ତେଜିଲା ହିନ୍ଦୀ ଭାଷା ବିବାଦ । ବଲିଉଡ ଷ୍ଟାର ଅଜୟ ଦେବଗନ ଓ କନ୍ନଡ ଅଭିନେତା କିଚ୍ଚା ସୁଦୀପଙ୍କ ବିରୋଧରେ ଟ୍ଵିଟରରେ ଚାଲିଛି ଲଢ଼େଇ । ଏହି ପ୍ରସଙ୍ଗରେ ଦକ୍ଷିଣ ଭାରତୀୟ ଚଳଚ୍ଚିତ୍ର ଜଗତରେ ବହୁ ବ୍ୟକ୍ତିତ୍ୱ ସାମିଲ ହୋଇଛନ୍ତି । ଅଜୟ ଦେବଗନ ଓ କର୍ଣ୍ଣାଟକର ବିଭିନ୍ନ ରାଜନୈତିକ ଦଳର ନେତାମାନେ ମୁହାଁମୁହିଁ ଅଛନ୍ତି । ହିନ୍ଦୀକୁ ଜାତୀୟ ଭାଷା ମାନ୍ୟତା ପ୍ରଦାନ ସମ୍ପର୍କରେ କେନ୍ଦ୍ରମନ୍ତ୍ରୀ ଅମିତ ଶାହାଙ୍କ ମନ୍ତବ୍ୟ ପରେ ଏହାକୁ ନେଇ ବିଭିନ୍ନ ମହଲରେ କଥା କଟାକଟି ଚାଲିଛି ।
କିଛିଦିନ ତଳେ କନ୍ନଡ ହିରୋ ସୁଦୀପ KGF-୨ ଚଳଚ୍ଚିତ୍ର ନେଇ ଏକ ଟ୍ଵିଟ୍ କରିଥିଲେ । ଏହି ଫିଲ୍ମ ହିନ୍ଦିରେ ଡବିଂ ହୋଇଛି । ଏହାକୁ ଦୃଷ୍ଟରେ ରଖି ବଲିଉଡରେ ନିର୍ମାଣ କରାଯାଉଥିବା ଭଲ ଫିଲ୍ମ ଗୁଡିକୁ ଅନ୍ୟ ପ୍ରାନ୍ତୀୟ ଭାଷାରେ ଡବିଂ କରାଯିବା ଆବଶ୍ୟକ । ସୁଦୀପଙ୍କ ଟ୍ଵିଟର ଜବାବରେ ଅଜୟ ଦେବଗନ କହିଥିଲେ, ଯଦି ହିନ୍ଦୀ ଜାତୀୟ ଭାଷା ନୁହେଁ, ତେବେ କାହିଁକି କନ୍ନଡ ଫିଲ୍ମ ଗୁଡିକ ହିନ୍ଦୀ ଭାଷାରେ ରିଲିଜ କରାଯାଉଛି । ହିନ୍ଦୀ ଆମର ମାତୃଭାଷା ଓ ରାଷ୍ଟ୍ରଭାଷା ଥିଲା ଅଛି ଓ ରହିବ ଜନ ଗଣ ମନ.. ବୋଲି ଅଜୟ ଦେବଗନ ଉଲ୍ଲେଖ କରିଛନ୍ତି।
.@KicchaSudeep मेरे भाई,
आपके अनुसार अगर हिंदी हमारी राष्ट्रीय भाषा नहीं है तो आप अपनी मातृभाषा की फ़िल्मों को हिंदी में डब करके क्यूँ रिलीज़ करते हैं?
हिंदी हमारी मातृभाषा और राष्ट्रीय भाषा थी, है और हमेशा रहेगी।
जन गण मन ।— Ajay Devgn (@ajaydevgn) April 27, 2022
ତେବେ ଏଥିରେ ସୁଦୀପ ସନ୍ତୁଷ୍ଟ ହୋଇନଥିଲେ ସେ ଅଜୟ ଙ୍କ ଟ୍ୱିଟର ରି ଟ୍ୱିଟ୍ କରି ଅନୁବାଦ ଓ ବ୍ୟାଖ୍ୟା ଦୁଇଟି ପୃଥକ ଦୃଷ୍ଟିକୋଣ ବୋଲି ଉଲ୍ଲେଖ କରିଥିଲେ। ଏହାର ଜବାବରେ ସୁଦୀପ ପଦର୍ଶାଇଥିଲେ, ପୁରା ମାମଲା ନ ଜାଣି ପ୍ରତିକ୍ରିୟା ପ୍ରକାଶ କରିବା ମାନେ ରଖେ, ତେବେ ଏଥିପାଇଁ ମୁଁ ଆପଣଙ୍କୁ ଦୋଷ ଦେଉ ନାହିଁ। ତେବେ କେ. ସୁଦୀପ ଆମ ଦେଶର ପ୍ରତି ଭାଷାକୁ ଭଲପାଏ ଓ ସମ୍ମାନ କରେ ବୋଲି ଉଲ୍ଲେଖ କରିବା ପରେ ଅଜୟ ଶାନ୍ତ ପଡୁଥିବା ଦେଖା ଯାଇଛି। ଏଥିରେ ଅଜୟ ଦେବଗନ ରିଟ୍ୱିଟ୍ କରିଛନ୍ତି। ସୁଦୀପଙ୍କୁ ଅଜୟ ଦେବଗନ ଜଣେ ବନ୍ଧୁ ଭାବେ ସମ୍ବୋଧନ କରିଛନ୍ତି।
Hello @ajaydevgn sir.. the context to why i said tat line is entirely different to the way I guess it has reached you. Probably wil emphasis on why the statement was made when I see you in person. It wasn’t to hurt,Provoke or to start any debate. Why would I sir 😁 https://t.co/w1jIugFid6
— Kichcha Sudeepa (@KicchaSudeep) April 27, 2022
ଅନ୍ୟପଟେ କର୍ଣ୍ଣାଟକ ମୁଖ୍ୟମନ୍ତ୍ରୀ ବସବରାଜ ବୋମାଇ ସୁଦୀପଙ୍କ ପକ୍ଷ ନେଇଛନ୍ତି । ସେ କହିଛନ୍ତି- ଭାଷା ଭିତ୍ତିରେ ଆମ ରାଜ୍ୟ ଗଠିତ ହୋଇଛି। ଆଞ୍ଚଳିକ ଭାଷାକୁ ଗୁରୁତ୍ବ ଦିଆଯାଇ ଆସୁଛି। ସୁଦୀପଙ୍କ ବକ୍ତବ୍ୟ ଠିକ୍ ଓ ସମସ୍ତେ ତାକୁ ସମ୍ମାନ କରିବା ଉଚିତ। ଏହା ପୂର୍ବରୁ କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ସିଦ୍ଦରାମେୟା କହିଥିଲେ- ହିନ୍ଦୀ କେବେ ବି ଆମର ରାଷ୍ଟ୍ରଭାଷା ନ ଥିଲା କି ଭବିଷ୍ୟତରେ ହୋଇପାରିବ ନାହିଁ।