ରିଲିଜ ହେଲା ‘ପୃଥ୍ଵୀରାଜ’ର ଗୀତ ‘ମଖମଲ୍ଲୀ’ର ଟିଜର, ଦେଖିବାକୁ ମିଳିଲା ଅକ୍ଷୟ ଓ ମାନୁଷୀଙ୍କ କେମେଷ୍ଟ୍ରୀ
ଅକ୍ଷୟ କୁମାରଙ୍କ ଅପକମିଂ ଫିଲ୍ମ ‘ପୃଥ୍ଵୀରାଜ’ ରିଲିଜ ଅପେକ୍ଷାରେ ରହିଛି। ଫିଲ୍ମର ଗୀତ ‘ମଖମଲ୍ଲୀ’ର ଟିଜର ସେୟାର କରିଛନ୍ତି ଅକ୍ଷୟ କୁମାର। ଏହି ଗୀତ ରୋମାଣ୍ଟିକ ଗୀତ। ଗୀତ ଟିଜର ରିଲିଜ ହେବା ପରେ ଲୋକେ ବହୁତ ପସନ୍ଦ କରୁଛନ୍ତି ମଧ୍ୟ। ଅକ୍ଷୟ କୁମାର ଏହି ଗୀତରେ ଟିଜର ସେୟାର କରିଛନ୍ତି। ଫ୍ୟାନ୍ସ କିନ୍ତୁ ଏହି ଗୀତକୁ ଫିଲ୍ମ ହଲରେ ଦେଖିପାରିବେ।
ଅକ୍ଷୟ କୁମାର ଲେଖିଛନ୍ତି, ସମ୍ମାନ ଏବଂ ଭକ୍ତି ସହିତ ମଖମଲ୍ଲୀ ଗୀତର ଟିଜର ଅନୁଭବ କରନ୍ତୁ। ପୁରା ଗୀତ କେବଳ ଥିଏଟରରେ ଦେଖିପାରିବେ ! ଫିଲ୍ମଟି ହିନ୍ଦୀ, ତାମିଲ ଓ ତେଲୁଗୁ ଭାଷାରେ ରିଲିଜ ହେବ। ୩ ଜୁନକୁ ଫିଲ୍ମଟି ରିଲିଜ ହେବ। ଏହି ଗୀତରେ ଅକ୍ଷୟ କୁମାର ଏବଂ ମାନୁଷୀ ଚିଲ୍ଲରଙ୍କ କେମେଷ୍ଟ୍ରୀ ଦେଖିବାକୁ ମିଳିବ।
ଫିଲ୍ମ ପୃଥ୍ଵୀରାଜରେ ଅକ୍ଷୟ କୁମାର ସମ୍ରାଟ ପୃଥ୍ଵୀରାଜ ଚୌହ୍ଵାନଙ୍କ ଭୂମିକାରେ ନଜର ଆସିବେ। ମାନୁଷୀ ଚିଲ୍ଲର ରାଜକୁମାରୀ ସଂଯୋଜିତା ଭୂମିକାରେ ନଜର ଆସିବେ। ମାନୁଷୀ ଏହି ଫିଲ୍ମ ଜରିଆରେ ବଲିଉଡରେ ଡେବ୍ୟୁ କରୁଛନ୍ତି। ଟିଜରରେ ଅକ୍ଷୟ ଓ ମାନୁଷୀଙ୍କ ମଧ୍ୟ ରୋମାଣ୍ଟିକ କେମେଷ୍ଟ୍ରୀ ଦେଖିବାକୁ ମିଳିଛି। ଗୀତର ପିକ୍ଚରାଇଜେସନ ମଧ୍ୟ ବେଶ୍ କମାଲ ରହିଛି।
Of promises, honour and devotion. Experience the #Makhmali song teaser now and watch the full song ONLY IN THEATRES!
Releasing in Hindi, Tamil and Telugu. Celebrate Samrat #Prithviraj Chauhan at a theatre near you on 3rd June. pic.twitter.com/4d97KfHVx1— Akshay Kumar (@akshaykumar) May 23, 2022
ଗୀତର ମ୍ୟୁଜିକ ଶଙ୍କର ଏହସାନ ଲୟ ଦେଇଛନ୍ତି। ଏହାକୁ ବରୁଣ ଗ୍ରୋଭର ଲେଖିଛନ୍ତି। ଗୀତକୁ ଅରିଜିତ ସିଂ ଏବଂ ଶେୟା ଘୋଷାଲ ଗାଇଛନ୍ତି। ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ଚନ୍ଦ୍ରପ୍ରକାଶ ଦ୍ୱିବେଦୀ। ଏହା ୟଶ ରାଜ ବ୍ୟାନର ଦ୍ୱାରା ପ୍ରସ୍ତୁତ । ଏହି ଚଳଚ୍ଚିତ୍ରରେ ଅକ୍ଷୟ ଏବଂ ମାନୁଷୀଙ୍କ ବ୍ୟତୀତ ସଞ୍ଜୟ ଦତ୍ତ ଏବଂ ସୋନୁ ସୁଦଙ୍କର ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ରହିଛି ।
ସୂଚନାଯୋଗ୍ୟ, ନିକଟରେ ଅକ୍ଷୟ କୁମାର କରୋନା ସଂକ୍ରମିତ ହୋଇଥିଲେ। ନିଜେ ଟ୍ଵିଟ୍ କରି ସୂଚନା ଦେଇଥିଲେ। ଖାସ୍ ଏଥିପାଇଁ ଅକ୍ଷୟ କୁମାର କାନ୍ସ ଫେଷ୍ଟିଭାଲରେ ଯୋଗ ଦେଇନଥିଲେ। ପୂର୍ବରୁ ୨୦୨୧ରେ ମଧ୍ୟ କରୋନା ସଂକ୍ରମିତ ହୋଇଥିଲେ ଅକ୍ଷୟ କୁମାର। ଫିଲ୍ମ ରାମସେତୁର ସୁଟିଂ ସମୟରେ କରୋନା କବଳରେ ଫସିଥିଲେ ଖିଲାଡି ଷ୍ଟାର। ଫଳରେ ଫିଲ୍ମର ସୁଟିଂ ଅଧାରେ ବନ୍ଦ ହୋଇଥିଲା।