୀମାନେ ଏହି ସମୟରେ ବିଶ୍ରାମ ନେଇଥାନ୍ତି ।

ଅପରାହ୍ନରେ ମନ୍ଦିର ପରିଦର୍ଶନ ନକରିବାର ଅନ୍ୟ ଏକ କାରଣ ହେଉଛି ଏହି ସମୟ ମଧ୍ୟରେ ଆମ ଶରୀର ଆଳସ୍ୟରେ ଭରି ରହିଥାଏ । ଆମେ ସକାଳ ଏବଂ ସନ୍ଧ୍ୟାରେ ଯେଉଁଭଳି ଭାବେ କାମ କରୁ ଅପରାହ୍ନରେ ଆମେ ସେଭଳି କାମ କରି ପାରିନଥାଉ । ଏପରି ପରିସ୍ଥିତିରେ ଯଦି ଆମେ ଅପରାହ୍ନରେ ମନ୍ଦିରରେ ପ୍ରବେଶ କରୁ, ତେବେ ଆମେ ପୂଜାପାଠ ଠିକ୍‌ ଭାବେ ହେବ ନାହିଁ , ତେଣୁ ଅପରାହ୍ନରେ ମନ୍ଦିରକୁ ଯିବା ଠିକ୍ ହୋଇନଥାଏ ।

ବିଶ୍ୱାସ କରାଯାଏ ଯେ ଅପରାହ୍ନରେ ଆତ୍ମା ଏବଂ ଦୁଷ୍ଟ ଶକ୍ତିର ପ୍ରଭାବ ରହିଥାଏ । ଏହି ଦୁଷ୍ଟ ଆତ୍ମାମାନେ ଅପରାହ୍ନରେ ମନ୍ଦିରଗୁଡ଼ିକରେ ବୁଲନ୍ତି ଯାହାଦ୍ୱାରା ସେମାନେ ମୋକ୍ଷ ପାଇଁ ରାସ୍ତା ପାଇବେ । ତେଣୁ ଦ୍ୱିପ୍ରହର ସମୟରେ ମନ୍ଦିରକୁ ଯିବା ଠିକ୍ ହୁଏ ନାହିଁ। ଆପଣ ସକାଳ କିମ୍ବା ସନ୍ଧ୍ୟାରେ ଭଲ ଭାବେ ପୂଜାପାଠ କରିପାରିବେ । ଭଗବାନ ମଧ୍ୟ ଏହି ସମୟରେ ଆପଣଙ୍କ ଇଚ୍ଛା ଶୁଣନ୍ତି । ତେଣୁ ହିନ୍ଦୁ ଧର୍ମରେ ସକାଳ ଓ ସନ୍ଧ୍ୟା ସମୟରେ ମନ୍ଦିର ପରିଦର୍ଶନ କରିବା ପାଇଁ ସର୍ବୋତ୍ତମ ସମୟ ବୋଲି କୁହାଯାଏ ।

ଶାସ୍ତ୍ର ଅନୁଯାୟୀ ଅପରାହ୍ନରେ ଆପଣ ଘରେ ଥିବା ଠାକୁରଙ୍କୁ ମଧ୍ୟ ପୂଜା କରିବା ଉଚିତ୍ ନୁହେଁ । ଏହି ସମୟରେ ପୂଜା କରିବା ଦ୍ୱାରା ଭଗବାନଙ୍କ ଶୟନରେ ଆପଣ ବିଘ୍ନ ଆଣିବେ । ଆପଣ ମଧ୍ୟାହ୍ନ ୧୨ ରୁ ୪ ଟା ମଧ୍ୟରେ କୌଣସି ସ୍ଥାନରେ ମଧ୍ୟ ପୂଜା କରିବା ଅନୁଚିତ । ଆପଣମାନେ ଦ୍ୱିପ୍ରହର ସମୟରେ ଏକାକୀ ବସି ମନ୍ତ୍ର ଜପ କରିପାରିବେ କିମ୍ବା ଭଗବାନଙ୍କୁ ଧ୍ୟାନ କରିପାରିବେ । ଏହା କରିବା ଆପଣଙ୍କ ପାଇଁ ଶୁଭ ହେବ ।

Leave A Reply

Your email address will not be published.