ହାଜି ଅଲି ଦରଘାରେ ଚାଦର ଚଢାଇଲେ ଅକ୍ଷୟ କୁମାର, ଦାନ କଲେ ୧.୨୧ କୋଟି ଟଙ୍କା
ଅକ୍ଷୟ କୁମାର ଭଲ କାର୍ଯ୍ୟ କରିବା ଠାରୁ କେବେ ବି ପଛଘୁଞ୍ଚା ଦିଅନ୍ତି ନାହିଁ । ସେ ବାରମ୍ବାର କିଛି ନା କିଛି କାର୍ଯ୍ୟ ପାଇଁ ଦାନ କରିଥାନ୍ତି । ତେବେ ରାମ ମନ୍ଦିର ନିର୍ମାଣ ବେଳେ ମଧ୍ୟ ଅକ୍ଷୟ କୁମାର ଦାନ କରିଥିଲେ । ବର୍ତ୍ତମାନ ଅକ୍ଷୟ ମୁମ୍ବାଇର ହାଜି ଅଲି ଦରଘାକୁ ଯାଇ ସେଠାରେ ନବୀକରଣ ପାଇଁ କୋଟି ଟଙ୍କା ଦାନ କରିଛନ୍ତି । ତେବେ ଗତ କାଲି ହିଁ ଖିଲାଡି କୁମାର ଲଙ୍ଗରରେ ଖାଦ୍ୟ ପରିବେଷଶ କରୁଥିବାର ନଜର ଆସିଥିଲେ । ଯାହାକୁ ନେଇ ସମସ୍ତେ ତାଙ୍କୁ ପ୍ରସଂଶା କରୁଛନ୍ତି । ଏହି କାର୍ଯ୍ୟ ଯୋଗୁ ମଧ୍ୟ ଅକ୍ଷୟ କୁମାର ପୁଣି ଥରେ ଚର୍ଚ୍ଚାକୁ ଆସିଛନ୍ତି ।
ଆଜିକାଲି ଅକ୍ଷୟ କୁମାର ତାଙ୍କ ଫିଲ୍ମ ‘ଖେଲ ଖେଲ ମେ’ର ପ୍ରମୋସନରେ ବ୍ୟସ୍ତ ଅଛନ୍ତି । ଏହି ଫିଲ୍ମ ଅଗଷ୍ଟ ୧୫ରେ ରିଲିଜ ହେବାକୁ ଯାଉଛି । ଫିଲ୍ମ ରିଲିଜ୍ ହେବା ପୂର୍ବରୁ ଅକ୍ଷୟ କୁମାର ହାଜି ଅଲି ଦରଘାରେ ପ୍ରଣାମ କରିଥିଲେ । ଏହାକୁ ଦେଖିଲେ ଲାଗୁଛି ତାଙ୍କ ଫିଲ୍ମର ସଫଳତା ପାଇଁ ସେ ନିଶ୍ଚୟ ପ୍ରାର୍ଥନା କରିଥିବେ । ଦରଘାର ନବୀକରଣ ପାଇଁ ଅକ୍ଷୟ ୧.୨୧ କୋଟି ଟଙ୍କା ଦାନ କରିଛନ୍ତି । ଦରଘାରୁ ତାଙ୍କର ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ତେବେ ଆଜିକାଲି ହାଜି ଅଲି ଦରଘାରେ ନବୀକରଣ କାର୍ଯ୍ୟ ଚାଲିଛି । ଏପରି ପରିସ୍ଥିତିରେ ଅକ୍ଷୟ ଭଲ କାର୍ଯ୍ୟ କରିବାକୁ ଲାଗିଛନ୍ତି । ସେ କୋଟି କୋଟି ଟଙ୍କା ଦାନ କରିଛନ୍ତି, ଏହା ପରେ ଦରଘାର ଟ୍ରଷ୍ଟ ଟିମ୍ ବହୁତ ଖୁସି ହୋଇଛନ୍ତି । ଏହା ସହ ସେମାନେ ଅକ୍ଷୟଙ୍କୁ ଖୋଲା ହୃଦୟରେ ସ୍ୱାଗତ କରିଛନ୍ତି । କେବଳ ଏତିକି ନୁହେଁ ଅକ୍ଷୟ ଦରଘାରେ ଏକ ଚାଦର ମଧ୍ୟ ଚଢାଇଛନ୍ତି ।
ଏହା ପ୍ରଥମ ଥର ନୁହେଁ ଯେ ଅକ୍ଷୟ କୁମାର ଦାନ କାର୍ଯ୍ୟ କରିଛନ୍ତି । ଏହାପୂର୍ବରୁ ରାମ ମନ୍ଦିର ନିର୍ମାଣ ସମୟରେ ଅକ୍ଷୟ ୩ କୋଟି ଟଙ୍କା ଦାନ କରିଥିଲେ । ତେବେ ଅକ୍ଷୟ କୁମାର ରାମ ମନ୍ଦିରର ସମାରୋହରେ ଯୋଗ ଦେଇପାରିନଥିଲେ । ସେହି ଦିନ, ସେ ତାଙ୍କ ଫିଲ୍ମ ‘ବଡେ ମିୟାଁ ଛୋଟେ ମିୟାଁ’ ପାଇଁ ସୁଟିଂରେ ବ୍ୟସ୍ତ ଥିଲେ ।
ବର୍ତ୍ତମାନ ଅକ୍ଷୟଙ୍କ ଫିଲ୍ମ ଖେଲ ଖେଲ ମେ ଅଗଷ୍ଟ ୧୫ ରେ ରିଲିଜ ହେବାକୁ ଯାଉଛି । ବର୍ତ୍ତମାନ ଫିଲ୍ମର ଟ୍ରେଲର ରିଲିଜ ହୋଇଛି ଯାହାକୁ ଲୋକମାନେ ବହୁତ ପସନ୍ଦ କରୁଛନ୍ତି । ଏହି ଫିଲ୍ମରେ ତାପସୀ ପନ୍ନୁ, ବାଣି କପୁର, ଏମି ବିର୍କ, ଆଦିତ୍ୟ ସିଲ୍, ପ୍ରଜ୍ଞା ଜସୱାଲ ଏବଂ ଫରଦୀନ ଖାନ ତାଙ୍କ ସହ ମୁଖ୍ୟ ଭୂମିକାରେ ନଜର ଆସିବେ ।
