ପ୍ୟାରିସ ଫ୍ୟାଶନ ୱିକରେ ଡେବ୍ୟୁ କଲେ ଆଲିଆ ଭଟ୍ଟ, ଦର୍ଶକଙ୍କ ହୃଦୟ ଜିତିଲା ଆଲିଆଙ୍କ ରାମ୍ପ ୱାକ୍
ବଲିଉଡ ଅଭିନେତ୍ରୀ ଆଲିଆ ଭଟ୍ଟ ସୋମବାର ପ୍ୟାରିସ ଫ୍ୟାଶନ ସପ୍ତାହରେ ଏକ ଗ୍ଲାମରସ ଷ୍ଟାଇଲରେ ଡେବ୍ୟୁ କରିଛନ୍ତି । ‘ହାଇୱେ’ ଷ୍ଟାର ବ୍ୟୁଟି ବ୍ରାଣ୍ଡ L’Oreal ପ୍ୟାରିସକୁ ପ୍ରତିନିଧିତ୍ୱ କରି ରାମ୍ପ ୱାକ୍ କରିଛନ୍ତି । ଏହି ସମୟରେ ଅଭିନେତ୍ରୀଙ୍କୁ ଏକ ସିଲଭର ମେଟାଲିକ ଡ୍ରେସରେ ଦେଖିବାକୁ ମିଳିଥିଲା । ଅଭିନେତ୍ରୀ ଏହି ଡ୍ରେସକୁ ବ୍ଲାକ୍ ଅଫ୍ ସୋଲଡର୍ ଜମ୍ପ୍ ସୁଟ୍ ସହିତ ପେୟାର କରିଥିଲେ । ମେକଅପ୍ ପାଇଁ ଅଭିନେତ୍ରୀ ତାଙ୍କ ଓଠରେ ପିଙ୍କ ଟଚ୍ ଦେଇଥିଲେ । ଓଦା କେଶ ତାଙ୍କ ଲୁକକୁ ଆହୁରି ଆକର୍ଷଣୀୟ କରିଥିଲା । ଫ୍ୟାନ୍ସମାନେ ଆଲିଆ ଭଟ୍ଟଙ୍କ ଏହି ନୂଆ ଲୁକକୁ ଖୁବ ପ୍ରଶଂସା କରୁଛନ୍ତି ।
ନିକଟରେ ଆଲିଆଙ୍କୁ L’Oréal ପ୍ୟାରିସ୍ ପାଇଁ ଗ୍ଲୋବାଲ ବ୍ରାଣ୍ଡ ଆମ୍ବାସଡର କରାଯାଇଛି । ସେ କିଛି ଦିନ ପୂର୍ବରୁ ପ୍ୟାରିସକୁ ଆସିଥିଲେ । ସେ ତାଙ୍କ ସ୍ୱାମୀ ରଣବୀର କପୁରଙ୍କ ସହ ପ୍ୟାରିସର ରାସ୍ତାରେ ବୁଲୁଥିବାର ମଧ୍ୟ ଦେଖିବାକୁ ମିଳିଥିଲା । ଦୁହେଁ ଜଣେ ଫ୍ୟାନ୍ସଙ୍କ ସହ ଫଟୋ ପାଇଁ ପୋଜ୍ ମଧ୍ୟ ଦେଇଥିଲେ, ଯାହା ତୁରନ୍ତ ସୋସିଆଲ ମିଡିଆରେ ଭାଇରାଲ ହୋଇଥିଲା ।
ଆଲିଆ ଭଟ୍ଟଙ୍କ ଆଗାମୀ ଫିଲ୍ମ ଜିଗ୍ରାର ରିଲିଜ ପାଇଁ ପ୍ରସ୍ତୁତ ଅଛି । ଏହି ଫିଲ୍ମରେ ଅଭିନେତ୍ରୀଙ୍କ ସହ ବେଦାଙ୍ଗ ରୈନା ମଧ୍ୟ ଅଛନ୍ତି । ଏହି ଫିଲ୍ମରେ ଆଲିଆ ଭଟ୍ଟ ତାଙ୍କ ଭାଇ ବେଦାଙ୍ଗ ରୈନାଙ୍କୁ ବଞ୍ଚାଇବା ପାଇଁ ସଂଘର୍ଷ କରୁଛନ୍ତି ଏବଂ ଏହି ସମୟରେ ଆଲିଆ ଭଟ୍ଟଙ୍କୁ ଆକ୍ସନ୍ ସିନରେ ଦେଖିବାକୁ ମିଳୁଛି । ଏହାର ଟ୍ରେଲର ଦର୍ଶକଙ୍କ ମଧ୍ୟରେ ଫିଲ୍ମ ପ୍ରତି ଅଧିକ କୌତୁହଳ ବଢ଼ାଇଛି ଏବଂ ବର୍ତ୍ତମାନ ଫ୍ୟାନ୍ସମାନେ ଫିଲ୍ମ ରିଲିଜକୁ ଅପେକ୍ଷା କରିଛନ୍ତି । ଅକ୍ଟୋବର ୧୧ରେ ‘ଜିଗ୍ରା’ ରିଲିଜ ହେବାକୁ ଯାଉଛି ।
ସେହିଭଳି ଆଲିଆ ଭଟ୍ଟ ବର୍ତ୍ତମାନ ଜାସୁସ ଥ୍ରୀଲର ଫିଲ୍ମ ‘ଆଲଫା’ ପାଇଁ ସୁଟିଂରେ ବ୍ୟସ୍ତ ଅଛନ୍ତି । ସେ ଫିଲ୍ମର ସୁଟିଂ ପାଇଁ କାଶ୍ମୀରରେ ପହଞ୍ଚିଛନ୍ତି । ଏହି ଫିଲ୍ମରେ ଆଲିଆଙ୍କ ସହ ସରଭରୀ ମଧ୍ୟ ନଜର ଆସିବେ । ଏହା ବ୍ୟତୀତ ଆଲିଆ ସଞ୍ଜୟ ଲୀଲା ଭନସାଲୀଙ୍କ ଫିଲ୍ମ ‘ଲଭ ଆଣ୍ଡ ୱାର୍’ ରେ ରଣବୀର କପୁର ଏବଂ ଅଭିନେତା ବିକି କୌଶଲଙ୍କ ସହ ନଜର ଆସିବେ । ଆଲିଆଙ୍କ ସମସ୍ତ ଫିଲ୍ମ ଦେଖିବାକୁ ଫ୍ୟାନ୍ସମାନେ ବହୁତ ଉତ୍ସାହିତ ଥାନ୍ତି ।
ନିକଟରେ ଅଭିନେତ୍ରୀ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଫିଲ୍ମ ‘ବ୍ରହ୍ମାସ୍ତ୍ର’ ବିଷୟରେ ଏକ ବଡ଼ ତଥ୍ୟ ସେୟାର କରିଛନ୍ତି । ଆଲିଆଙ୍କ ଫ୍ୟାନ୍ସମାନେ ‘ବ୍ରହ୍ମାସ୍ତ୍ର ୨’ ପାଇଁ ଅତି ଉତ୍ସାହର ସହିତ ଅପେକ୍ଷା କରିଛନ୍ତି । ଏହି ଫିଲ୍ମରେ ଦର୍ଶକମାନେ ପୁଣି ଥରେ ବଡ଼ ପରଦାରେ ଆଲିଆ ଭଟ୍ଟ ଏବଂ ରଣବୀର କପୁରଙ୍କ କେମେଷ୍ଟ୍ରି ଦେଖିବାକୁ ପାଇବେ । ଫିଲ୍ମର ସୁଟିଂ ଖୁବ ଶୀଘ୍ର ଆରମ୍ଭ ହେବାକୁ ଯାଉଛି । କହି ରଖୁଛୁ, ୨୦୨୨ ମସିହାରେ ରିଲିଜ ହୋଇଥିବା ଆଲିଆ ଭଟ୍ଟ ଏବଂ ରଣବୀର କପୁରଙ୍କ ଫିଲ୍ମ ‘ବ୍ରହ୍ମାସ୍ତ୍ର’ ଦର୍ଶକଙ୍କୁ ବହୁତ ପସନ୍ଦ ଆସିଥିଲା ।
