photo : koimoi
ଫିଲ୍ମ ‘ଦଙ୍ଗଲ’ରେ ଆମୀର ଖାନଙ୍କ ସାନ ଝିଅ ବବିତା ଭୂମିକାରେ ଅଭିନୟ କରିଥିବା ଅଭିନେତ୍ରୀ ସୁହାନୀ ଭଟନାଗରଙ୍କ ଦେହାନ୍ତ ହୋଇଛି । ମାତ୍ର ୧୯ ବର୍ଷ ବୟସରେ ମୃତ୍ୟୁ ହୋଇଥିଲା । ସୁହାନି ଭଟନାଗରଙ୍କ ପୂରା ଶରୀରରେ ଫ୍ଲୁଇଡ୍ ଜମା ହୋଇଯାଇଥିଲା ବୋଲି ଡାକ୍ତର କହିଥିଲେ । ତେବେ କିଛି ସମୟ ପୂର୍ବରୁ ସୁହାନୀଙ୍କର ଏକ ଦୁର୍ଘଟଣା ହୋଇଥିଲା, ଯେଉଁ କାରଣରୁ ତାଙ୍କ ଗୋଡ ଭାଙ୍ଗି ଯାଇଥିଲା ।
ସୂଚନା ମୁତାବକ, ଚିକିତ୍ସା ସମୟରେ ସେ ଖାଇଥିବା ଔଷଧ ପ୍ରତିକ୍ରିୟା ଯୋଗୁଁ, ଧୀରେ ଧୀରେ ତାଙ୍କ ଶରୀରରେ ଫ୍ଲୁଇଡ୍ ଜମା ହେବା ଆରମ୍ଭ କରିଥିଲା, ଯେଉଁଥିପାଇଁ ସେ ଅଧିକ ସମୟ ଧରି ଅସୁସ୍ଥ ଥିଲେ ଏବଂ ଏମ୍ସ ହସ୍ପିଟାଲରେ ଚିକିତ୍ସିତ ହେଉଥିଲେ । କିନ୍ତୁ ଡାକ୍ତରମାନେ ତାଙ୍କୁ ବଞ୍ଚାଇ ପାରିନଥିଲେ ଏବଂ ସୁହାନୀ ଭଟନଗର ଫେବୃଆରୀ ୧୭ରେ ମୃତ୍ୟୁବରଣ କରିଛନ୍ତି । ତାଙ୍କ ଦେହାନ୍ତ ଯୋଗୁ ସୁହାନୀ ଭଟନାଗରଙ୍କ ପରିବାର ଆଶ୍ଚର୍ଯ୍ୟ ହୋଇଯାଇଛନ୍ତି । କୁହାଯାଉଛି ଯେ ଅଭିନେତ୍ରୀଙ୍କ ପିତାମାତାଙ୍କ ଅବସ୍ଥା ଭଲ ନାହିଁ ଏବଂ ସେମାନେ ବହୁତ କାନ୍ଦୁଛନ୍ତି ।
ସେ ୨୦୧୬ ମସିହାରେ ଆମୀର ଖାନଙ୍କ ଫିଲ୍ମ ‘ଦଙ୍ଗଲ’ ସହିତ ବଲିଉଡରେ ଡେବ୍ୟୁ କରିଥିଲେ । ଏହି ଚଳଚ୍ଚିତ୍ରରେ ସେ ଆମୀର ଖାନଙ୍କ ଝିଅ ବବିତା ଫୋଗାଟଙ୍କ ଭୂମିକାରେ ନଜର ଆସିଥିଲେ । ଏହି ଫିଲ୍ମରେ ତାଙ୍କର ଅଭିନୟକୁ ବହୁତ ପ୍ରଶଂସା କରାଯାଇଥିଲା । ଏହାପୂର୍ବରୁ ସେ ଅନେକ ଟେଲିଭିଜନ ବିଜ୍ଞାପନରେ ମଧ୍ୟ କାମ କରିଥିଲେ । ତେବେ ସୁହାନୀଙ୍କୁ ‘ଦଙ୍ଗଲ’ରୁ ଏକ ସ୍ୱତନ୍ତ୍ର ପରିଚୟ ମିଳିଥିଲା । ଏହି ଫିଲ୍ମ ପରେ ସୁହାନୀଙ୍କୁ ଅନେକ ଫିଲ୍ମ ଅଫର ମିଳିଥିଲା, କିନ୍ତୁ ସେ ଅଭିନୟରୁ ବିରତି ନେବାକୁ ନିଷ୍ପତ୍ତି ନେଇଥିଲେ । ସେ ନିଜ ପାଠପଢାରେ ଧ୍ୟାନ ଦେବାକୁ ଚାହୁଁଥିଲେ । ଅନେକ ଇଣ୍ଟରଭ୍ୟୁରେ ସୁହାନି କହିଥିଲେ ଯେ ପାଠପଢା ଶେଷ ହେବା ପରେ ସେ ଫିଲ୍ମ ଇଣ୍ଡଷ୍ଟ୍ରିକୁ ଫେରିବେ, କିନ୍ତୁ କିଏ ଜାଣିଥିଲେ ଯେ ସେ କ୍ୟାରିୟର କରିବା ପୂର୍ବରୁ ଅଭିନେତ୍ରୀଙ୍କ ଜୀବନ ଚାଲିଯିବ ।
ଏତେ କମ ବୟସରେ ସୁହାନୀଙ୍କ ଦେହାନ୍ତ ପୁରା ଫିଲ୍ମ ଇଣ୍ଡଷ୍ଟ୍ରିରେ ସମସ୍ତଙ୍କୁ ଚକିତ କରିଦେଇଛି । ଏତେ କମ୍ ବୟସରେ ସୁହାନୀ କିପରି ଏହି ଦୁନିଆ ଛାଡିଛନ୍ତି ତାହା ବିଶ୍ୱାସ କରିବା କଷ୍ଟକର ହୋଇଛି । ଆଜି ସୁହାନୀଙ୍କ ଶେଷ ରୀତି ଫରିଦାବାଦର ସେକ୍ଟର – ୧୫ ର ଅଜୌରନ୍ଦା ଶ୍ମଶାନରେ କରାଯିବ ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…