ଆନିଭର୍ସରୀରେ ଝିଅ ଆରାଧ୍ୟା ସହ ଫଟୋ ସେୟାର କଲେ ଐଶ୍ୱର୍ଯ୍ୟା ଓ ଅଭିଷେକ, ଜିତୁଛି ଫ୍ୟାନ୍ସଙ୍କ ହୃଦୟ

ବଲିଉଡ ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନ ନିଜ ପର୍ସନାଲ ତଥା ପ୍ରଫେସନାଲ ଲାଇଫକୁ ନେଇ ସବୁବେଳେ ଚର୍ଚ୍ଚାରେ ରୁହନ୍ତି । ଫ୍ୟାନ୍ସଙ୍କ ପ୍ରିୟ କପଲ ମଧ୍ୟରୁ ଐଶ୍ୱର୍ଯ୍ୟା ଏବଂ ଅଭିଷେକ ଅନ୍ୟତମ । ଫ୍ୟାନ୍ସମାନେ ଉଭୟଙ୍କୁ ଏକାଠି ଦେଖିବାକୁ ବହୁତ ପସନ୍ଦ କରନ୍ତି । ତେବେ ନିକଟରେ ସେମାନଙ୍କ ଡିଭର୍ସକୁ ନେଇ ବିଭିନ୍ନ ପ୍ରକାରର ଖବର ମଧ୍ୟ ଆସିଥିଲା । କିନ୍ତୁ ବର୍ତ୍ତମାନ ସବୁ ଗୁଜବକୁ ବନ୍ଦ ହୋଇଯାଇଛି । ଐଶ୍ୱର୍ଯ୍ୟା ଏବଂ ଅଭିଷେକ ସେମାନଙ୍କ ମ୍ୟାରେଜ ଆନିଭର୍ସରୀ ରେ ଏକ ସୁନ୍ଦର ପୋଷ୍ଟ ସେୟାର କରିଛନ୍ତି ।

ଐଶ୍ୱର୍ଯ୍ୟା ଏବଂ ଅଭିଷେକ ବିବାହର ୧୭ ବର୍ଷ ସମାପ୍ତ କରିଛନ୍ତି । ଦୁହେଁ ୨୦ ଏପ୍ରିଲ ୨୦୦୭ ରେ ବିବାହ କରିଥିଲେ । ସେମାନଙ୍କ ମ୍ୟାରେଜ ଆନିଭର୍ସରୀ ଅବସରରେ ଐଶ୍ୱର୍ଯ୍ୟା ଏବଂ ଅଭିଷେକ ନିଜ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସମାନ ଫଟୋ ସେୟାର କରିଛନ୍ତି । ଐଶ୍ୱର୍ଯ୍ୟା ଏବଂ ଅଭିଷେକଙ୍କ ବ୍ୟତୀତ ଯିଏ ଏହି ଫଟୋରେ ସମସ୍ତ ଲାଇମ୍ ଲାଇଟ୍ ହାସଲ କରିଛନ୍ତି ସେ ହେଉଛନ୍ତି ଆରାଧ୍ୟା ବଚ୍ଚନ । ପିତାମାତାଙ୍କ ସହ ଆରାଧ୍ୟାଙ୍କର ଏହି ଫଟୋ ବହୁତ ସୁନ୍ଦର ଦେଖାଯାଉଛି । ଫ୍ୟାନ୍ସମାନେ ଏହି ପୋଷ୍ଟକୁ ବହୁତ ପସନ୍ଦ କରୁଛନ୍ତି ।

ଏହି ଫଟୋ ସେୟାର କରିବାବେଳେ ଐଶ୍ୱର୍ଯ୍ୟା ଏବଂ ଅଭିଷେକ କ୍ୟାପସନରେ କେବଳ ଗୋଟିଏ ରେଡ ହାର୍ଟ ଇମୋଜି ସେୟାର କରିଛନ୍ତି । ତାଙ୍କର ଏହି ଫଟୋ ପାଇଁ ଏହା ଯଥେଷ୍ଟ ଐଶ୍ୱର୍ଯ୍ୟା ପ୍ରାୟତଃ ସୋସିଆଲ ମିଡିଆରେ ନିଜ ପରିବାର ସହିତ ଫଟୋ ସେୟାର କରନ୍ତି । ବିଶେଷକରି ଝିଅ ଆରାଧ୍ୟାଙ୍କ ସହିତ । ବଲିଉଡ ଷ୍ଟାରଙ୍କ ଠାରୁ ଆରମ୍ଭ କରି ଫ୍ୟାନ୍ସଙ୍କ ପର୍ଯ୍ୟନ୍ତ ସମସ୍ତେ ଏହି ଦମ୍ପତିଙ୍କ ପୋଷ୍ଟରେ ବହୁତ ଭଲ ପାଇବା ଦେଇଛନ୍ତି । ଏଥି ସହିତ ଅନେକ ୟୁଜର୍ସ ଆରାଧ୍ୟାଙ୍କ ସୌନ୍ଦର୍ଯ୍ୟକୁ ପ୍ରଶଂସା କରୁଛନ୍ତି ।

ଐଶ୍ୱର୍ଯ୍ୟା ଏବଂ ଅଭିଷେକଙ୍କ ପ୍ରେମ କାହାଣୀ ବିଷୟରେ ଆଲୋଚନା କରିବାକୁ ଗଲେ ଉଭୟ ଅନେକ ଫିଲ୍ମରେ ଏକାଠି କାମ କରିଛନ୍ତି । ଫିଲ୍ମ ସମୟରେ ଦୁହେଁ ପ୍ରଥମେ ବନ୍ଧୁ ହେଲେ ଏବଂ ପରେ ବନ୍ଧୁତା ପ୍ରେମରେ ପରିଣତ ହେଲା । କୁହାଯାଏ ଯେ ଅଭିଷେକ ନ୍ୟୁୟର୍କର ଏକ ହୋଟେଲର ବାଲକୋନୀରେ ଠିଆ ହୋଇ ଐଶ୍ୱର୍ଯ୍ୟାଙ୍କୁ ନିଜର ପ୍ରେମ ବ୍ୟକ୍ତ କରିଥିଲେ । ଏଥି ସହିତ ସେ ଅଭିନେତ୍ରୀଙ୍କୁ ବିବାହ ପାଇଁ ମଧ୍ୟ ପ୍ରସ୍ତାବ ଦେଇଥିଲେ ।